أفضل المصممات وأفضل مشاغل للخياطة في الرياض

الله يعافيكم ارسلو لي الارقام لان على العام تنحذف مشكورين

طخومه يعني في حدود كم اسعار مصممة الجلابيات وياريت ترسليلي رقمها على الخاص

أنا إذا دريت أن عندنا مناسبه قريبه أشيل هم الفستان و جربت الجاهز و جربت التصميم

بالنسبه للمصممات اللي تعاملت معهم أنا او أخواتي

خلوني شوي بفتح جوالي :27:

ورود العطيشان تصاميمها حلوه و تعاملها أروع بس غاليه سوت لأختي فستان ب 5000 بس كان مره روووووووعه بس عيبها ان تعديل الفستان بس مره وحده مجانا و إذا جيتي مره ثانيه يكون بفلوس مشغلها في العروبه أسعارها 3000 وطالع
وهذا رقمها xxxxxxxxxx


وفيه مشغل واو في الورود ناسيه و الله وش اسم المصممه أنا خيطت عندهم لزوارة أختي ب 3000 بس مره كان حلو و تعاملهم مره حلو بس مافي امل تشوفين المصممه او تكلمينها و أسعارهم 3000 و طالع

وممكن لو حبيتي انتي تجيبين الموديل و القماش و هم يخيطونه لك خياطهم مرررررره حلو
وهذا رقم المشغل xxxxxxxxجوال xxxxxxxx

و فيه مشغل البازركان في الورود مره حلو و مميز كانت أخت زوجي لابسه من عندهم بصراحه روووووعه والمصممه على ما اعتقد في لبنان ولهم فرع في باريس أو لندن و بيروت أسعارهم من 4000 و فوق
وهذا رقمهم xxxxxxxxx

و فيه مشغل لافيت في الورود خيطوا عنده أخواتي بس والله ناسيه وش اسم المصممه مررره حلوه تصاميمها و غريبه

بس مافي أمل تشوفين المصممه او تكلمينها بس عيبهم ان التصاميم مرسومه على ورق ولاهيب منفذه تشوفينها إلا إذا كان فيه وحده من الزباين مخيطه أحد التصاميم أسعارهم 4000 و طالع
وهذا رقمهم xxxxxxxxx

و فيه المصممه سلمى في مشغل ركن الأناقه اللي في الورود تصاميمه حلوه بس خرابيطها واجده تنفع للي يحب الحركات الغريبه بس ممكن تلاقين عنده أشياء ناعمه و حلوه تعاملهم مره حلو و خياطهم مضبوط أختي سوت عندها فستان زواجها و زوارتها كانوا مره حلوين أسعارها 2500 و طالع
و فيه عندها فساتين للبنات مره حلو أختي سوت فستان بنتها ب 800
و هذا رقمهم xxxxxxxx و xxxxxxxx

وفاء الميمان أسعارها حلوه بس أحس انها تنتشر بعدين هي ما شاء الله عليها تلاقينا في أغلب البازارات
قد مره شريت منها تيور بس ما قد شفته على أحد بس أحس أني كرهته من كثر ما أشوفه في البازارات و على فكره هي ما تصمم بس تا خذين اللي موجود عندها من التصاميم و لا تعدل

عموما هي سوق صغير على شارع العليا بين الفيصليه و فندق الخزامى
هذا السوق أغلبه مصممات و ممكن الواحد يلاقي عندهم أشياء حلوه

أتمنى أكون أفدتكم و لي عوده مره أخرى وإذا تبون أي خدمه لا يردكم إلا الكي بورد

وبس :27:

^^^
^^
^

يعطيكي العافيه ياقلبي والله ماقصرتي ^_^

<<<< سجلت الارقام ومن بكره ان شاء الله جاري البحث

تحياتي لك

بنات شرايكم بشغل ساري بشرق الرياض ؟؟؟

شلون خياطهم مضبوط ؟؟؟ والاسعار كيف؟؟