هذا شال لونه وردي طلع موف مدري كيف لو حسيت ببرد
هذي اغراض نظام العامريه باكياسها ماشاء الله ..... الرجاء الانتباه للفظ الجلالة والمشيئة.. عالم حواء علي لا غسلتها ولا شي وزدت عليها يانسون وسكر نبات للبيبي اشتريتها من عطار الحسين في المعيقليه يعجبني شغله نظيف وثقه
هذا المشد الاندونسي اخذته من اندونوسي نصاب بـ 45 ريال بس وش اسوي كانت بقالة في شارعنا وتعيجزت اروح بعيد
]
بالنسبة لتوزيعات المواليد رحت محل قريب من ملاهي الخيمه تبيع فيه حرمه لهدايا المواليد عندهم أشياء حلوة بس مره غالين تحسفت ولا عندي ميزانيه اصلا حتى الشوكولا حقتهم مو حلوه كأن طعمها محترقه ويوم قلت اذا جبت الشوكولا من عندي تنقصين قالت لا اخذت الكرت وقلت بلف واشوف ان لقيت ارخص والا رجعت لهم.
المهم قررت اروح شارع السويلم مع اني منتهيه وتعبانه دخلت محلين بس مع انه فيه محلات كثير
الاول لقيت عنده اشياء حلوة بس مو اللي في بالي مع ان الحبه بريالين واللي عند ملاهي الخيمه تقول الحبه بعشرة وعشرين وخمسين ولقيت عنده عربة الاطفال اللي عرضتها وحده في هذا الموضوع جتها في المستشفى فيها شوكولا لقيتها بثمانين بس ما تنفع معاي لانها صغيره ما تكفي كل التوزيعات مع انها مره حلوة وعنده عربيات اشكال ثانيه بس ما بغيتها
الثاني ما وصلته وباقي فيني نفس لقيت عنده اشكال حلوة وانا ميته تعب قلت تصلح لي لاني قبل كنت ناويه اشتريها خامات واصلحها بس طارت هالافكار مع التقدم في العمر اقصد الحمل المهم قال ايه نصلح لقيت عنده اشكال مسويها جاهزة اخترت كم شكل منها قلت انوع بدل ما تكون كلها شكل واحد كل شكل اخذت منه درزن وسألته اذا عنده ستاند لها قال ايه عنده شجرة بس مخلصه وقال تعالي شوفيها بعدين ومن يومها ما جيته المهم الشجرة ام اربعين حبه بثمانين واللي عند ملاهي الخيمه تقول الستاند نأجره لك فترة الاربعين بـ 500 والله فرق صح حقها احلى بس سعرها مو معقول
المهم اخذت منه حوالي اربعين حبه مع الستاند حوالي اربعميه ريال
طبعا الحبه عنده بثمانيه ادري نصاب بس كنت تعبانه ومالي خلق اناقش ابي اخلص بس وقلت له ابي اجيب الشوكولا من عندي وبجيب الكروت من عندي لانه كروته ما عجبتني بسويها واطبعها انا واعطيه اياها نقص لي ريال صارت الحبه بسبعه طبعا عندي امل ارجع له وازيد الحبات واكاسره بس شكل وضعي من سئ الى أسوأ ومفكرة اجيب اشرطة اسلاميه اغلف الشريط بخيش واخليه يعلقه مع الشجرة ناخذ اجر
ايش بعد ايه دورت على فستان تقديم للبيبي رحت عند القرعاوي والعيسائي ذبت عند اطقمهم بس غاليه ولا عندي ميزانيه دورت ولفيت الما حفيت ما لقيت مثل اطقمهم وقماشتهم شكلي بمشي نفسي هالمره والبيبي الجاي اوفر من ميزانيته للفستان الا اذا احد يعرف مكان يبيع مثل فساتينهم وبسعر معقول
لبسي اذا زارني احد احترت دورت في ثياب الرضاعه ما لقيت شئ حلو ودورت في الجلابيات لقيت جلابيات تجنن مثل اللي في بالي لاني ابي جلابيه مثل الفستان بس اقل شئ الفين او الف احس كثيره خاصة اني ما البس جلابيات ما راح استفيد منها بعدين افكر في فستان بسيط من زارا او مانجو بس ما ينفع التفكير هالحين لاني كل حواسي تعطلت وشكلي باخذ من جلابيات خواتي اللي محد شافها او بعدين اخلي احد يدور لي بس متحسفه اشتري لان مقاسي هالحين فرق ميه وثمانين درجه عن قبل الحمل واخف اشتري وانحف بعدين ان شاء الله ويضيع علي اللبس واصير ضغطت على الميزانيه بلا ولا شئ
كريمات الاربعين وخرابيطها جمعت مواضيع بس ما شريت شئ لاني احس اني بكون تعبانه ومالي خلقها اذا حسيت اني مصحصحه خليت احد يجيبها لي عشان ما تخرب
باقي اغراض البيبي من الهزاز وكرسي السيارة وسرير البيت ما شريتها بنتظر الهدايا واشوف والي امون عليهم بحدد الهدية اللي ابيها عشان ما تتراكم عندي من غير سنع او يجيبو نوع ما يعجبني
هذي قصة رحلتي مع التجهيز لاول بيبي بمساعدتكم