الزواج و لا الدراسة؟؟؟؟؟؟؟؟؟؟؟؟؟؟؟؟؟

انا من رايي اذا تقدم للبنت من ترضون دينه وخلقه توافق وتتزوج
وبعدين اللي كاتبه ربي بيصير لها

والله تفكيركم غريب اللي يقول الزواج قبل الدراسه اللي يسمعكم يقول بتدرس العمر كله ترى غالباً البنات ينخطبون وهم بالكليه باقي لهم سنتين او ثلاث يعني عادي يأجلون الزواج بعد الدراسه الدنيا ماطارت واذا كانت حريصه على الزواج بتجتهد وتتخرج وتتزوج وهي بأول العشرين عمر الورود اما إنه تنهبل على الزواج وتروح تتزوج وهي طالبه وكأن الدنيا طايره وبعدين تغرز بالكليه بسبب الانشغال والمسؤوليه وبدال لا تدرس هالسنتين او الثلاث تدرسهم 5 او 7 سنين او حتى ممكن يطوى قيدها وتخسر دراستها للأبد يعني على قولة الاخت اللي تقول اذا فرصه زينه لا تردها انا ما اقول تردها بس تطلب التأجيل والمفروض الخاطب يتعاون معها الى متى والمره تتفهم ظروف الرجل والرجل لا يعني لو جاكم خاطب كويس وقالكم عندي بعثه والا بكون نفسي وامهلوني سنتين بتقولون لا اكيد بترضون بشروطه نفس الشي البنت المفروض الرجل يتفهم وجهة نظرها هي واهلها ويصبر هالسنتين او ثلاث وياخذها وهي متفرغه له تماماً لا هم دراسه ولا مذاكره بالبيت ودوام بالكليه وبصراحه اذا رفض شرطها فهذا معناته انه لا هو شاريها ولا تهم هي واهلها وانه متقدم لها خبط عشواء كذا والسلام وييدور اي وحده هي والا غيرها ترضى تتزوجه وتطفي شهوته وبس

أنا مع مدمنة قهوه

صراحه الشهاده مهمه ولو مافيه وظايف لأنها سلاح بيدالمرأه الوحده متدري تتوفق بهذا الزواج ولا لا
أنا اعرف ناس تزوجي بدري وماكملوا دراسة وتطلقوا ومعاهم اطفال وترجع عند اهلها مين بيصرفها الأخوان متزوحين وكل واحد يدوب يصرف عمره مع هاالغلاء00وبعدين ماأحد يأخذ الا نصيبه
الله يرزق الجميع

نصيحه لوجه الله
لاتتركي الدراسه انا لما اتزوجت وشفت زوجي معايه في البدايه مره عسل ماهتميت بدراستي وقلت الحمدلله الله رزقني بزوج زي العسل مو مهم الدراسه واهملت لين فصلوني من الجامعه
الحين بااموت من القهر واحاول فيه ارجع ادرس مو راضي
من جد كملي دراستك