السلام عليكم....................
اخواتي باقولكم مشكلتي.....
انا اشتغل من مدة سنة تقريبا،، بعد 8 سنوات من انتظار الوظيفه والحمدلله رب العالمين من سنة اشتغلت......
اشتغلت فى مكتب فيه 3 بنات غيري... 2 منهم كانوا يشتغلون من قبل وانا ووحده دامنا فى نفس اليوم... انا ما كنت اعرف لنوايهن صارت مشاكل بالبداية بين وحده من البنات القدامى معاي مع الجديدة ،،، بس شوي شوي صارت العلاقات اوكي،،، الجديدة اللي داومت معاي فى نفس اليوم كنت اوكي معاها مع انها صغيرة فى السن ومو متزوجه وانا اكبر منها ب7 سنوات وعندي عيال،،، المهم شوي شوي زادت علاقاتي فى العمل مع البنات وقلت اهم شي اللسان الحلو والتواصل واالسؤال عن الناس.....
الجديدة اللي معاي قامت تغير من اتعرف على وحده تروح تركض تتعرف عليها ،، انا كان عندي عادي ،،بس شوي شوي حسيتها تكرهني موت ،،، مره من فتره ما كانت تكلمني بدون سبب قمت كلمتها قلت لها شفيج اكلمج ما تردين؟ قالت مافيني شي وقامت تكلمني بخياس نفس ـ قمت تعوذت من ابيس وقلت لها احنا مثل الخوات وبعدين طرشت لها مسج واحنا في البيت قلت لها انتي واختي الصغيره واحده واتمنى ما يصير زعل بينا..... وشوي شوي صرنا عادي ،، بس الحين رجعت كرهتني من غير سبب غير علاقاتي مع البنات ((( عرفت ان هذا السبب لاني اشوفها من اكلم وحده تنط فى وسط الكلام ،، من اتعرف على وحده تحاول تتعرف عليها ، لو اطلع مع وحده فى الدوام نروح نزور وحده فى مكتب ثاني او شي تعتفس ويبان عليها انها مقهوره غير الكلام اللي تقطه )))) ، المهم قبل فتره زميله من اللي معانا فى المكتب ما داومت ،، وجابوو سلب راتبها وعطوني اياه ، قمت انا وحطيته على مكتبي ،، شوي الا تقولي عطيني سلب فلانه،، قلت لها ليش ، الا تقول انا باعطيها ايه بكره ،، قلت لها بس السلب عطوني انا وانا باعطيها ،، تخيلوو قامت مثل الميبنونه وخذت السلب من مكتبي وحطته عندها،، قمت انا كلمتها وقلا لها ليش هالحركات ،، الا تقول بكيفي قلت لها لا مو بكيفج واحترمي شوي انا مو ياهل انا اكبر منج ، الا تقولي وانا موظفه!!!! قلت لها حالي حالج,,,, بس احترمي ،، هذا الكلام من شهر يمكن ، ومن يومها علاقتي معاها سلام عليكم السلام مع انها تجلس جنبي ،،، تخيلوو تشوفتي برى الوام تعطيني ظهرها ،، مو بس جذي تسوي حركات يهاله وتحرجني جدام البنات،،، تخيلوو تجيب كيك وتعطي البنات وحده وحده واذا كان عندنا بنات من غير مكتبنا تعطيهم بعد وتطوفني... تخيلوووووو ، المشكله يا اخواتي انا اقول الدنيا ما تسوى ومحد فينا يعرف متى يومه ومحد يبغى شي من احد الا الكلمة الطيبة ،،، اليوم كان عندي كتيبات دينيية كنت اقرى منهم فى الشغل قامت وحده من البنات طلبتني منهم عطيتها ، والثانية بعد وعطيتها وكنت افكر اعطيها بس ترددت وقلت ليش انزل نفسي دايما ، مع ان قلت باصير احسن منها ،، بس اتصلت فى زوجي وقالي لا تعطينها فى ناس اذا تعطينهم شي ينقع في عينهم بس هذي تعتبرها مذله واني نزلت نفسي لها.....
اليوم ما قعدت قاعده تلطش كلام مع اني ما اكلمها ابد الا اذا احد اتصل يبيغها مثلا اقولها بس....
بس يا اخواتي ليش جذي؟؟؟ انا اقول الدنيا ما تسوى واحنا يكن نفضل مع بعض لما نعجز ، وبعدين انا نقعد 8 ساعات وربع يوميا مع بعض يمكن اشوفها اكثر من زوجي وعيالي احيانا,,,,
ليس تسوي فيني كذا؟؟؟ ما ادري احس نفسي ساعات ضعيفه وادور رضى اللي يزعل مني مو عشان شي بس انا طبعي جذي ما احب احد يزعل مني:(
ساعدوني اطنش واحقر والا اكلمها وتعتبرني نزلت نفسي لها مرة ثانية؟؟؟؟
صحيح انا ماني محتاجتها فى شي بس الدنيا ما تسوى:44:
ساعدوني شلون اتصرف معاها؟؟؟؟
الموضوع مغلق