متطفلة على حياتي

حبيت أسلم عليكم .....
وأقولكم اني من المتابعات لهالمنتدى الرائع من سنوات وما قبل شاركت فيه الين ما أنعم الله علي بالمشاركة أخيرا,,,,,

في عندي قضية ماني عارفة هي تضحك والا تبكي....المشكلة باختصار...

فيه خالة لأبوي تجينا من بداية الاجازة كل صيف الى نهايتها والمشكلة انها ماهي انسانة عادية تسكن عندنا ..تحقق مع شغالاتنا عن أسرارنا ..تدور في البيت تتصيد أخطائنا تضيق صدووور أمي وأبوي بكلامها الجارح ومايردون ((ويهددوني ما أرد عليها)) لاتقولون حرمة كبيرة هي تجرح وتتكلم باللي فينا وتبهر عليه من خيالها الواسع...

تنشر غسيلنا بعد كل صيفية شي حلو وشي شييييييين....

كل جيتها لأن جدتي عندنا وتبيها ....

المسألة تطورت ومادرينا الا وهي داخلة علينا البارحة مثل القضاء المستعجل....أنا يوم شفتها شكيت ان الصيفية جت...
أثاري الحرمة تبي تجلس الين العيد تقريبا ,,,,انصدمت ....

هي طبعا عندها عيال كبار متزوجين ...لكن تبينا لأننا ماشين على كيفها....
وهي سكنة برا الرياض....

أنا متزوجة وطايلني شرها وشلون أهلي ,,,,,وللمعلومية أمي وأبوي مو أميين معاهم أفضل الشهادات,,,وأنا عندي خوات بنات ماعندي أخوان فأهلي خايفين تمس سمعة خواتي بشي مو زين ...
اللي بقول عليه كيف نتصرف مع المتطفلين على حياتنا كيف أخليها ترجع ديرتها بدون مشكاكل على الأقل للاجازة الصيفية.....؟؟؟؟

أنتظر ارائكم السديدة وشاكرة لكم مساعدتي,,,,,