تشققات الحمل المستعصية

لسلام عليكم
حبيبتي جيبي ملح البحر (الملح الخشن )وزيت زيتون يفضل الاصلي
كسري الملح في الزيت وتحممي بماء ساخن حتى تتفتح المسامات
وبعدها فركي فيه جسمك كله وبحركه دائريه واذا انتهيتي اشطفيه بماء بس
هذا مقشر طبعي وانشاء الله يفيدك واذا عن التشققات اسألي لخوات عن منتج زين انا شخصين والله ما جربته بس عسى الاخوات بالمنتداء يفيدوك
او اخلطي خل تفاح من مع زيت زيتون وحطيها بعلبه جيبي منشفه يفضل بيضاء وافركي فيها المنطقه المتشققه ثلاث مرات يومين انا مجربتها شخصين والله مره فادتني
اعتذر عن الاطاله بس بقلك حبيبتي لا تخلي شي بسيط ياتر على استقرارك مع زوجك بالعكس اذا شافك وياه حنونه ورايقه تهون عيوب الدنياء
حبي نفسك زي ما هي وحبي زوجك عشان هو جنتك ونارك
اكرر اعتذاري على الاطاله والله فرج همك ويعينك

وش الحل للبطن كيف ينشد او بالاحرى الجلد المترهل تقولي اخصائية الرياضه هذي ماتروح حتى مع الرياضه

عزيزتي سحايب طيبة
أنا مريت باللي تمرين فيه ألحين بعد بكريتي صار ليه نفس الوضع خاصة سواد البطن
وماكنت أعرف ايش أسوي وبعد ماجبت الثاني قرأت في أحد المنتديات عن خلط الفازلين مع الكركم
طبعا (كركم خاص باالبشرة من عند العطار) مطحون
والله السواد كله أختفى ماشاءالله تبارك الله وبشي سهل وطبيعي الله يجزاها كاتبة المعلومة ألف خير
وأنا حبيت أساعدك بشئ سهل وماتخافين مرة من أضراره وطريقته
علبة فازلين كبيرة (أكبر مقاس)ونقصي منها ملعتين وأضيفي ملعقتان أكل مليانه من الكركم وأخلطيها مزبوط
وأدهني قبل النوم أو قبل الاستحمام بساعتين وحاولي تفركينه أول ماتحطينه وقبل ماتغسلينه لان الكركم يعمل زي السنفرة باالزبط
وأغسليه عادي
ولو تجلسي في بخار حار يكون أحسن حتى لو على دش البانيو يعني عشرة دقايق قبل ماتغسليه
أنا أستعملته ألين خلصت العلبة والحمدلله ماأحتجت مرة ثانيه
طبعا أدهن كامل جسمي من الرقبة الى الرجل
وأتمنى الافاده

وبالنسبة لترهلات البطن مافي أحسن من المشي حتى لو ربع ساعة
وحاولي وقت المشي تكونين لابسه مشد اللي يكون شورت ويشد البطن كامل
وطول ماتمشين اسحبي بطنك يعني شهيق وشدي بطنك وبعدين زفير
بس بعد المشي لاتخلين المشد لانه يضر بدون حركة
لازم وقت ماانتي لابسه المشد تتحركين ووتمشين عشان مايكسر عضلة البطن
واسفة على الاطالة