مشكلتي صعبة
ساعدوني تكفون انا بمشكلة ما يعلم فيها غير رب العالمين
انا متزوجة صار لي اكثر من16 سنة وعندي صديقة غالية على قلبي حييييل وهي بعد متزوجة بعدي تقريبا بسنة واحنا ما تركنا بعض علاقتنا في بعض قوية وصرنا اكثر من خوات وازواجنا يعرفون ذي الشي
قبل كم شهر زوجها دز لي مسج يقول انا في مشكلة مع زوجتي واعتقد انج تقدرين تحلينها لنا ..هني انا خفت واتصلت فيه على طول وقال لي المشكلة وطلب المساعدة وقال لي ما ابيها تدري يمكن تضايق اذا عرفت اني اشتكيت لج منها وقلت له لا تخاف
قبل لا اقول المشكلة بغيت اقول ان زوجها محترم ولا عمره غلط علي حتى بكلمة
انحلت المشكلة اللي بينهم بفضل الله بعد ما حاولت معاها من غير ما تدري وكنت اتواصل مع زوجها بمسجات عن اخبارهم لحد هني كل شي تمام
زوجها دز لي مسج يعزمني فيه على وجبه طبعا كان غشمرة بس انا خفت ورديت عليه بمسج قلت له فيه الله يغنيك وقلت له مشكلتكم انحلت وانا هني صار لازم انسحب قال لي حقج وانتي ما قصرتي وانا عارف اني مصختها معاج وبصراحه كنت ابي اتقرب منج اكثر
زاد خوفي وقلت له شلون تبي تتقرب اكثر يعني ..فقال لي انتي ذكية وتفهمين (واحد يتقرب من وحده ليش يعني)..انا والله يوم قريت كلامه قعدت ابجي- دمعتي على خدي ومو عارفه شلون اتصرف ..والله يا خواتي بنفس اليوم بنته لقوها طالعه مع صبي عمرها 14 سنه
دز مسج ثاني يقسم ان زوجته بمشكله وخايف عليها ويبيني اساعدها طبعا كانت المشكلة بنتهم
دزيت له مسج الومه فيه قلت له الله ما طولها عليك وكلام عتب وايد ..المهم قال لي ابي اقول لج انا ليش سويت جذي معاج وافقت اكلمه بالماسنجر علشان اعرف الاسباب ويمكن جايف شي غلط سويته قبل يعني دافع الفضول كان قوي
قال لي انا اعجبت فيج من اول ما جفتج مع زوجتي حسيت المواصفات اللي ابيها كلها فيج وانا احسج ملاك ومو قادر انساج صار حبج بقلبي طول السنوات اللي مرت حاولت انساج لقيتها صعبة علي ( انتي ساعديني علشان انساج).....انا تأسفت بعدها اني كلمته بالماسنجر (قلت له لا تقول حق زوجتك هالكلام وعطيته وعد اني ما اقول شي عنه
والله ياخواتي قلبي متعذب ما ادري شسوي اذا احد عرف الموضوع راح ينهدم بيتي وبيت اعز صديقاتي ولو عرفت صديقتي ان زوجها معجب طول ذي السنوات فيني بتكون صدمة لها ويمكن حتى تروح فيها
الكلام اللي قاله لي حسيت نفسي محرومه منه لأني ما اسمعه من زوجي وخفت ان قلبي يميل الظاهر عندي جوع عاطفي خلاني اسمعه بس ما بينت له هالشي
ضميري يأنبني احس اني اخدع زوجي وأخدع اعز صديقاتي وفوق هذا كله خايفة من رب العالمين
قولوا لي كلام يريحني شسوي احس اني تورطت في شي مالي ذنب فيه
ساعدوني داخلة على الله وعليكم قلبي بيوقف من التعب