كل ام تنوم اطفالها الرضع في غرفه لوحدهم تتفضل

ابني عمره 7 شهور هلا بدات معه لما كان 4 شهور ة الحمد لله بينام فيها بس مجنني كل 3 ساعات بيصحا لازم يرضع مع اني بطعميه كويس قبل النوم و ما بنيمه كتير بالنهار شو الحل دلوني بس هيك اريح الي و لابوه

انا جارة الاخت مغتربة .. ساكنين بنفس البيت ( انا طابق وهي طابق )

وللاخت اللي بتقول ما بتحمل الطفل يبكي 15 دقيقة .. بقوللها اذا هيك لا تعاقبيه لما يكبر ولا تضربيه ع ايدو ازا مسك الكهربا او طلع من باب البيت او ضرب اخوانه .. حرام راح يصير يبكي ..
لما يبكي الطفل وانتي عاملة اشي لمصلحته خليه يبكي ان شاء الله لبكرا شو بده يصير له يعني ؟؟
يعني لما يكبر وتعاقبيه وتحبسيه في غرفته كم دقيقة راح يظل يبكي ويصرخ .. شو راح تعملي وقتها .. تصالحيه و تبطلي تربيه مشان ما تسمعيه يبكي ..؟؟

و ع فكرة انا حضرت الدورة اللي حكت عنها مغتربة وسمعت كلام المختصين والاطباء وطبقته ع اولادي و الله انها راحة ما بعدها راحة .. بفضى لحالي ولزوجي يعني انا بشر وزوجي بشر حرام انه يرجع من شغله وينام في غرفته ما يقدر يحكيله كلمة ولا يطلع صوت و يتقلب على السرير على مهله مشان ابنه ما يصحى .. ولا شو ذنبه يصحى كل ما صحي ابنه بالليل ؟
شو ذنبه ينحرم من احلى الاوقات مع زوجته و هو عارف انه ابنه ما راح يصيرله شي لو نام في غرفة جنبهم ؟؟
وشو ذنبي انا اقوم كل ساعتين وبالنهار لازم اظل صاحية مشان الشغل والطبخ والبيت .. وين راحتي انا ؟؟
لما تتركيه اسبوع يبكيله عشر دقائق لحد ما ينام وبعدها يتعود انتي راح ترتاحي و زوجك يرتاح وابنك ما فيه الا العافية متل ما بقولوا .. وراح يصير ينام احسن بالليل ..

ما شاء الله عليه الله يحفظلك اياه ويجعله قرة عين الك ولابوه .. ما دامه صغير ما راح تتعبي معه بأذن الله ..
ومغتربة ما بتقصر بنت حلال الله يسعدها وما يحرمني منها .. الفضل الها بعد الله سبحانه وتعالى اني حضرت الدورة ..لما زوجي شاف كيف بنتهم مريحة و بتنام لحالها ما شاء الله هو اقترح انه نروح الدورة ونتعلم ( بده يخلص من صفارة الانذار اللي بتدق عنده كل ساعتين بالليل :hahaha: ) ورحنا والحمد لله توفقنا ..

وراح اشوفلك لو فيه كتب معينة واعطيك اسماءها ودوريها عندك في السعودية ..