قصتي باختصار (ابي ردود تريح قلبي )
انا تزوجت وعشت حياة الحمد لله مرتاحه نوعا ما على المشاكل الي كنت اسمعها من الناس
ومرت الايام اقصد السنين بدون مايكون هناك (حمل)
قلقت من الموضوع هذا مع اني صغيره بس خفت من تاخر الحمل والي تزوجوا معي انجبوا على اثنين وثلاثه
صرت حساسه من هذا الموضوع واحس الناس يخافوا على اطفالهم مني
بعدين الحمدلله حملت وفرحت كثير لاكن للاسف (اجهضت)
وكذا اجهاض وراء بعض
الا ان الله اكرمني بالحمل وقررت اتمسك بالحمل والحمدلله ثبت
اخذت (مثبتات)حبوب وابر وراحه تامه اكلي وشربي من برا تركت الناس اهلي اربع اشهر ماشفتهم ولا شفت اي شخص
بعدين تم الحمل وجاء بالاشهر الاخيره
وقررت اني ولد بمستشفى (خاص )قلت لزوجي سكت مارد علي وانا اعرفه اذا ماحب الشئ مايقول لا يسكت وادري انه مايبيه
والي زاد جلست مره مع اربع نساء ثلاث منهم ولدوا ولاده طبيعيه ووحده قيصري الثلاث ولدوا (بحكومي )ووحده ولدت بستشفى الملك فهد قيصري ب10 الاف ريال
فخفت صراحه فقررت اولد بحكومي منها عشان زوجي ومنها يوم سمعت كلامهم
وبدت الاجازه والكل راح لاهله اجازة عيد الاضحى الا حنا جالسين ننتظر الولاده
قلت لزوجي خلنا نروح واذا حسيت بشئ رجعنا والاولدت عند اهلي
ورفض
المهم جاء الخميس وسمعني زوجي كلام
مارحنا راحت اجازتنا وحنا هنا وشذا الولاده قومي امشي عشان تولدين ومن ذا الكلام وانا اصلا نفسيتي زفت بكر وتعب وثقل
واقوم واقول لزوجي جب معك كف مريم وقرفه وكمون
واقوم امشي واشربهم الصباح الجمعه الا ويبداالطلق وانا اصلا مدري هو طلق والا لا الم عادي ويجيب زوجي غدا من برا واكل والا يجيني اسهال وترجيع ((اكرمكم الله))
ولا قلت لاحد لان خواتي عند امي وخفت اسالهم يقولوا لامي وتخاف علي وبعدين انا الصغيره والدلوعه بنظر امي
وقلت في نفسي شكلها مش ولاده شكل الاكل تسممت منه
والم الظهر يزيد بدت الماساة جالس زوجي على النت وانا بالصاله من الم ظهري واقول في نفسي متى يطلع الصبح عشان اروح امشي وامر اي طبيبه بمستوصف خاص اشوف وش القصه كانت الساعه خمس الفجر الاذان ياذن
ويجيني زوجي وانا بالصاله واتالم ويقول يالله على المستشفى وانا اتراجاه اني ماروح الا لما يحمى الطلق اوتنزل علي مويه اودم
وهو مصمم يوديني وانا اتراجى وجاب عبايتي وقال يالله قومي واروح وانا ماودي اروح الحين بس طبع زوجي حريص الله يهديه
وادخل للطواري بمستشفى قوى الامن والقى ذيك الممرضه الي ماكلمتني ربع كلمه وتكشف وراحت وقلت في نفسي بتجي الدكتوره او بتقول مافيه ولاده وبطلع الا يجيبوا الكرسي وتقول يالله ولاده واموت خوف الرحم كم مفتوح قالت اربع سم
ويطلعوني فوق مع زوجي واقول له بطلع امشي لحد مايصير الرحم 8سم ويقول لا رضيت وطلعت قالوا الولاده على 12 الظهر ان شاءلله دخلت علي الطبيبه وقالت بكريه قلت ايه قالت لازم ابرة الظهر رفضت قالت لازم انا طبيبه وماخذتها بولادتي وافقت مجبره جت الطبيبه وركبوا لي الابره وياسلام جسمي تخدر وودي انام وجهاز الطلق بينفجر من قوة الطلق وانا ولا حاسه مرت الساعات الا ان جت الساعه 6 المفرب دخلت الدكتوره وفحصتني وكل شوي فحص ولقت الرحم نفسه اربع سم قالوا ننزل لك المويه وافقت عشان ينفتح الرحم نزلوها نفس الشئ مازاد الرحم بعدين جت طبيبه ثانيه وقالت بعطيك مهله ساعتين والا قيصري قلت يارب تفرجها بهالساعتين دخلت الطبيبه الاولى وقالت لازم قيصري الرحم بينفجر من قوة الطلق بس انتي موحاسه عشان الابره
ترجيتهم وقالوا لا قيصري رحت وسويتها وجبت بنت الحمدلله
والجميع فرح الا انا تضايقت من العمليه خصوصا اني ناويه احمل على طول بعد الولاده واجيب لزوجي الولد الي يتمناه الا الان وحلف يمين اني مااخذ مانع واحمل
وانا خائفه على العمليه وخائفه من زوجي يتزوج وخائفه اني الجا للعمليه الثانيه وبعدين يصيروا ولادتي كلها قيصري واربع فقط
مع اني اتمنى كثرة الاطفال احس انهم عزوه اذا جار الزمن على الواحد هذا داخل وهذا طالع هذا بزوجته وهذي باطفالها هذي تدرس وهذي خطبت (احلام )ان شاءلله تتحقق
(((المال والبنون زينة الحياة الدنيا )))وسلامتكم
ابي ردود تريح قلبي المكلوم خصوصا اني انام وانا افكروطول اليوم على ذا الحاله ياليت ولدت بخاص ياليتني مريت طبيبه خاص قبل اروح للولاده ياليتني ولدت عند امي ياليتني ماسمعت كلام زوجي ياليتني مشيت وعلى ذا الحال اربع اشهر
مدري وشلون انسى
خصوصا اني بولاداتي الجايه طول الحمل بخاف من القيصري ومن الطلق الصناعي عشان الجرح
يارب ريح قلبي
شاركي في النقاش
سجلي الدخول لإضافة تعليق.
التعليقات
81- حمد الله علي سلامتك اولا حبيبتي
الله يخلي لك بنتك ياااااااارب و يرزقك اخوانها و اخواتها يارب
احمدي ربنا يا قمر و دايما تذكري ان الخيرة فيما اختارة الله
و موضوع اذا كان الرحم مفتوح او لا ده كله كان هيكون موجود سواء كان مستشفي خاص او حكومي
لان مش هيقدروا يعملوا حاجة زيادة
و الحمد لله علي كل حال
بس للاسف بالنسبة للجرح و باقي الاشياء والله ما اعرف لاني لس بنت
يارب يقدم لك اليي فيه الخير ليكي و لزوجك و لاولادك ياااااااااااارب
السموحة علي التقصير يا قمر - لا ماعليك ياعمري
انا والده قيصري عااادي
وحتى خالتي والده بكرها قيصري وبعد النفاس بشهرين حملت والحمد لله ولدت طبيعي
يعني لا تشيلين هم التسهيل من رب العالمين - انا ماعندي خبره بهالمواضيع مابعد تزوجت
بس قلت ماراح اطلع وانا رديت عليك
الله يرزقك بالاطفال البنين والبنات الي يبرون فيك كاملين الخلق والخلقه - اول شي الحمد لله على السلامه
ثاني شي انتي هواله يعني ماشاء الله زوجك حريص وحنون وانتي زعلانه انه وداك بدري او يقول لك امشي او يقول لك خذي مانع
العمليه راحة وليه انتي متخوفه من كل شي متخوفه من ابرة الظهر متخوفه من العمليه ياعزيزتي عادي اختي عندها 6 الله يخليهم لها وكلهم قيصري منو قال لك بس اربع
هذا اولا ثانيا انتي الان اهتمي بها الصغيره واللي بعدها وكل شي بوقته حلو
بنت عمي جابت عمليه كذا مره
صديقتي الاول عمليه وتخيلي حملت بعد الاربعين مباشرة لانها ما اخذت مانع كانت معتمده على الرضاعه والحمد لله سمعت نصايح الطبيب وجابت والحين حامل با الثالث
اخت زوجي الاول عمليه والثاني طبيعي
كل حمل يختلف عن الاخر اهم شي شيلي الوساوس والتفكير السلبي اللي بحياتك وعيشي لحظات الامومه الروعه ذحين واللي من الله حياه الله وكل شي بوقته حلو
مع الاكل التمام وكل شي تمام بتزين امورك تبين الحمل روحي لطبيبه شاطره واحملي رغم انه غلط تحملين عشان صحتك وعشان الصغيره يعني مره مره لو بدري بعد سنه واذا حملتي بعد سنه بحول الله ماراح يصير شي
خلي قناعتك دائما انا اريد وانت تريد والله يفعل مايريد
والله يسهل لك ويرزقك قد ما تبين من الاطفال
دمتم بود CryinG_Blue_EyEs حمد الله علي سلامتك اولا حبيبتي الله يخلي لك بنتك ياااااااارب و يرزقك اخوانها و اخواتها يارب احمدي ربنا يا قمر و دايما تذكري ان الخيرة فيما اختارة الله و موضوع اذا كان الرحم مفتوح او لا ده كله كان هيكون موجود سواء كان مستشفي خاص او حكومي ل…
حبيبتي. حمدلله على السلامة
واهم شي ان طفل بخير. ومفي هالامراض الي نسمع عنها..
ثم كل شي ارزاق وكتبه. الي مكتوب لازم تشوفينه....
والي في صلاح الله يكتب لج
وتوكلي على الله. وارضي بترتاحين. تراه ارحم منا من انفسنا واهلنا.... لئن شكرتم لازيدنكم. ونعم بالله
تقربي من ربي العالمين وارضي بترتاحين طول عمرج..
مواضيع مشابهة
تابعي تجارب أخرى من هذا القسم.