¨°o.O (( رابطة المتحزمات)) O.o°"

توتا البنوتا
قريت كلامك وأعجبني , مرة أعجبني , ولا تتوقعين ابغى ازعل او اتحكم باللي تقولينه , لا والله بس انتي تشوفين كل المجموعة الموجودة او اغلبها مجموعة جديدة ومبتدئة , وحنا بحاجة لكم وخبراتكم
يعن تشوفين فرحتنا بزيزو وخبراتها , فلا تبخلين علينا بطلاتك الحلوة وكلامك وخبراتك
زوووف
ركزي معاي شويه ولا تتسرعين بالرد لين تفهمين الموضوع ها ها ها ها ها
أم يحيى
أخبار الدايت اليوم , ماشي تمام ؟؟
أنا الحمدلله ماشية تمام
بس تدرين ايش مخوفني ؟؟
الليل
لأن تخبيصاتي ما تصير الا في ساعة متأخرة من الليل
لكن بمسك نفسي واستمر على الالتزام
انا افطرت بالعمل كاستين حليب منزوع الدسم
وتغديت كاسة لبن منزوع الدسم
تذكرت الايام الاولى للعملية
بنت الكبيسي
شكرا على فكرتك
هاه بديتي ؟؟ والتزمتي ؟؟
لي لي10
أخباااارك
مشيتي على النظام صح اليوم ؟

فراشة دبدوبة
صدقيني باذن الله بتنحفين
بس ابغى اقول لك شي
قاله لي الدكتور قبل يسويي لي العملية
قال :
فيه ناس سويت لهم العملية ونقصوا ثمانين كيلو
وفيه ناس سويتها لهم ما نقصوا ولا جرام
ما كنت مقتنعة بكلامه
الا لما سويت العملية
فهمت انه الامر خاضع لارادتي
وقوة عزيمتي
يعني يبغى لك مجهود
واكيد انتي زينا انكويتي من السمنه
وحقدتي عليها
وجا وقت الثار
بس لا تستعجلين النتيجة
يعني شوي شوي النقص
حطي النقص البطئ في بالك عشان ما تتضايقين
وبالتوفيق

الله ينحفنا يارب كلنا بالصحه وعافيه يارب :26:

كلام دكتورك صحيح ميه بالمية
الله ينجينا من هالعجله وييسر أمورنا يارب


بنااااااااااااااااااااااااااااااااات دعاكم ا ودعكم لله يسعدكم :26:

وأنا أقول الرابطة زايد نورها ليييييش .. توتة الحلوة هني وأنا مادري .. طولتي الغيبة علينا

تحياتي للجميع يارب تكونون بخير وصحة

قمر نجد

أي والله صدقتي .. قبل العملية كنت أشتري جواتي بالميات ماركات وغير ماركات لأن طبعا كنت أحس بعقدة النقص بقسم الملابس أما بالأحذية مافي فرق بيني وبين المانيكانات وقسما بالله اني مفصلة خزانة تفصال بغرفتي أول ما فصلتها طلبتها لـ 40 زوج حذاء والكل كان يقولي "شدعوة ؟!!" مايدرون إن عندي مثلهم وأكثر وبعضهم ما انلبس أكثر من 3 مرات المهم إني كنت وقتها رايحة السوق وراجعة بأكياس .. يالله فعلاً كنت أحس بالنقص

فراشة

لفتت نظري مشاركتك يمكن لأن فيها عوامل مشتركة ؟ العمر والطول نفس الأرقام بالضبط أما المعاناة كلنا عشناها .. توكلي على الله ..
وبقولج شي .. أنا من سويت العملية ما شريت شي قلت لما يفرق السايز أشتري .. وصار أكره ما عندي أدخل ايفانز أو أقسام البلس سايزس .. أو مثل ما قلت أشتري بهالجواتي أطلع فيها حرتي فيهم .. أمس كنت مع الماما وأختي كنا رايحين السينما بس قبلها قعدت أتبختر ( حد الغنج والدلال) أتبختر ببنطلوني الجينز وقميصي ستايله طويل بس كان واسع وكنت لابسة كعب ! ( اي يا متحمسة كعب عالي بمول كبير تخيلي !) وأمشي بكل راحة المهم لفت نظري قميص طويل ستايله فيه جيوب كبيرة يعني بالعربي يضيف حجم للي تلبسه بس حسيت انه يناديني يقولي قايسيني .. ولان من زمان ما شريت شي الطبع يغلب التطبع .. لاشعورياً ايدي راحت لآخر قميص بالستاند لأن غالباً يكونون مرتبين حسب السايز من الاكبر للأصغر وأكبر شي موجود بالمحل بيصير بالأخير وخذيته على السريع شفت انه XXL قلت هوه ده ! رحت أقيس .. ثواني لقيت امي تقولي خليني اشوف ..فتحت الباب قلت لها " جيبولي أصغر وأنا مو مصدقة ! كان واسع ! والاصغر XL طلع أرتب وأحلى ولا يزيد الحجم ولا شي ..باختصار .. يااااااااااه شنو كان شعور حلو !