شاركي في النقاش

سجلي الدخول لإضافة تعليق.

التعليقات

1,535
  1. @aml_kryb

    بنات مين فيكم راح تستقبل حمولتها بالمستشفى؟؟؟
    يعني تضييفهم بالمستشفى وخلاص ماعاد يجون بالبيت
    وبالبيت مايجي الا اهلك؟؟؟
  2. @amonh_hanm

    روبين3
    أنا إن شاء الله 29 شعبان بس الحمد لله أحس راحة الولادة في رمضان لاني أولا أكون عند أهلي ... وثانيا حيكون رمضان إجازة. أما بالنسبة لتجهيزات البيبي إن شاء الله أشتريها بدري لأني دايما أشتري من شهر 6 أو 7 بس هالمرة الله يعين حكون ثقلانة ...…
    انا بكرية وادخل التاسع في 4 شعبان

    والdue date حقي ب4_9_2008 4_9_1429 <<مميز:hahaha:

    يعني اكون اخذه رمضان كلللللللللللللللله؟؟


    بلييييز قولوا لا
  3. @aml_kryb

    روبين:
    الله يقومك ويقومنا بالبسلامه يارب
    التسنيع والتزيين:
    خليها مع يومك بالنفاس من الاول
    يعني فيه اشياء تاخذ وقت وتبي تقريبا شهر عشان تبان النتائج
    مثل تسوين خلطة كريم اللي هو الجليسوليد والليمون وزيت اللوز الحلو وتكثرين منه
    هالكريم تستخدمينه يوميا لجسمك كله (تعرفين مع الولادة والحمل السواد اللي يجي واحيانا يتقشر الجلد)فانتي تخلين الجلد الجديد حلو وناعم بهالخلطة وتششيلين السواد بها
    وشوفي ماسك لوجهك انتي عاجبك ويناسبك وصيري حطية مرتين بالاسبوع ماراح يضايقك او تحسين بالعجز حطية واجلسي من ربع لنص ساعه وشيلية بعدها امسحي وجهك بموية ورد باردة ورطبيه بكريمك المفضل

    وعقب ماتطهرين صيري تسوين حمام مغربي لجسمك مرتين بالاسبوع
    وحمام زيت لشعرك مرة بالاسبوع
    ...........
    بالنسبة لطلعتك :
    انتي بتطفشين اصلا من الجلسة اخر الايام قبل ماتطلعين من النفاس باسبوع يعني اخر اسبوع برمضان عقب ماتخلص شغالة اهلك من المواعين العشاء خذيها وروحوا لبيتك رتبوه على يومين
    اليوم الاول تمسيح الجدران والاثاث وتغسيل الحمامات (كرمتم)والحوش وغيره يعني تنظيف في تنظيف واغسلي ملابس زوجك اللي بتلقينه مسوي لك عرض ازياء بالارض
    <<<<<<<<<مجربه
    خخخخخخخخخخخخخخخخخ
    وانشريهم
    بعدها بتتعبون
    روحي لبيت اهلك ريحي
    من بكرة برضة بعد العشاءئ خذي الشغاله بس هالمرة خذي معاك الاغراض اللي خلاص ماتحتاجينها تبعك وللبيبي ببيت اهلك يعني مضيقه على الفاضي
    وروحي لبيتك خلي الشغاله تكوي ملابس زوجك اللي غسلتيها
    وانتي افرشي مفرش السراير وبخي عليها بخاخ المفارش وسكري كل الشبابيك وبخري الغرف وسكريها كلها
    (على فكرة مو بدري على المفارش بيكون ماعاد بقى لك الا 5 ايام وتطلعين)
    بعدها لما تخلصون كل شئ لاتنسين الثلاجة شوفيها الخربان ارمية وخليها تمسحها وخلي فيها فراغ عشان لما ترجعين بالسلامة يصير بس تعبينها اللي ناقص
    وبخري البيت كله وسكري ابواب المجالس والشبابيك
    وقولي لزوجك لايفتح شئ ولا يقرب شئ حده غرفة النوم وبس

    كذا ارتحتي من هم التنظيف
    بيبقى 5 ايام لك وعلى العيد بعد
    اصبغي شعرك اذا كنتي بتصبغينه لانه يحتاج كم يوم عشان يحلو اللون
    وقبل العيد بيومين روحي شيلي شعر جسمك كله ووجهك وشقري حواجبك
    ويوم العيد لما يجي زوجك يسلم على اهلك روحي معاه
    بيصير انتي جاهزة وقمر
    والبيت نظيف
    ونص اغراضك وديتيها بيتك يعني شنطك مو كثيرة تقولين صعبه
    وانتي كاشخه بلبس العيد والبيبي بعد (2*1)خخخخخ للعيد ولزوجك:32:
    ولا تروحين لاهل زوجك اول يوم مو لازم يعرفون انك طلعتي اصلا زوجك بيكون سلم عليهم الصباح يعني شافوه ماراح يضطر يرجع
    وانتي عيدي مع زوجك وانبسطوا
    الله يقومك بالسلامة ويسخر لك زوجك
    اللهم امين لك ولي ولكل مسلمة يارب
  4. مشاء الله يامل ماخليتي شي الي ووصفتيه والله احس ارحت يوم قريت كلامك احس هم وطاح مشاء الله عليك شكلك مجربه
  5. @aml_kryb

    برينسيس:
    هههههههههههههههههه
    اي والله مجربه
    خصوصا لما تروحين تنظفين البيت تلقين البيت وش حليله مطامنه ربي باسمه الا 3 اماكن
    المطبخ:كله كاسات وصحون بالمجلى يبي لها غسل مافي كاس بالدولاب كلهم بالمجلى
    غرفة النوم:كله ملابس على الارض سلة الملابس مومعترف فيها او تكون غصت ملابس
    السرير ماعاد هوب سرير البطانية شرق والمخدات غرب لا وفيه مخده مفقودة ومخدة نص الكيس طالع منها
    الحمام(كرمتوا): مراية الحمام ماتشوفينها من بقع الموية اللي عليها
    والشامبو مفتوح على جدار البانيو ماكان له رف خاص
    والليفه بوسط البانيو طايحه
    هذا غير الجلسة اللي تجلسون فيها
    الريموتات شرق وغرب
    وعلب بيبسي او سفن فاضيه على الطاولة وحدة واقفه والباقيات متسدحه
    الحمدلله بتلقين المخدة المفقودة مدرعمه بالجلسة صار ينام عليها الاخ وهو يتابع شئ بالتلفزيون :35:
    كانك داخله شقة عزاب
    حاااااااااااااااااااااااله
    ههههههههههههههههههههههههههه

تابعي تجارب أخرى من هذا القسم.