عشان بنتك وعيالك في مرحلة مراهقة ومحتاجينك جنبهم ومو ناقصين تفكك وهم على قلوبهم وهم لازالو في بداية حياتهم ..
فنصيحتي لك اصبري وعيشي في البيت مع أطفالك وهو اخدميه بما يحتاج ولكن تجاهليه تماما ..
يعني اعتبريه انسان في بيتك يبغى أكل وشرب من ضمن أكل العيال وملابس نظيفة وغيره حاله حال أي انسان ..
لكن لا تتقعدي تفكري اربع وعشرين ساعة في كرهك له وتقصيره في حقوقك ومرضه ..
يعني انفصال عاطفي وليس فعلي ..
وبتشوفين العوض في عيالك بإذن الله .. ولا قدر الله لو تطلقتي بتزيدين الطين بله وبتجلسن في دوامة مع اهله ومع عيالك اللي بتبعدين عنهم وممكن بعد عيالك يكرهونك ويشوفون انك رميتيهم وتخليتي عنهم ..
غير المشاكل النفسية للإنفصال ونظرة المجتمع وغيره ..
والحق ينقال حتى لو تطلقتي وأخذتي عيالك فكيف بتعيشين بعدين ؟؟
لأني أتوقع انك بتحسين انك مثقلة على أهلك وعيالك ما بيرتاحون أبد في غير بيتهم ..
غير أن بعض الأهل يحسون رجعة بنتهم لهم وهي مطلقة بعد سنوات طويلة من الزواج والصبر شي غير مقبول وينزل من قدر البنت وأهلها حتى لو كانوا عارفين بظروفها مع زوجها بيقولون كيف صبرت كل هالسنين وتوها فتحت عيونها على بلاويه ..
ولو فعلا تفكرين بالطلاق وما تقدرين تستحملينه فهذا حقك شرعا ولك طلب الخلع منه .. لكم فكري زين واستخيري واستشيري أولادك وناقشيهم بهدوء عشان تحطينهم في الصورة .. لأنهم طرف رئيسي في الموضوع ورأيهم أهم من كل الكلام اللي نقوله ..
هذا رأيي الشخصي وخلي سلاحك الصلاة والدعاء في كل وقت وربي يفرج همك ويهدي قلبك وينور بصيرتك ويعينك على ما تعانين
سالتكم بالله اقرو موضوعي
متابعة النقاش، صفحة 5