**للاخوات اللى طلبوا لينكات المواضيع ***

بسم الله الرحمن الرحيم

السلام عليكم يا احلى واجمل بنات فى المنتديات كلها بنات منتدى عالم حواء

انا فتحت الموضوع دة اللى بيحتوى تقريبا على بعض الملفات والمواضيع اللى كنت كتباهم واللى عرفت اطلعهم من المنتدى ومن ارشيف المنتدى بقدر الامكان ودة بناء على رسائل كتير بتجيلى من بنات على الخاص بأنهم مش لاقيين الموضوعات او مش عارفين يطلعوها
فالحمد لله بقدر الامكان قدرت اطلع الموضوعات وان شاءالله بقدر الامكان ولما تتحسن الظروف شوية عندى ويكون عندى متسع من الوقت ححاول اعيد تنزيل الصور تانى للمواضيع
وكان ليا بس اعتزار لكل من ام زياد

و فوفة
و الاخت anawbass
والله اسفة جدا لانى اتأخرت عليكم وان شاءالله اكون قدرت انزلكم كل اللينكات المطلوبة منكم بقدر الامكان

وبالمناسبة يا بنات
ان شاءالله حنزلكم ملف صغير لبعض الحلويان من برنامج حلويات وانا قاصده انى انزلها مخصوص للبنات اللى لسة مش بيعرفوا يعملوا حلويات لانى بأمانة مردتش انزلهالكم الا لما اجربها الاول وفعلا كل الوصفات ناجحه تماما ومقاديرها صغيرة وسريعه حتى الكيكة الاسفنجية كانت بتفشل مع جارتى لكن اتعلمت تعملها بطريقة البرنامج ودلوقتى بتعمل تورت جميلة وبسكوت وانا ان شاءالله حنوعلكم من الاصناف اللى تفيدكم بالصور ان شاءالله
بس ليا طلب عند البنات ياريت ياريت لو كل واحدة فيكم تشترى ميزان بالجرام وتخليه بس للحلويات حيفيدها جدا ولعلمكم مش حتستغنوا عنه وهو فعلا اصبح مهم جدا فى المطبخ فعلا دة مش من الكماليات دة بقى مهم جدا وفعلا بيظبط الحلويات