عايشه في حيـــــــــــــــــــره فضيعه

بنات ابيكم ضروري وابي ارائكم ونصايحكم..

لي صديقه صار لها متزوجه 3 سنوات..ومبسوطه بعد اول اربع شهور من زواجها اكتشفت ان زوجها كان على علاقه قبل الزواج لمده سنه ونص مع وحده اجنبيه تعرف عليها في الدوام...

وهو اعترف لها وقال انها كانت اصعب مرحله مرت عليه في حياته لانه كان لوحده وبعيد عن اهله.. بعد كذا ماقدر يتحمل الحياه اللي كان عايشها على كثر ماكان مبسوط مع هذي الاجنبيه على كثر ماكان ينام الليل من القلق لانه يعرف انه كان مسوي شي غلط.. وقالها انه في يوم من الايام قرر انه خلاص يتوب راح سوى عمره وقال لاهله يخطبون له وقدم على بعثه خارج المملكه.. وحط في باله انها بتكون تغيير جذري في حياته.. وتزوج واخذ زوجته وسافر برى.. ويحبها حب جنوني.. خلاها تكمل دراستها في نفس الجامعه ومن الدوام على البيت على طول.. ويساعدها ويدلعها ويسوي كل شي بس عشانها...
\

المشكله انه بعد ماقالها واعترف لها وهي كرهته مره بس قاعده تمثل انها تبادله نفس الشعور... واحيانا تقول احس اني احبه واحيانا لما تجلس مع نفسها تقول اكرهه وماابغى اشوفه...


ويوم من الايام قررت انها خلاص تروح لاهلها.. انهار مره وجلس يبكي حلفت انه جلس عند ارجولها يبكي ويبوس ايديها وارجولها.. وقال انا تبت وقررت ابدأ حياه جديده معاك وابيك تساعديني مو تتخلين عني.. واعطيني فرصه والايام بتثبت لك..


مر على زواجهم 3 سنوات وعايشه حياة روعه وزوجها رومنسي وكريم وطيب.. ومحافظ على صلاته ويصوم تطوع..

والى الحين ماحملت.. وتقول دايم يقولها انا مستحيل اضيعك انا ماصدقت اني لقيتك..



بسسسسسسسسسسسسسسس هي باقي تحس نفس الشعور تجاهه... وماهي قادره تنسى اللي صار..

رغم ان اللي صار كان قبل زواجها وقبل مايعرفها اصلا..


وش نصيحتكم لها يابنات انا ماابغى بيتها ينخرب...

47 تعليق 2,779 مشاهدة

شاركي في النقاش

سجلي الدخول لإضافة تعليق.

التعليقات

44
  1. @mnh_ofyh

    صاحبة الموضوع
    بنات الله يسعدكم وش اقول لها.. هي تعبانه مره تقول الشعور اللي تحسه فضيع.. وتقول ماتبي تظلمه معاها..

    قبل اسبوع زوجها مرض بحمى وجلس في المستشفى 4 ايام.. المهم تقول وهو نايم بالمستشفى حصلت ورقه تحت المخده فيها وصيه.. وكاتب فيها وصيه لامه وابوه واخواته.. وكاتب بين قوسين (حبيبتي وزوجتي العزيزه.........يعلم الله انني احببتك حبا عظيما وانك اعدتيني للحياه مرة اخرى واحمدالله انني التقيت بك وعرفتك قبل ان اموت احبك)
  2. @alaman_4

    السلام عليكم ورحمة الله وبركاته ..

    الصراحة اختي ما لها حق ابداً بكل الي تسويه فيه والله ..
    هو ما خانها ولا لعب عليها وهذا كان قبل الزواج ..

    شو يقولون الحريم الي يخونونهم ريايلهم ولا يهمهم اذا عرفت ولا ..

    قولي لها احمدي ربج واشكريه وحافظي على بيتج وزوجج وكل هذا من وسوسة الشيطان عشان يخرب لها بيتها ..

    الله يهديها ان شاء الله ..
  3. @ashay_akhdr_bskra

    العلاقه كانت قبل الزواج وزين منه اعترف لزوجته هذا دليل انه مخلص ومرتاح لها وناوي يبدا صفحه جديده معاها
    المفروض تقدر هذا الشي وماتزعل
    يعني يحق لها تزعل اذا كانت العلاقه بعد ماعرفها وخطبها
    اما شي صار وانتهى قبل مايفكر يخطبها
    لها حق تزعل من ناحية انه حرام وغلط
    لكن من ناحية انها تشيل بقلبها وماتتقبل منه اي شي فهي غلطانه.
    انتي حاولي تنصحينها وقوليلها لا تضيع عمرها على شي مايسوى وحرام اللي تسويه لان الادمي تاب والله رب الخلق يسامح وهي ليش ماتسامح؟؟!!
    يعني الا تضيعه من يدها عشان تقدر نعمة ربي اللي هي حاليا مهي حاسه فيها!!!

    الله يهديها ويوفقها...
  4. @mno777

    Aشاي اخضر بسكرA
    العلاقه كانت قبل الزواج وزين منه اعترف لزوجته هذا دليل انه مخلص ومرتاح لها وناوي يبدا صفحه جديده معاها المفروض تقدر هذا الشي وماتزعل يعني يحق لها تزعل اذا كانت العلاقه بعد ماعرفها وخطبها اما شي صار وانتهى قبل مايفكر يخطبها لها حق تزعل من ن…
    قليلها تمسك فيه بيدها واسنانها

    ماشاءالله تبارك الله انسان مايتعوض
    اذا كل هالصفات فيه

تابعي تجارب أخرى من هذا القسم.