تحدي بين العلمي و الادبي

@mhb_alkhyl

قصيدة تحدي بين بنات العلمي والأدبي
هاي القصيدة عبارة عن تحدي بين بنات العلمي وبنات الأدبي

بنت العلمي:
حسبي الله على من تسلط على المسلمين
ضعنا ونبي رايكم يالسامعين
سهرنا الليل ورحنا نقول دارسين
وقلوبنا من الاسئلة حافظين
حفظنا الذهب والفضة وجانا الخارصين
والفراغات مليناها كلهاتخمين
ورحنا للسؤال الثاني على بالنا فاهمين
معادلات مع الاوزان عز الله ضايعين
ماعرفنا من الرموز الا الماء والاكسجين
والا السؤال الثالث يامن يعين
مسالة مانعرف لها راس من رجلين
اكتبي الصيغة الوزنية ماحناعارفين
والقوانين والله يستر علىالقوانين
تكسرت الالة من الطقطقة مابقى الا زرين
والمصيبة مشرفتنا تصرخ يانايمين
من زود الوناسة شايفتنا قاعدين
سلمنا الاوراق مافيها صح الا اثنين
الاسم ورقم الفصل وعلىالباقي مشطبين
ياناس انصفونا من الظالمين
والا ترانا اخر السنه من الراسبين
واخرتها سلامتكم يالربع والسالمين
واذا مااشتكينا لكم نشتكي لمين

شافوها بنات الادبي فتبرعت وحده منهم وردت :

من قال لكم تدخلون علمي يالمجانين
هذي هي سوات ايديكم يالفالحين
اسهروا ليلكم مع نهاركم ياالشاطرين
وحنا بنشخر مع النايمين
وحفظ الادب والمكتبة ومواد الدين
على طول بنجاوب دامنا حافظين
قلنا لكم نيوتن وفيثاغورس ميتين
وجعلكم ماتصيرون بانفسكم فالحين
واخرتها الله يسلمكم يالسامعين
وان شاء الله نشوفكم مع الراسبين


تنرفزوا بنات العلمي وقالوا :

دايم عند الاداره يامخبل متهاوشين
تحطون راسكم براس العلمي يالمساكين
ترى لكم الكرف والبيت وغسل المواعين
اتركو عنكم الحقد مركزنا منتوب واصلين
حنا لنا العلم والمستقبل يالمساكين
واخرها الله لايسلمكم من البلاء يالمساكين
واخر السنه ان شاء الله نكون من الناجحين

12 تعليق 855 مشاهدة

0 0

شاركي في النقاش

سجلي الدخول لإضافة تعليق.

التعليقات

12

  1. @ghrshob_abothby

    بصراحة ما احب هالمقارنة

    دايما اللي يقارن اهاوشه

    كل واحد له ميوله وبالنهاية هذا العلم بحر وكل واحد يغرف من مكان ما يحب

    وانا بكل فخر ادبي

  2. @asyr_algroh_1

    واااااااااااااااااااااااااااااااااااااااااو صراحة حلوه
    وانا من طالبات العلمي بس صراحة امممممممممممممموت بالعلمي واكره الأدبي عاد هذا ميولي وش اسوي :booo:
    صدق العلمي يطلع عيونا من القراءة والفهم :icon810:بس جدا ممتع احسن من الأدبي

  3. @mhb_alkhyl

    صاحبة الموضوع
    غرشوبة أبوظبي
    بصراحة ما احب هالمقارنة دايما اللي يقارن اهاوشه كل واحد له ميوله وبالنهاية هذا العلم بحر وكل واحد يغرف من مكان ما يحب وانا بكل فخر ادبي
    هذه ماهو صحيح أختي

    وانا مااكتب الموضوع لأجل ميول أحد انا كتبته فقط للتريوح للنفس وادخال السرور على الاخوات


    وشكرا على المرور

  5. @alsbr_mftah_alfrg_2

    حلوه انا علمي واموت فيه والفهم احسن من الحفظ لو يرجعوني ورا ويخيروني اختار العلمي وبكل فخر وتخصصي احياء مافي اروع منه بس يعطيك العافيه ونستينا...........

تابعي تجارب أخرى من هذا القسم.