مركز دبي للإخصاب

((alia58 ... ))
=========

مساج الله بالنور حبيبتي..
وتسلمين فديتج ما قصرتي..ادري تعبتج معاي السموحه..

االحمد لله والله يكملج حملج على خير..وتربين وتقومين بالسلامه ويرزقج ربي بيبي سليم معافى من غير زياده ولا نقصان يااااااااارب..

انا بعد نفس المشكله انا الحمد لله سليمه وكل شي اوكي عندي..بس زوجي عنده ضعف شديد..
وهذي اول مره يسير عند دكتور متخصص عشان يعالج..وان شاء الله ربي يكتب له الشفاء ياارب..
هو خذا موعد عند الدكتور محمد الحمد لله انه ظهر احسن دكتور..بياخذ كورس علاج وان شا ءالله احمل طبيعي..
ولو الله راد وما حملت بنفكر ان شا ءالله ويقنع زوجي بأطفال الانابيب عند حسنيه قرقاش..
واكيد انا وانتي بنتفق على نفس الراي وانا ما بخلي ريال يكشف علي..لازم الدكتوره حسنيه ..:)


بس ياريت لو تقوليلي شو اسعار علاجها.. وكم تكلفه اطفال الانابيب كامله مع الادويه وكل شي؟؟


ما قصرتي فديتج كفيتي ووفيتي كلج ذوق حبوبه..
والله يوفقج يارب دنيا واخره..
ودمتي عيوني..

((شجووون _ الليل ..))
=============

هلا وغلا عيوني...
انتي تتعالجين ولا ريلج ايلي يتعالج؟؟؟
انا الحمد لله بخير وعافيه...بس ريلي عنده العدد قليل جدا..
واول مره بيبدا العلاج عند الدكتور محمد خذا موعد عنده...
طمنيني وخبريني زين الدكتور محمد؟؟؟ وهل بيعطي ريلي كورس علاج ولا كيف؟؟

انا بتريا زوجي ياخذ كورس العلاج وبعدين لو الله ما راد وما حملت وان شاء الله احمل..
بقنع زوجي باطفال الانابيب وربي يرزقنا يارب الذريه الصالحه...

تسلمين يالغلا على وقتج...

ربي يحفظج دنيا وآخره..

لا ريلي الي يتعالج والدكتور وايد زين حتى الممرضات الي هناك يقولن هو أحسن واحد

بس أقولج الصراحه نحن يينا المركز ونحن حاطين في راسنا أنا نسوي حقن مجهري

لأنا جربنا علاجات ولا فادة لريلي فأنا قلت ما أبغي أضيع الوقت أسوي حقن أحسن

لأن رييلي فيه ضعف شديد جداااااااااااااااااااا وقالولي يمكن فجأه يختفن الحيوانات المنويه

وإذا كان الضعف شديد في الزوج ما يسوون أنابيب يسوون حقن مجهري وسعر الكور حق الحقن كامل عشرين ألف

هو الدكتور أول ما بتين بينصحكم بالحقن المجهري لكن إذا أنتي تبين تصبرين شوي قوليله

لكن أنصحج أنج تسوين تجميد للحيوانات المنويه علشان تكونين مطمنه أن فيه عندج حيوانات مجمده

إذا لا سمح الله واختفن.

الله يرزقك وكل محرومة يارب