بنات الكويت ويينكم............؟؟؟؟؟؟؟؟

السلام عليكم

ياهلا وغلا

بنات اشرايكم انفكر لنا في مشروع مربح
واللي عندها فكرة ولا تبي ممولات لمشروعها تقول لنا
وخلونا نتساعد

وربي يرزقنا ويرزقكم

ناطرتكم يا بنات

8 تعليق 833 مشاهدة

شاركي في النقاش

سجلي الدخول لإضافة تعليق.

التعليقات

8
  1. @hms_almsa

    هلا والله بالاخت موكي 00 انا تعبت وانا افكر بالمشاريع ولاطبقت ولا شي على ايدك اذا عندك شي قوليلي 00 انا من الكويت واحب التجارة 00 حلمي اكون تاجرة
  2. @roh_alrehan

    السلام عليكم ورحمة الله وبركاته
    انا بصراحه عندي فكره وودي انفذها مشكلتي مو بالتمويل قد ما هي بالتنفيذ والمساعده والتشجيع
    انا رسامه ارسم لوحات حسب الطلب بالحجم والالوان والفكره
    حاليا اشتغل بس بين الاهل والاصدقاء
    لي مشاركات بمعارض بالكويت لوحاتي اسعارها مناسبه مع الاطار بحدود ثلاثين دينار
    نفسي افتح محل للوحات والاشغال اليدويه بس بصراحه ما لقيت تشجيع الكل يقولي ان المهنه مو مربحه
    مع ان اعمالي جيده جدا بشهادة النقاد بالكويت
    http://forum.hawaaworld.com/showthread.php?s=&threadid=170581&highlight=%E1%E6%CD%C7%CA

    هنا موضوع فيه بعض اعمالي السرياليه بس انا للبيوت ارسم شغلات مناسبه طبيعه صامته مو سريالي طبعا:)
    عطوني اقتراحاتكم تعتقدون ممكن تنجح الشغله بالكويت ولا ؟
    عطوني رايكم بصراحه
  3. @moky_1

    صاحبة الموضوع
    همس المسا حياج الله
    فكري في هواية لك وخلينا نصقلها ممكن نطلع بفايدة
    واذا حبيتي شي واشتغلتي فية راح تنجحين


    روح الريحان ماشالله تبارك الرحمن شفت لوحاتج روعة
    ممكن تقوليلي واللي يسلمج شنو تقصدين بأخر لوحة ممكن النصيب صح

    تقدرين ياروح الريحان انج تتعاملين مع مهندسين ديكور وترسمين على الجدار رسومات
    وخصوصا هالايام هابين في الطبيعة على الطوف
  4. @hms_almsa

    ماشاء الله عليك ياروح الريحان فعلا مبدعه 00

    وانا عندي لك فكرة 00 بس مادري اذا تعجبك اولا 00 بس ممكن تعاملين مع المدارس 00 مدارس البنات طبعا 00 تلقين دايما في المدارس كل قسم يجيب رسام عشان يسويلهم لوحات في الممر مال القسم وكل قسم تقريبا يتكلف 160 دينار على لوحات بسيطه وانتي ماشاء الله عليك رسمك حلو ويستاهل اكثر وانتي كونك امرأه راح يرتاحون في التعامل معاك 00 وطبعا اي مدرسة ترسمين فيها راح يسوونلك دعايه في المدارس الثانيه 00 ومبدئيا ممكن في بداية السنه المدرسيه تعطينا رقمك ونسويلك دعايه 00ها وشرايك

تابعي تجارب أخرى من هذا القسم.