طريقه بتخلي الحوامل يستفيدو من ملابسهم بالأيام العادية
طريقة رائعه للصبايا الانيقات بتخليهم يستفيدو من اغلب ملابسهم العاديه ليكونو بقمة اناقتهم ايام الحمل
بتعرفو اغلب الموضه حاليا ومن فترة هي التنانير الواسعه سواء كانت ميدي او شانيل او ماكسي
وموديلاتها مختلفه وبتخيل انه ما في وحدة منكن ماعندها بدولابها من هالتنانير
المهم هالحلوة صارت حامل وبالأشهر الأخيرة ماعاد تعرف شو تلبس
خصوصا الي بزيدو عدد من الكيلوات لا بأس به
عالأغلب بتكون الملابس مو كتير حلوة وعالأغلب غير مميزة
المهم وباختصار الطريقه انك تاخدي هالتنورة الواسعه وترفعيه لفوق الصدر هيك بتكون مسكت على جسمك بشكل جيد يعني كأنها صارت فستان كت ومن جهة البطن فهي واسعه وما بتزعج الحامل(لنفرض انه السحاب ما سكر على الاخر ..مافيه مشكلة لأنك رح تلبسي جاكيت فوقه)
بعد هيك بتاخدي شريطة ساتان او حزام او بروش كبير بلون مناسب وبتربطي فيه اسفل الصدر يعني متل ماأغلب فساتين السهرة الي بتكون من تحت الصدر فيها شريطة ساتان فرضا
وبعد هيك بتلبسي بولرو (جاكيت قصير)أو جاكيت فرنسي يناسب التنورة ومعه اكسسوار مناسب وشنطة وجزمة حلوين وهيك بتكوني بقمة الأناقه يعني مثال بسيط تنورة بيضاء وسودا فوقها جاكيت أسود وشريطة ساتان فضي واكسسوار فضي أو دهب أبيض مع جزمة وشنطة سودا
هلأ مشان طول التنورة
التنورة الماكسي رح تتحول لتنورة شانيل
والشانيل رح تتحول لميدي والتنورة الميدي رح تتحول لفستان قصير فوق الركبة
وهيك بتكوني حصلتي على ملابس رائعه تلبسيها امام زوجك وهي لفستان القصير:27:
وملابس رائعه وانيقة للجمعات النسائية والسهرات:27:
وهيك بتضمني التألق بنفس الملابس الي موجودة بدولابك
ومبروك البيبي مقدما :icon28::icon28: