شاركي في النقاش

سجلي الدخول لإضافة تعليق.

التعليقات

80
  1. @shmokh_tybh

    الله يسعدك يارب والله موضوع روعه ولا تنسين بعضهم يوم تناقشينها بشي مو مفهوم بموضوعها وتبين تفهمين تلقين ردها جاك ماشي 200 مصفيه الطبلون وتقول والله لا احلل ولا اسامح الي تخرب موضوعي صارت الدعوه حروووووب حشى مو اسلوب وش الي يخرب موضوع استفسار عن شي مبهم انا احس هذي عندها عقده نقص وعدم ثقه بالي حولها نتيجه عدم ثقتها بنفسها وفاقد الشي لايعطيه والله لازم الوحده تكون نيتها صافيه مع خواتها بنات المنتدى خصوصا وان الكل متجمع عشان يستفيد ويفيد مو عشان يهاجم او يحارب ,وفوق ذا كله الموضوع نصه من راسها واحلام يقضه وتقول صارلي وسويت وهي والله مايختلف اثنين على مبالغتها بالموضوع وتاليفها للقصه وتردين جبر لخاطرها وماتبين تقولين انتي كذابه مع ان الكل وده يقولها بس مايبي يحرجها
    الله يهديهم ويهدي جميع المسلمين
  2. @am_alrsam

    السلام عليكم أخواتى

    كلامكم كله سليم

    لكن أحنا تعودنا من عالم حواء التميز

    وهذه فرصة كبيرة لكل من أعطاها الله العلم والذوق والأدب و الرفق واللين أن تعلم أخواتها أنتم تكلمون العالم لاهم جارتكم ولا أقاربكم

    الدعوة مفتوحة وهذه نعمة كبيرة من رب العالمين علينا أستغلالها وأن نطرح المواضيع و نثبت المواقف ونعين التائه ونرشد الضال

    وهذه مسؤليه كل أخت فيكم بصرها الله بكثير من الأمور التى تخفى على غيرها

    فعينوا أخواتكم على الصواب والهداية

    أعنكم الله ويسر أموركم
  3. صاحبة الموضوع
    essad
    يسلم فمك و الله عندك الف حق بعض الاحيان ارغب ن احط مشكلة و غير راي عشان لا اسمع كلام جارح يزعلني اكثر من المشكلة نفسها
    مشكورات خواتي على الرد
    انا توقعت بس انا ملاحظه هذا
    طلع الكل ملاحظ

    بس بنات اعيد واكرر مو الجدد بالعكس والله فيهم ينحطون على الجرح ويبرى وقمه بالذووق
    واكل اجمع انهم يحبون ينزلون موضوع لكن متخوفين ان الموضوع ماراح ياخذ حقه
    لكن يابنات لايكون التطاوول مقابل العطاء والله المنتدى راح يفقد جماله
    ومثل ماذكروا بعض الأخوات على مواضيع بعض العضوات
    اتهامهن بالتكذيب او التجريح اللي ماله داعي
  4. @kbs_3

    موضوع مميز أوافقك على جل ماكتبتي عزيزتي ... لكن لما تكتبي مشكلة ما او اقتراح ما او اي موضوع فانتي تكتبين لناس مختلفين لهم ثقافات مختلفة ومشارب متعددة فيهم الصغير وفيهم الكبير فيهم المتعقل وفيهم العجول فيهم الجاهل وفيهم المثقف الخ .... فأحيانا تلقين البنت تهجم من غير ماتحس بعنف ردها فتكتب بحسن نية وغارية على الدين مثلا وقصدها تنصح بس يخونها التعبير ... طولة البال معهن زينة وتوضيح مالتبس عليهن واجب ... يعني مثلا تجي البنت طااايرة وشادة الحيل وتنصح وتقول الشغلة هاذي حرام وماتجوز لكن تقولها اولا بطريقة منفرة وثانيا تقولها ويمكن هي ماقرت الموضوع كويس ... فكل وحدة تطرح رد او موضوع لازم تحاول تطول بالها على الردود اللي بتجيها وحقها على من يرد عليها ان توضح لهم ما التبس عليهن .. ماترد بعصبية وضيق صدر .. طولة البال مطلوبة في مجتمع مفتوح كالمنتديات .. الناس وش تبي غير الكلمة الطيبة ؟ صدقيني لما تردي بكلام طيب وتبيني لهم انو هجومهم ماله مبرر وتوضحي لهم المسألة بنقاط عدة وتزيلي الإلتباس ماعتقد بعدها بتجي وترجع ترد ردود عنيفة لانو الالتباس زال اللهم الا اذا كانت مكابرة وهنا وبعد ماتكوني عملتي كل ماعليك والتمستي لها كل الأعذار كأن تكون قد أساءت فهمك أو لم تقرأ جيدا أو ردت تحت تأثير ضغط نفسي الى آخره من أعذار مما يلتمسها المرء لأخيه .. هنا وبعد كل هذاا ان استمرت في الردود العنيفة يكون التجاهل أفضل حل ...

تابعي تجارب أخرى من هذا القسم.