الله ياجرج ويصبرج ويشفي ولدج قادر رب العالمين ع اي شي
للمعلومه احنا بوسط بهايم مب كلم الاغلبيه دكاتره وحالتهم لله ولا عندهم خبر بشي
وانا يا حياتي سقطت اربع مرات وبعدها ولدت بنت وماتت وحمدت الله اول ما عرفت بموتها وولدت بنت ثانيه وبعد ماتت
ودعيت الله (اللهم اجرني في مصيبتي واخلفني خيرا منهم ) وكنت والله ثم والله متاكده باليقين ان الله
بيعوضني لاني رضيت بقضاء الله وحمدت رب العالمين
يا عمري الانسان يبغي حق الدنيا ويبغي للاخره بعد وهالولد الي راح عنج بينقذج
يوم القيامه وبتفرحين واااااايد ذاك اليوم انه كان لج شافع وتتمنين لو كانوا اثر منه
واكملج سالفتي الحين يا عمري عوضني الله بثلاث اولاد اصحاء مشافين معافين ولله الحمد والمنه
وان شا الله بعد الله بيعوضني انا متاكده
المهم اتذكري اذا الله كتب لولدج العافيه تحمدين الله وتشكرينه ع نعمته
واذا الله اخذ امانه عطاج ايها تحمدين الله وتشكرينه عند اول الصدمه
والله يا رب يعافي ولدج ويبارك فيه وينقيه من اي مرض او مكروه ومثل ما قلتلج هالدكاتره ( ) استغفر الله
يمكن ولدج فيه شي ثاني ويتعالج وهم يربطون حالته باخوه مثل ما ربطو حالة اولادي قبل الولاده باخواتهم الي ماتوا
وعيشوني برعب وخوف لين اشوفهم جدامي اصحاء
المهم الله يخليج اذا عندج فرصه طمنينا عليج
بنات ولدي بالعناية المركزة ادعوا له بالشفاء العاجل :(
متابعة النقاش، صفحة 50