طالبه نصيحتكم

السلام عليكم خواتي الغاليات

طالبه مشورتكم في هل موضوع

انا متزوجه من 7 شهور وساكنه مع اهل زوجي فوق لكن بيتي معزول عنهم فقط الحوش مشترك
طول هذي المده وانا اروح لهم يوم في وسط الاسبوع بعد المغرب نتقهوى عندهم ويوم في نهايه الاسبوع قهوه وعشاء
وهم حبوبين ماشفت منهم الا كل خير:27:

لكن المشكله ان كذا وحده من قريباتي قالو مو لازم تروحين مرتين بالاسبوع كفايه مره وحده ووسط الاسبوع
لكن المشكله ان خوات زوجي مايجون الا نهاية الاسبوع والحين لي اسبوعين مطبقه نصيحتهم لكن احس اني غلطانه

وش رايكم ارجع لطريقتي او اسمع نصيحتهم لانهم يقولون خليهم يجلسون لحالهم مع العلم انهم يجون اربعاء وخميس
خواته

تكفون انصحوني؟:44:

23 تعليق 1,408 مشاهدة

شاركي في النقاش

سجلي الدخول لإضافة تعليق.

التعليقات

23
  1. @aathbh_ana

    وش عليهم تروحين لهم دايم او ماتروحين ابد وش حارق رزهم ؟؟

    انت تروحين لهم مرتين وماشفتي منهم الا كل خير ليه تقطعينهم؟؟
    خليتس على طبعتس هالمرتين ماراح تضرتس

    لو انت شايفتهم مذينتس ذيك الساعه قولي اخفف
  2. @alans_1

    ما ادري على حسب اهل زوجك يعني اذا شفتيهم يفرحون بزيارتك فليش تكون القطيعة منك

    بعدين احس انه زيارتك لهم بنهاية الاسبوع اهم يعني علشان اولادك يشوفوا عماتهم
  3. حبيبتي هذا الموضوع من وجهة نظري تقديري راجع للزوجة

    ومو لازم تسمعين كلام قريباتك لأن ما لهم حق يحددون لك

    كم مرة تروحون وكم مرة ما تروحين >>> خلي الموضوع يرجع لك أنت فقط

    زوري أهل وجك وابتعدي عن الرسميات والعشاء والقهوة يعني خلي زياراتك خفيفة عليهم وإذا كانوا مجتعمعين بيفرحوا فيك أكيد

تابعي تجارب أخرى من هذا القسم.