لي الحق اني اتضايق واخذ بكلامهم ولا ها الشي ربي ميسره لي ؟؟؟

سلام عليكم خواتي
شحالكم وشعلومكم ان شالله مرتاحين :)

امممممم بنات انا عندي مشكله اهيه هب مشكله كبيره بس حبيت اخذ رايكم فيه وابي ارتاح اكثر

الحمد الله انا الحين مخطوبه وياني نصيبي والشخص هذا مايقربلي لاكنهم ناس والنعم فيهم وصليت صلاه الاستخاره
3 مرات وحسيت براحه كبييييييييييره لتجاه هذا الشخص ويوم شفته وشافني ارتحت اكثر بعد
وفي نفس اليوم الي شافني فيه عقب 3 تيام صارت الخطبه الرسميه... يعني الاحداث كلها صارت بسرعه وبسرعه
والمشكله في عماتي يقولون انتو تسرعتو وبسرعه وافقتو وفي وحده منهم قالتلي لازم اتبين انج غاليه وموب يعني
يه نصيبج وعلى طول وافقتي والناس بيقولون هاذي ماصدقت على الله حد خذاها .. فا يوم خبروني جي مادري ليش
حسيت انهم موب عايبنهم الوضع مادري ليش او انا الي يمكن اتسرعت لاكن يوم خبرت امي قالتلي ماعليج يمكن ربج ميسرها لج وهذا ان شالله في خير لج ماتدرين.. فا ماعرف حسيت من كلام عماتي انهم خربو فرحتي مع انه كل شي صار اوكيه لاكن حسيت بضيقه.. وللعلم عرسي بيكون شهر 12 ..

فا شو رايكم يا بنات لي الحق اني اتضايق واخذ بكلامهم ولا ها الشي ربي ميسره لي وماعلي من كلام احد
ابي رايكم:27:

18 تعليق 1,506 مشاهدة

شاركي في النقاش

سجلي الدخول لإضافة تعليق.

التعليقات

18
  1. @t0o0to

    كلللللوووووللللوووليش على البركه
    اختي لا تاخذين بكلام احد مو شرط انك غالي اولا هذا نصيب
    ثاني شي اذا طولت الخطبه راح يملون اهل العريس وخير البر عاجله
    ما تدرين يمكن ان الامور صارت بسرعه من صالحل

    واللف مبروك وحياة سعيده ان شاء الله


    تقبلي مروري واعتبريني مثل اختك


    تحياتي لك
  2. @s_a_o_a_s

    صاحبة الموضوع
    تو تو تسلمين يا الغلا اسعدني ردج لموضوعي
    والله يبارك فيج :)
  3. @mshroaa_fylsof

    s-a-o-a-s
    تو تو تسلمين يا الغلا اسعدني ردج لموضوعي والله يبارك فيج :)
    :icon28: مبروك :icon28:

    بس بصراحة مو من حقك تزعلين وتتضايقين .

    اخاف تصيرين متكبرة على النعمة :mad:

    التيسير فضل من الله سبحانه وتعالى

    وهالنعمة تستاهل الحمد وليس الخوف والضيقة !!!!!

    كلام عماتك ورأيهم غريب شوي

    المفروض تسجدين لله شكر على هالرزق وتحمدين الله على النعمة

    افرحي وانبسطي واستمتعي بهالمناسبة

    واطلبي التوفيق والسخرة من رب العباد
  4. @s_a_o_a_s

    صاحبة الموضوع
    مشروع
    الله يبارك فيج يا الغلا

    لا اعوذ بالله لا متكبره على النعمه ولا شي
    بالعكس حمدت رربي على ها النعمه والحمد الله واااااااايد مرتاحه

    ومشكوره على التعليق وردج لموضوعي:)
  5. شكل عماتك غيرانيين ويمكن يتمنوا هالشى لبناتهم بس لازم هالناس تدلو بدلوها بدل ماتحتفظ بالاراء لنفسها بس الغيرة وماتعمل
    مبروك اختى وان شاء الله يكون الزوج الصالح اللى يسعدك

تابعي تجارب أخرى من هذا القسم.