يومياتي لتنظيف مملكتي استعدادا للصيف.....

ما شاء الله ويعطيكي العافيه .والملابس الداخليه تلاقيها في بنده حلوه ورخيصه ولونها ثابت

ماشاء الله عليكـــــ

هلا بنات
انا الى الان خلصت نص غرفة النوم نصها مو كلها خخخخخخخخخ
وغرفة الضيوف والحمام والصالة

وباقي المطبخ والمخزن ونص غرفة النوم خخخخخ

اعذروني ماني قادرة اكتب بالتفصيللان وقتي مع التنظيف مضغووووووووووط مرررة بس اخلص اكتبه بشكل مفصل وبصور الاشياء اللي استعنت فيها

بقولكم ايش سويت في غرف الضيوف

خرجت كل الكنب برا الغرفة ماعدا كنبة مارضيت تخرج ماادري كيف العمال دخلوها خخخ

البوية عندي تعتيق بس نفضت الغبار بالريش ونفضت الستارة لان لها شكل معين خفت اغسلها وتخرب لكن نزلت العازل وغسلته وانصحكم فيه كل الغبار يلصق فيه مستحيل يمسك بالستارة غبار حتي الغرفة يصير فيها غبار خفيف..

ونزلت شبك المكيف وغسلته تمام ورشيت عليه عطور وخاصة عطر نونو

الارض سيراميك غسلتها مضبوط بالصابون والحمد لله جنب الغرفو حمام كنت اسحب الموية عليه يعني دعكت الغرفة مو بس مسحتها

والكنب شلت المخدات ونفضتها وبعدين ركبتها مكانها

التحف حاولت امسحها بس ماعجبتني النتيجة خصوصا انها زجاج اخذتها المطبخ وغسلتها بغسالة الصحون طلعت تلمع

والابجورات اللي بالغرفة جبت علبة رشاش موية وجلست ارش عليها لين نظفت تمام من الغبار

النجف الكرستال في طريقة روعة لتنظيفه.... جيبي مظله بس تكون ثقيلة وعلقيها بالنجف ورشي موية من الرشاش راح تنزل كل الغبار بالمظلة بدون ماتحوس الارض واذا تعبت المظلة كبيها وابدي من جديد

كان عندي مخدات في الارض ديكور رفعتها فوق كنبة قلت اذا جاني ضيوف انزلها افضل ماتتوسخ

بسألكم بنات انا عندي علبة جاتني هدية فيها مصحف عادي احطها بغرفة الضيوف او يعتبر هجر للقران وزينة؟؟