ممكن تشوفولي حل في غرفة نومي اللي اكرهها؟؟؟؟

مساء او صباح الخير

حبيبتي لفتني موضوعج لانه سريرج درجته نفس درجة سريري

انا بعد ساكنه في شقة وكنت ضايقه من غرفتي تحديدا

بس اللي سويته غيرها بالمرة يعني مب بيرفكت وفخم
بس صارت أحلى على الأقل ان اللي يدخلها الحينه يحس انه فيها لمسات جمالية

اول شي انصحج فيه ولا تستغنين عنه هو تغيير لون الغرفة لانه ينعكس على الإضاءة
وفي نفس الوقت هو اللي يكون قريب من حواف السرير
وبدل ما يعكس اللون الأبيض انه السرير مب حلو يعكس الملون انه السرير ديزاين للغرفة

المهم انا صبغت وردي بس مطفي يعني مب زاهي او بناتي لا خليته دارك شوي

وعلقت ستاره لونها برتقالي ووردي وماروني وعاطية لوك ستايل هندي
والستارة ما خذت مني وايد وهي جاهزة بس انا اخترت اكثر من قطعة (هوم سنتر)

وبعدين يبت ليت تعليق ونازل من الجدار بنفس درجات الستارة وخامته مخمل برتقالي(هوم سنتر)

ويبت ابجورات بعكس الوان الليت التعليق يعني خامتة مخمل وردي غامج (هوم سنتر)

واخر شي غيرت الفرش بلون ماروني متداخل مع البرتقالي بشكل بسيط وحتى ما كلفني وايد لانه تلبيس عشان اوفر مساحة بدل اللحاف الكبير ( ايكيا)

وكل اللي دخل غرفتي قال حلو وفي نفس الوقت ما صرفت وايد عليه

يمكن كله كان 600 - 700 درهم

والسموحة إذا طولت عليج

اختج المزيونه

غيريها واشتري وحده حلوه وجددي الستاير والموكيت وكل شي وحسي بطعم الحياة لان اذا استمريتي بحالتك هذي خطر تنتحرين وسنتين وقت كافي للانتحار اسالي مجرب

غيريها واشتري وحده حلوه وجددي الستاير والموكيت وكل شي وحسي بطعم الحياة لان اذا استمريتي بحالتك هذي خطر تنتحرين وسنتين وقت كافي للانتحار اسالي مجرب

زوجة فهد
انا رايي زي ما حكولك البنات الغرفة ناعمة وهادية,بس تنتقلي على بيتك ان شاءالله غيريها على ذوقك
حاليا انا من رايي بامكانك تغيري الموكيت والستاير حاليا,يعني تجيبي لون غامق,لون الوردي الغامق او الزهري الغامق بعكس لون الغرفة وبتحسي حالك بغرفة جديدة,انا هيك صار معي غرفتي لونها بني والموكيت لون بيج ما بحب البيج غيرت لون الموكيت وحسيت خالي بغرفة جديدة,وبالنسبة للستائر جيبي ستاير غامقة شوي وماتكون سادة تكون مشجرة معرقة بكون افضل وغيري في ترتيب الغرفة,وضيفيلها لمساتك الانوثية وشوفي كيف بتصير بالتوفيق,وان شاءالله اكون افدتك

ماراح اضيف علي كلام خواتي شي لانهم ماشاء الله ماقصرو ابد

بس اضيفي شوي اكسسوارات علي تغير المفرش والستارة ..

اهم شي كسرتي الروتين وسويتي شويت تغييرر ,,

واصبري لين ماتنقلين ببيت جديد وتشترين غرفه نوم جديده

علي اختيارك افضل لك ..

دمتي بود