شلون تبعون ذهبكم ؟

خذي ذهبك اللي بتبيعينه وشوفي كم كلفك في مشتراه عشان لو سمتيه تعرفين كم خسارتك فيه
بعدها روحي لسوق الذهب وسوميه عند الصاغه
احتمال بعض البياعين يسألوك انتي سمتيه قبل ؟ دايم قولي لا عشان تاخذين سومه جديده
لاتتسرعين فالبيع لان كل صايغ بيعطيك سعر روحي لأكثر من واحد أن شاءالله
تروحين عشر محلات مومشكله
وانتبهي للاسعار اللي يقولونها لك عشان تقارنين بينهم واللي عطاك السعر الاعلى
روحي بيعي عنده والايام هذي حلو بيع الذهب فيها لان سعر البيع مرتفع مره يعني أحتمال تكون خسارتك فيه قليله الي معدومه
موفقه ان شاءالله

الله يجزاك كل خير أختي ويفرج عنك كل هم
يعني مافيها شيء لو قال لي سعر أني آخذ الذهب وأروح لواحد ثاني ؟ أخاف أني أستحي أسويها ..

وفيه شيء سمعت عنه أنه يقولون ياخذ منك اثبات شخصية ويسجل معلومات مثل رقم بطاقة العائلة ومصدرها ...الخ ..لأن وحدة أعرفها صار لها كذا .. فهل هذا صحيح ؟وآسفة جدا جدا على الإزعاج ..

ايه عادي خذي ذهبك ووديه لمحل ثاني مافيها شي..
ويطلبون منك اثبات حتى لو رخصة السواق ماعندهم مشكله او صورة من بطاقة العائله

اذا قالك سمتيه وانتي سايمته لاتكذبين قولي الصدق
بعدين بعض المحلات اذا قلتي له السومه ممكن يرفع هو عشان ياخذ
لكن لاتكذبين
وعادي مافيه شي تطلعين من محله لو مابعتي
متعودين هم على كذا يعني مو غصب تبيعين له براحتك
وصحيح لازم اثبات انا كنت اخذ بطاقة اخوي
ومرة اخذت اقامة السواق
بالتوفيق

يا الله أنك توفقهن وتجزاهن كل خير بهاليوم المبارك

وعسى الله يسخر لكن خواتي الحبيبات وييسر أموركن لما يحب ويرضى ..