شوفوا الاستشاري ايش قالي على التسقيط وسؤال عن الاشعة بالصبغة

كيفكم بنات ان شاء الله بخير
امس رحت لاستشاري نساء و ولادة وشرحتله اني اجهضت من 3شهور والي الان ماحصل حمل فقالي انه فترة 6شهور بعد الاجهاض ممكن يحصل حمل وهذا طبيعي اما اذا تاخر الحمل بعد هذه الفترة تلجا الوحدة للكشف
وسالني عن حملي الاول ومتى نزل والمدة اللي استمر فيها الحمل وسالني عن حملي في بنتي وولادتي فيها
وقالي بعد 3شهور اذا ماحصل حمل ارجعله ويعملي اشعة بالصبغة وتحاليل
الله يجزاها بالخير اللي تفيدني بمعلومات عن الاشعة وطريقتها وهل تالم ولا لا واي تفاصيل بهذا الخصوص
الله يخليكم ردوا علي في اسرع وقت لاني خايفة وافكر اروح لدكتورة واشوف ايش تقول وهل يطابق كلام الاثنين:26::26::26:

8 تعليق 1,567 مشاهدة

شاركي في النقاش

سجلي الدخول لإضافة تعليق.

التعليقات

8
  1. @tabt_grohy

    توكلي على الله و اعملي الاشعة بالصبغة

    لأن بعد الاسقاط يصير التصاقات في الرحم تمنع الحمل و هذي الاشعة تساعد في التخلص منها

    و طبعا الاعراض و التعب يختلف من وحده لوحده .. لا تسمعي من احد و توكلي على الله

    موفقه ان شاء الله
  2. طابت جروحي
    توكلي على الله و اعملي الاشعة بالصبغة لأن بعد الاسقاط يصير التصاقات في الرحم تمنع الحمل و هذي الاشعة تساعد في التخلص منها و طبعا الاعراض و التعب يختلف من وحده لوحده .. لا تسمعي من احد و توكلي على الله موفقه ان شاء الله
    مرحبا أختي ..

    أنا حملت وفي الشهر الثاني أسقطت :( ولحد الآن ما صار حمل :44: قالي الدكتور سوي أشعة الصبغة وسويتها الحمد لله وكل شي سليم .. لا تخافي ولا تحسي فيها :) قبل ما اروح أعملها كنت بموت من الخوف لكن يوم سويتها جدا جدا بسيطه يمكن دقيقتين ولا تحسي بأي شي بعد ما خلصت أقول لهم خلاص ؟ مو مصدقه أحس أنهم ما سووا شي .. يعني لا تخافين ولا تحاتين لاني ما حسيت ولا بشي ولا حتى بألم بسيط :) .. بس للحين ما صار حمل مع ان صار لي من الاسقاط لحد الحين سنه و9 شهور :icon33:

    تحياتي
  3. @mysaaa82

    انه سويتها الاشعه من اسبوعين خلاص توقعت اني باموت وقلت خلاص احتمال قبل لا ادخل غرفة الاشعة بيغمى علي وكنت ابي بنج ولكن اول مادخلت الغرفه كنت خايفة وكانت الدكتورة اتواسيني واتكلم معي وانه مو معاها تفكيري بعيد اتقول لي ما اتخوف ولا اتالم كنت اقول اشفيها ذي تبي اتواسيني وانه اعرف ان الاشعة مؤلمة والله كنت احس ان اتحط فيني الحديدة طبعا بدون الم يوم خلصت قلت لها متى بتحطين فيني المادة قالت لي خلاص حطيتها استغربت قلت لها انتي من صجج خلصتي وقال لي سليمة يالله قومي والله ان عيني دمعت وقمت اشكر ربي ..وانتي لازم اتسوينها لانه صار لج اجهاض احتمال فيج تلصقات او اشيه بسيطة لانه انتي صار لج حمل من جذي يمكن فيج اشياء بسيطة في نفس الوقت الاشعة الصبغة اتعالجج وان شا ءالله قبل لا تسوينها اتكوني حامل ولا تحتاجينها ..الله يعوضج ويرزقج ويرزقنا الذرية الصالحة ان شاء الله..
  4. لحظات ولكن
    يا أخوات خوفتوني معقوله بهد الاجهاض ممكن تجي التصاقات ..
    تكفون تأكدوا لاني اجهضت من سنه ونص ولم يتم بعدها حمل ...طمنوني

تابعي تجارب أخرى من هذا القسم.