مرحبا ياحلوين
أنا ماني مغتربة.. بس أسافر كتير
وحيبت أفيدكم بأشياء ممكن تجيبوها معاكم
شنط يد أو شنط مدارس للظهر<<<<هدي أنا لازم أشتري منها من أمريكا خصوصًا.. عندهم خامات وأشكال كشخة وحلوة
ملابس أطفال.. وخصوصًا البنات اللي في عمر 6 ل11سنة.. هذول تتعبي هنا عشان تلاقي لهم شيء حلو ومرتب<<هدي مرة ركزوا عليها.. لأن هنا أطفال صغار تلاقي وكبار تلاقي.. بس دا السن الحيرات اللي يجيب الأزمة
أحب أشتري أدوات مكتبية.. أقلام غريبة مقلميات وخرابيط زي دي.. للأطفال يتكشخوا بيها مرة
ملابس احم احم.. underwear نسائية طبعًا.. عندهم محلات مرة أجمل وأرقى وأرخص
غالبًا خذوا اكسسوارات الأشياء.. يعني مثلا لا تاخدوا لاب توب.. لا خذوا اكسسوارات شنطة غريبة غطة.. ماوس غريب
كدا الأشياء الغريبة.. لأن كل شيء ينزل في أسواق السعودية وتلاقونه بأسعار عادية.. بس دي الأشياء الغريبة هي اللي تميز
يعني مثلا أحزمة.. حلقان واكسسوارات غريبة.. الملابس هنا تلاقي كتير أشياء
جزم رياضية.. أو كوتشات.. خصوصًا الماركات ريباك سكتشر اديداس وكدا.. عندهم اشكال حلوة وغريبة.. وحتى لو نزلت في السعودية غالبًا ما تنزل كل التشكيلة
فساتين سهرة نعومة وهادية.. الستايلات البسيطة لو كنتي تحبيها.. هنا مرة صعب تلاقيها أغلب الفساتين هنا فيها قرابيع كتيرة.. ولو لقيتي منها تلاقي أسعارها مو منطقية
اذا في نوعية حلاوة أو لبان ادمنتوه.. جيبوا منها بالجملة.. لأنو مرة حتفتقدوه بعدين<<<خخخ كل ما أسافر أحب لي شيء.. وأتأزم يوم نرجع
بس هذا اللي افتكر اني عادة اجيبوا من السفر
اذا افتكرت شيء تاني حأرجع لكم
ادعولي وانتو راجعين من السفر ان الله يسهل لي دراستي ويفتح علي
وترجعوا بالسلامة
العائدات للوطن عودة نهائيه لصيف 2008 .. حان وقت التجهيز .. وبسم الله ..
متابعة النقاش، صفحة 37