شاركي في النقاش

سجلي الدخول لإضافة تعليق.

التعليقات

400
  1. @am_fofo

    rr20000
    حبيت أضيف تعليقات بسيطة لوسمحتوا لي :1-غسالة الصحون تجنن وربي يبارك للي عندها الغسالة في غسالتها,واللي ماعندها ربي يرزقها ويحنن قلب زوجها ويجيب لها وهو مقتنع- للي أزواجهم مومقتنعين بها-الغسالة ينغسل كل شيء فيها بس لازم الوحدة تنتبه للحرارة…

    فعلا والله انك صادقة المفروض الواحد يذكر ربه لي شاف شئ اعجبه او انبهر منه..ماراح يخسر شئ الا بياخذ اجر باذن الله..
    الشئ الثاني ..مو شرط ان هالاجهزة الزوج اهو اللي جايبها للبيت..كثير من الحريم تكون هي موظفة وهي جايبتها من راتبها علشان تريح نفسها شوي من شغل البيت..
    او تكون جايتها هدايا من اهلها وقرايبها يوم تتزوج..مثلا بدل مايهدونها ذهب يهدونها شغلات للبيت تسهل عليها الشغل..
    او تكون جايبتها من مصروفها..
    مو شرط ان هاللي تشوفونه من اجهزة ازواجنا اللي جايبينها لنا..ترى انا اغلب اجهزة بيتي كانت هدايا من اهلي وخواتي وقت زواجي..
    وجزاك الله خير على التنبيه والتذكير..
  2. @am_fofo

    ام فوفو
    فعلا والله انك صادقة المفروض الواحد يذكر ربه لي شاف شئ اعجبه او انبهر منه..ماراح يخسر شئ الا بياخذ اجر باذن الله.. الشئ الثاني ..مو شرط ان هالاجهزة الزوج اهو اللي جايبها للبيت..كثير من الحريم تكون هي موظفة وهي جايبتها من راتبها علشان تريح …


    الجهاز الثالث..
    المايكرويف..

    طبعا يجي صغير ممكن ينحط على كاونتر المطبخ..اللي عندي نوعه ال جي..
    سعره يمكن ب300 ريال..
    وهذا شكله الخارجي..


    وهذا شكله مفتوح..سعته حلوة..وطبعا اتصور فيه منه احجام....جاني هدية..بس انا قد خذت واحد مثله هدية لاهل زوجي..اخذته من محلات المنيع للاجهزة الكهربائية..



    انا استخدمه لتسخين الخبز والفطاير..والبيتزاء..الكيك والحلويات بصفة عامه...واالرز والمكرونة والحنيني والجريش..والسليق...بحيث اني ادخلها واضغط تسخين سريع وبس..وهنا تشوفون القائمة بالعربي طبعا..




    لتذويب المثلجات من خبز و لحوم او دجاج او خضار..اذا كان خبز اضغط وجبة مجمدة..

    اما اذا كان لحوم اضغط تذويب الثلج طبعا يعطيك خيارات عن نوعية اللحوم..دجاج او سمك او لحم..وتظهر على الشاشة مثل الصورة..

    فيه خيارات ثانية مثل تسخين البيتزاء..تختارين كم قطعة هي..
    او تسخين مشروبات..تعطينه كم كوب؟؟
    بس نادر مااستخدمهم..
    جربت اطبخ فيه مرتين على سبيل التجربه فقط..
    مره سلقت بيض ومره سلقت بطاطس..طبعا حطيت صينية بايركس فيها ماء وفيها البطاطس او البيض وشغلته..الصراحة اذهلتني السرعه ..مجرد دقيقتين او 3 فقط..وماعاد كررت العملية خفت منه..وحسيت الاكل كله اشعاعات..
    تنظيفه جدا سهل..الصحن يطلع وينغسل مع المواعين والجدران ممكن تمسحينه بكل سهولة..بانك تحطين كوب فيه ماء وتشغلينه كم دقيقه وتفتحين الجهاز وتمسحين الجدران بالفيري..
    من الخطر تشغيله وهو فارغ..لابد من شئ يمتص الاشعاعات..
    مو كل الاواني صالحة للاستخدام فيه..البلاستيك يذوب..والميلامين مو كل الانواع تدخل فيه..واي شئ فيه نقش فضي او ذهبي مايدخل فيه ولا الملاعق والسكاكين والالمنيوم بصفه عامه..
    الامن للاستخدام فيه الصين..والزجاج والبايركس..
    واي سؤال انا بالخدمة..
  3. جزاك الله خير أختي

    rr20000

    صادقه في كل كلمة كتبتيها

    الله يعطيك العافيه


    وأختي ام فوفو

    ماشاء الله عليك

    كل جهاز افكر فيه ههههههههه تحطينه

    افكر اشتري ميكروويف

    وحصلت مطلوبي

    الله يعطيك العافيه وعساك على القوة

    موضوع مفيد

    ماشاء الله تبارك الله
  4. ام فوفو ان شاء الله اعملك كيكه

    ابي اسالك
    انا من زمان نفسي في ماكرويف بس خاايفه اجيبه البيت واعتمد عليه اعتماد كلي
    اسمع ناس تقول مضر وناس تقول لا
    احترت
    واتوقع ميكرويف ال جي ممتاز لانه اشووفه في الجامعه يكرف كرررف والبنات تعرفي كل شوي يلعبون في العيارات ووو
    بس ماشاء الله مازال متحمل
    سعره حلو ان شاء الله اتشجع واشتريه

    بس ليش تقولي البلاستيك ماندخله فيه حنا كنا في الجامعه ندخل صحون البلاستيك فيه مايصير لها شي ؟؟؟؟؟

تابعي تجارب أخرى من هذا القسم.