الموضوع مغلق
تدرون وش شفت امس عند المقبرة وفي الليل الساعة 9 ؟؟ !!
قد يحتوي هذا الموضوع على محتوى غير مناسب. عرض الموضوع
السلام عليكم
خواتي بختصار بقولكم القصة
امس في الليل انا وزوجي المصون :arb: طلعنا برات البيت الساعة تقريبا 9 في الليل ومرينا من عند مقبرة
ونلاقي حرمة واقفه عند باب المقبره وجالسه تطل على الداخل
يعني الباب حديد نصه واللي فووق مثل حق السجن تقدرين تشوفين الداخل
قلت لزوجي وس سالفة هالحرمه واقفه هنااء قال يمكن جالسه تمشي تتمرن لان المكان هناك مكان مشي قلت يمكن
بس واضح ان الحرمه متمسكه بقضبان الباب وجالسه تطل من الداخل المهم نسينااااااها ورحنا على مشوارنا
ويوم رجعنا للبيت ومرينا من عند المقبرة تقريبا السعة 11 في الليل الا والحرمة واقفه عند المقبره !!!!!!
وسيارة موقفه عندها ورجال يسحبها بالقوة يبيها تركب السياااااااااااااارة
انا انجنيت وماتحملت الموقف رجعنا بنشوف وش السالفه الا ونلاقي الرجال يسحبها بقوه بيركبها السيارة
وهي متمسكه بالباب ماتبي تركب وبالاخير ركبها غصب
ولحد اللحين وانا افكر بهالحرمة ليش واقفه عند باب المقبرة ؟؟
جلست اتخيل اقول يمكن ولدها متوفي صغير ومفجوعه وجالسه تطل على المقبرة ولا مريضة
ولا مدري وش سالفتها
بس من جد رحمتها رحمتها
تخيلت انه متوفي لها غااااااااااالي ومو متحمله فراقه عشان كذا جايه عند المقبرة وجالسه تشوف
يارب ترحمنا وتخلي لنا كل غالي ولا تفرقنا من شر يارحم الراحمين