البنات اللي قرنيتهم مخروطيه,,,,, تفضلوا

انا عندي قرتيه مخروطيه المغربي رفض طبعاااا
في دكتور في الأردن اسمه موسى ممتاز قالي يقدر يسويها وواحد برضو استشاري قالي انه بيسوي لي ليزر << القديم لانه اضبط من الليزك بالذات مع اللي عندهم قرنيه مخرووطيه
وحاولت وتعبت مالقيت حل 100 بالميه فتوكلت على الله وتركت كل شئئئئئ

وعطوني حلول منها تركيب حلقات وواحد قالي زرع قرنية
<<<< مابقى دكتور مارحت له

قريت ياعزيزتي سؤالك ....وتذكرت معانات زوجي على مر سنين طويله

عشان كذا بعطيك خلاصه بحث زوجي على مدى سنين طويله

اولا...عندما قرر زوجي يترك النضاره..استعمل في بدايه الامر العدسات الصلبه

كان مستوى النضر فيها ممتاز جدا لكن المشكله انها كانت تجرح العين وتسبب الم فماتقدرين تجلسين فيها فتره طويله

فقام زوجي ..ولف على كل مستشفيات الشرقيه (الاني ساكنه فيها)

من مستشفى سعد الى المغربي والسيف وفي كل مره كانو ا يغيرون العدسه مع انه مكلفه جدا (1500)ريال

ومع ذالك ترجع نفس المشكله

وجرب وزار مستشفى العيون بالرياض لكن بدون حل حتى انه فكر بالزراعه لكن الكل حذر منها ..

وفي يوم من الايام وبالصدفه ذكر له مستشفى بالرياض للعيون وقال ابروح اجرب مانب خسران شي

اسم المستشفى (الصا لح لطب العيون) شارع الستين في الملز

عند الدكتور عبد الرزاق الصالح

هذا الدكتور استعمل لزوجي عدسات جديده اسمها سوفت بيرم ...وهي عباره عن عدسه صلبه واطرافها لينه

عشان ما يكون فيه احتكاك داخل العين...والعدسات هذي جديده واغلب الاطباء مايعرفونه

الان زوجي صارله شهرين يستعملها ومرتاح عليها جدا جدا ويحمد الله الف مره انه راح لهذا الدكتور

هذي نصييحتي لك لاتعورين راسك وختصري الموضوع

مكشوره شذى الموده


عسى الله يعين بس