♥OoO♥ ملف لبنات واشنطن دي سي - فرجينيا - ميرلاند- بالتيمور ♥OoO♥

هلا والله وغلا
ياقلبي انتي والله ماسويت شي يستاهل

بس شوفي اللنغوا دوامه قصير للي بيأخذ بس الكورس (اللفل)يبدأ الكلاس من الساعه 9 الى 1

بس انا عن نفسي اخذ زياده عليه ((برايفت ))<<كلاس ثاني من الساعه 2 الى 4 العصر...<<<وبكذا طلع عندك دوام طويل وبتستفيدين بأقرب وقت

انا اخذ البرايفت هذا بس انا والتتيتشر حقتي ....وفيه شي ثاني اسمه (الورك شوب))<<<<تأخذينه يعلمونك على المحادثه والنطق والقرمر .....مع مجموعه اشخاص ....

بس للأسف على 9 ابريل بيكون بادي الكورس الجديد (بيبدأ من 25مارس) يعني يبغالك تقريبا اسبوعين عشان يبدأ الكورس اللي بعده

هذا بالنسبه للنغوا..
*************************************************

وكمان على فكره (((النوفا)) مره مره مره مره ممتاز وفيه ميزه مره حلوه وهي انك تقدرين تنزلين لك مواد(مواد عامه مثل كمبيوتر غالبا تتعادلك بعد ماتدخلين الجامعه)))هذا بعد ماتخلصين لفل معين وكماااان حتى قريب لنا <<اذا كنت بتسكنين بسكاي لاين <<<<صرنا كل الشله بسكاي لاين ..خخخخخ
بس ماادري بالضبط بالضبط متى يبدأ ؟؟؟!!!!

***********************************************
وبالنسبه لمعهد جورج تاون هذا على قولتك مره مره مره مره مره قوي
انا سجلت فيه سميتر الصيف مدته شهرين ....وانصحك فيه مره مره
*********************************************
عموما................انا طولت عليك مره ان شالله اذا اول ماتوصلين برسلك رقمي ويصير بينا اتصال ان شالله ...

*********************************************
وواتمنى اكون افدتك ..تحياتي#روز#

my sister i used to live in college park before it's better than baltimore i didn't like baltimore any more but i like college park very much if u >have any question plz tell me

ياحبييييييلك ياروز

ياعمري انت ماقصرت كفيتي ووفيتي

وان شاء الله اول مااوصل يكون بينا اتصال

شكلي مانيب صايره معكم في سكاي لاين ياليتني معكم :icon33:

اول شهرين تقريبا بنسكن مؤقت ان شاء الله في ريستون reston في شقه مفروشة

احسها مررررررررره بعيدة بس عاد وش نسوي واحد هناك متوصي لنا ويدور لنا واستحينا نقول له لا بعيده

وبعدها ان شاء الله بندور لنا تاون هاوس نسكن فيه

كنت ناوية ادرس على طول من يوم اجي بس هاليومين قعدت افكر وقررت اني اول شهرين مانيب دارسه ابغى

اترتب وادخل ولدي المدرسة وارتب اغراضي وبعدها ابدا السميستر حق السمر مره وحده

طيب انت ليه اخترتي اللنغوا ولا اخترتي النوفا؟وليه ماكملت في جورج تاون؟

انا على فكره ناوية ادرس ماستر بعد اللغه

والله اني مستحية من كثر اسئلتي :35:

هلا والله البلسم الشافي ...وش اخبارك ؟؟؟
ان شالله طيبه؟؟؟؟ قهرررررررررر ياشيخه ياليتك معنا بسكاي لاين

بس يالله ان شالله نتلاقى بجورج تاون ع الصيف عموما انا عندي كل الابلكيشنات اللي تحتاجين تعبينها للتسجيل بجورج تاون <<<<لاني توي مدخله اوراقي وووعارفه وش اللي يبونه بالضبط... اذا تبينها ارسلي لي ايميلك ع الخاص عشان ارسلك اياها ....

وبالنسبه للنوفا انا كان ودي فيه والله مره مره بس الظاهر التسجيل فيه كل 3شهور ...وانا ماكان ودي اضيع وقت قلت بدخل اللنغوا لان اللنغوا شهري يعني كل شهر يبدأ تسجيل ......بس ماشالله عليك اهنيك على حماسك على درسة الماستر لانه مره حلو الواحد يتستفيد من هالغربه اللي حاصلتله ويطلع منها بشي يستفيد منه باقي عمره ...عموما الله يوفقك بدرستك ولاتشلين هم ترى دراسه الماستر مره سهله انشالله ماراح تتعبين فيها بإذن الله

بنات واشنطن وش المحلات ولاماكن اللي تبيع فساتين سهره او مناسبات كبيره
وتكون حلوه وناعمه وموديلاتها جديده
تكفون يابنات لا تتاخرون على بالرد خلال اليومين هذي
ضرووووووووووووووووووررررررري
الله يعطيكم العافيه