أحتاج النصيحه منكم كيف اتصرف؟؟؟

كيفكم الغاليات ...ما ابا اطول عليكم بعطيكم تفاصيل بسيطه عن حياتي...عندي ولدين الكبير عمره 6 والصغير 5 سنوات وبنتي 6 أشهر وانا موظفه وعندي شغاله اجوفها الحمدالله مع عيالي ماشي حالها ولو إنها في تنظيف البيت مو ممتازه لكن اللي مصبرني اني اجوفها كويسه مع عيالي...والحمدلله ما اقسى عليها ولا انازعها حتى لو تغلط اكلمها بهدوء من يومين عندي ضيوف من بلد ثاني ..رحنا نتسوق واخدت معي بنتي ولد صديقتي ...ولما ردينا ولدي الصغير(خمس سنوات ) خبرني اني الخدامه ضربته على ظهره واخوه أكد لي الموضوع ولما شفت ظهره لقيت ايدها طابعه على ظهره يعني صاير مكان الضربه أحمر واضح وطبعة الكف عليه....انصدمت وطبعا سألتها وكان الشي واضح ما قدرت تنكر ,,,قالت هم ازعجوني وسوا فوضه وكانوا يتشاقون ووخربون في البيت وحاولت امنعهم وما طاعوا...وما قدرت اتماسك عمري وضربته وانا ما كذبت وقلت الحقيقه فأنا آسفه..طبعا انا قلت لها بأي حق اتضربينه وكيف انا بامن على بنتي معاك وكان المفروض اتخبريني وما اتضربينه المهم واتصلت على ريلي وهو مسافر وخبرته وقال اول ما يرجع بتصرف وبيسفرها ...انصحوني اسامحها ولا خلاص ما تنفع بصراحه مب مرتاحه هاليومين اللي طافوا مب قادره انسى اللي صار وكيف ضربت ولدي وما اقدر اكلمها زين لانه معاملتي الطيبه معاها ما جابت نتتيجه انصحوني ادا رجعتها بظلمها ولا كيف ؟؟؟اشلون اتصرف؟؟؟؟؟؟؟؟على فكره هي عندي 3 سنوات ونص ؟؟؟

وجزاكم الله خير ردوا علي

13 تعليق 854 مشاهدة

شاركي في النقاش

سجلي الدخول لإضافة تعليق.

التعليقات

12
  1. @rafaah_rasy

    انا ما عندي خبره بهالمواضيع بس انا عارفه ان وضعك صعب

    من ناحيه تعرفينها من زمان وواثقه فيها ولو تجيبين جديده ما تضمنين تسوي اكثر من كذا حتى

    ومن ناحيه ثانيه الي تضرب طفل لين يدها تعلم بظهره ينخاف منها كان ممكن تسوي ميه شي قبل ما تضرب بهالشكل

    والي تسوي كذا مره بتسوي كذا ميه مره ويمكن تلقى طرق انها تعاقبهم بدون ما يبين عليهم

    لو عندك احد ثاني تخلين عيالك عنده اذا طلعتي ومعهم الشغاله بس يعني يكون فيه اشراف افضل اكيد بس مو دايم الظروف تساعد

    الله يعينك واتوقع احسن تسفرينها
  2. @kmr_bny_hashm

    رافعه راسي
    انا ما عندي خبره بهالمواضيع بس انا عارفه ان وضعك صعب من ناحيه تعرفينها من زمان وواثقه فيها ولو تجيبين جديده ما تضمنين تسوي اكثر من كذا حتى ومن ناحيه ثانيه الي تضرب طفل لين يدها تعلم بظهره ينخاف منها كان ممكن تسوي ميه شي قبل ما تضرب بهالش…
    لالالالالا

    تضربه ؟؟؟؟

    لا ماوصلت هالمواصيل

    افتكي منهااااا
  3. @nhr_alshok

    صاحبة الموضوع
    مشكور اختي أم عتريسه ..فعلا لازم استخير ...واختي رافع راسي كلامك سليم مثل اللي يدور في راسي والله كرهت الشغالات بس يا ريت الواحد يستغنى عنهم المشكله إني موظفه وأساعد زوجي في مصاريف البيت وصعب إني استقيل إدعوا لي الله يسوي لي اللي فيه خير

تابعي تجارب أخرى من هذا القسم.