شاركي في النقاش

سجلي الدخول لإضافة تعليق.

التعليقات

56
  1. ربي يشفيج ويعافيج ويرجعج لزوجج وعيالج ان شاءالله

    اختي مثل ماقالو الأخوات الي قبلي وما راح ازيد عليهم شئ غير تجربه شخصية

    " اختي انا كنت مثلج (بس بنيه مب متزوجة) من ايام المدرسة ماكنت اعرف انه فيني حسد (لأني والحمدلله ماأحس اني جميلة جمال باهر يعني جمال منظر ووجه) عشان الناس يحسدوني عليه ـ بس الحمدلله كان اخلاقي ودين بفضل ربي تمام ـ و ماعندي فلوس وايد كان الوالد ربي يطول في عمره راتبه والحمدلله ربي يبارك فيه والكل يستغرب ويسأل كم راتب الوالد كيف يكفيكم ومصروفكم ومصروف البيت و.. و.. يعني كلام وايد،
    وأذكر حالتي زمان وعمري ماراح انسى وضعي كنت دوم في هموم وتفكير وأحس بضيق شديد وخصوصا في المدرسة حتى زميلاتي مقدرين وضعي ويعتبرونها فترة وتعدي والحمدلله خلصت الثانوية بنسبه عالية جدا والكل مستغرب مقولة "فلانة" نسبة جي أكيد تكذب علينا ماصدقوا حتى شافو ا العلامات في الجرايد، لا وبعد راحوا عن طريق الموقع وعرفوا علامات بالمواد كاملة, المهم خلصت الثانوية وماكان لي نصيب في الجامعة والحمدلله وكان العذر الأماكن امتلأت,
    جينا نبحث على الوظيفة وطول الفترة كنت بنفس الحالة ولا حاولت اني اعرف ان فيني شئ,فترة البحث عن وظيفة 5 سنوات والزواج بنفس الطريقة مافي اي شئ عنه.
    وفي مرة يت حرمةعندنا شافت اختي (اختي تعبانة وربي يأجرها وحسبي الله على كل ظالم) ودلت الوالدة على شيخ يعالج بالقراءن ودينا اختي والحمدلله اخذت العلاج بس مانفع معها وايد (لان على حسب معلوماتي ان معمول ها عمل).
    رحت ويا الوالد للشيخ وقرى(أيات قرأنيه ومعروفة المعوذات وبعض الادعية) علي وحست بأحساس غريب وضيق شديد وووو راح يقول للوالد مع انها ما شائالله عليها حافظة وذاكر ة ربها إلا ان فيني عين وحسد وقالي حافظي على الطاعات زيادة والأذكار زيادة فنصدمت صدمه قوية لأني ما كنت متقوعة بها الشئ وعطاني عسل مقرء وماء مقرء وشريط رقيه والحمدلله في البداية حست بضيق شديد بس غصبت نفسي والحمدلله بعدها حياتي غير.
    بس الحين الحمدلله اشتغل من سنة في ماكان حلو والحمدلله محد يعرف من الأهل غير أمي وأبوي وأخواتي طبعا ولما كملت السنة علي خير ودخلت السنة الثانية وانا في نفس الدوام خبرنا الي جاء عندنا وشافين اطلع واجيء اني اشتغل تدريب والله العظيم ان ماأكذب عليكم من بعد الناس عرفوا اني اشتغلت رجعت عندي حساسية في العيون وضيق بس الضيق تغلبت عليه بكتاب ربي والحمدلله, وكل شئ تمام وأحمد ربي كل النعم الي نعمها علي وعلى والدي وان شاء الله املي ربي كبير انه مثل مايسر لي الوظيفة بعد هالسنين انه يفتحه علي بالزوج صالح وعابد ويخاف ربه وأهله راضين عنه وداعين له ويرزقنا الذرية الصالحة الهادية المهدية آآآآآمين

    السموحة على قصت حياتي بس اوضح للأختي ان الكل عنده مشاكل بس أهم شئ تعالجينها بكتاب ربي و طاعته

    وربي يرجعج لما كنت عليه يارب
  2. @dnya_alaagb

    اولا عليك بالرقيه الشرعيه
    زوجةعمي جاها زيك
    قالها الشيخ اقرأي يوميا سوره البقره كامله لمدة سبع ايام متتاليه لاتتركين يوم ولازم كامله في كل يوم
    بعدين جا قرأ عليها قال مافيك شي الحمدلله لاعين لانفس ولله الحمد والافضل تعملين تحاليل للغده الدرقيه
    سبحان الله كلامه كان في الصميم
    عملت التحاليل وكان عندها مشكله في الغدد قالها الدكتور لاتستغربين اذا فيك ضيقه صدر او كرهتي بيتك او او ترى احيانا من اعراض الغده ولخبطتها ..
    وسبحان الله تعالجت بالحبوب وتحسنت مره مره مره ورجعت طبيعيه..
    انا انصحك بالرقيه ومعها اعملي تحاليل واذا سليمه روحي لطبيب نفسي اشرحي وضعك ترى يمكن مع ضغوط الحياة يصيب الانسان اكتئاب وتصير كثير والله
    اهم شي لاتحسين انك الوحيده اللي جتك هالحاله بالعكس والله اعرف كثير مره زيك صغار وكبار وحتى رجال وتعالجو والحمدلله مافيهم شي الحين
    اذا تبين مساعده ولا اي شي ياختي ارسلي مسج عالخاص وانا باذن الله ماقصر باللي اقدر عليه
  3. @red_rose_2

    الله يعينك اختي ..

    اقرئي سوره البقره كااااامله بعلبة ماء كبيره وانفثي فيها عند الانتهاء من القراءه ..وماتشوفين شر
  4. اختي الله يشفيك ويفرج همك.
    ليش ماتسوين تحليل للغدة الدرقية. اختي الكبيرة كانت زيك وطلع عندها كسل بالغدة الدرقية.

تابعي تجارب أخرى من هذا القسم.