يأخواتي العزيزات ابغاكم تشورون علي بكيفية التعامل مع هالشغلات اللي ابتلينا بهن
عندي شغالة اندونيسية توها مكملة 3شهور ووالله مكرمتها ومعززتها وتاكل من اكلنا وكل اغراضها ( كريمات ، شامبو ، معجون ، وفرشاة اسنان ، ملابس ) اجيبها من حسابي ما اخذ من راتبها ولا قرش ..
تتصل على اهلها كل مابغت من جوالي وعلى راحتها ماادفعها شي من قيمة الفاتورة ..
تنام متى ماتبي وتقوم متى ماتبي .
ومن جت وهي تقول انتي يامدام كويس وطيبة وابجلس عند كثير ما ابغى اروح بعدين مدام ثاني وخذ من هالكلام
وبسم الله ولا الضالين آمين ماكملت 3شهور إلا طلعت على حقيقتها حسبي الله عليها ...
كل يوم زعلة ونفسها شينة ولاتناظرني إلا بطرف عين ..
لا وفي البداية كنت إذا طلبت لنا عشاء من المطعم اجيب لها مثلنا بالضبط ،،، وإذا اشتريت لاولادي ايسكريم او عصير جبت لها مثلهم بدون تفرقة ...لكن يوم شفت انه مانفع معها هالمعروف وقفت هالاكراميات شوي وهديت اللعب لاني لاحظت انه ماينفع معه الاكرام ومثل ما قال الشاعر:
إذا اكرمت الكريم ملكته وإذا اكرمت اللئيم تمردا
والبارح طلبت لنا عشاء متواضع وقلت لها خوذي من الثلاجة أرز وصينية خضار باقية من الغداء ، وتزعل حضرتها :mad:ولا تتعشى ليش ما اطلب لها من المطعم ( شين وقوي عين ) ..
والله ما اتمنى الا انها تشوف معامله بعض الناس لشغالاتهم كيف يكرفونهم كرف الحمير ومقترين عليهم باسباب الراحة .. لكن الشكوى لله
بالله عليكم كيف اتعامل معها هل استمر بالطيبة والحبابة لعل الله يلين قلبها وإلا امسك شوي وأشد عليها واصير معها رسمية ولااعطيها وجه وخله ينفعها دلعها وتزعلها ؟؟؟
شاركي في النقاش
سجلي الدخول لإضافة تعليق.
التعليقات
14- والله حبيبتي خير الامور الوسط
الظاهر هي شافتك طيبه وتكرمينها قامت تتدلع عليك وتستغل طيبتك
والله يكفيك شرها عامليها زين وبحدود مثلا اوقات مكالمتها لاهلها تكون لها اوقات مثلا كل اسبوعين مره ..وبالنسبه للاكل مو كل مره تطلبين لها من مطعم يعني كل ماطلبتم عطوها والا زي ماقلتي قوليلها تاخذ من الموجود..
والله يكفيك شرها اهم شي انك مرتاحه لها من ناحية اخلاقها ولا الباقي مايهم - انت غلطانه لأنج ما مشيتيها على نظام معين
ودلعتيها إذا انت مو مرتاحه منها سفريها احسن من انها تسوي لج شي او لعيالج الله لا يقول - والله مدري وش أقولك الحال من بعضها مع أننا معملتنا لها كويسه مرررره ولا أحد يعترض عليها بشي لكن بعد فتره تبدا تطلع منها تصرفات تقهر...
وفي الاخير تبي تسافر لاهلها وتطلع علل الدنيا فينا ان احنا مانبيها وما نسولف معها ونهاوشها.زلا والأخيره وش تقول تقول أنتم ماعندكم شغل في البيت انا ابغى ناس عندهم شغل واجد؟!مالقت عيب الأخت
وكلهم ولا وحده كملت مدتها كلهم يسافرون قبل..
مع ان أهلنا والناس اللي نشوفهم شديدين أو مقيدين في معاملتهم لها تمشي معها
شكله الدلع ماينفع معهم من البدايه لازم الواحد يشد شوي عليهم بدون ماياخذ حق من حقوقهم..وبعدين يعرف كيف نوعيتهم ويتعامل معاهم على أساسه - خليك حازمه معها إذا كان الدلع ماينفع معها أغراضها أو أي شي تبيه خليه تجيبه على حسابها حتى المطعم لو تبغى خلوها تدفع وفواتير المكالمات خليها تسددها علشان تعرف إنها كانت ظالمتكم وتحس بفظلكم عليها
- الله يعطيكم العافية على ردودكم ماقصرتوا
فعلا حسيت اني كنت طيبة معها بزيادة ولانفعت معها الطيبة وكأن لسان حالها شدي علي علشان امشي صح !!
احسن مابهالمنتدى ان الوحدة تكتب اللي بخاطرها ومضيق صدرها وتلقى من اخوات لها ماشافتهم يتفاعلون معها ويحسون بمعاناتها
الله لايحرمني منكم ومن هالمنتدى الرائع
وفقنا الله لما يحبه ويرضاه
وياليت نستمر على هالتكاتف والمحبة والمؤازرة والنصح والكلمة الطيبة ..
مواضيع مشابهة
تابعي تجارب أخرى من هذا القسم.