طاب خاطري.. والحين يطالبونني ..

اسمحوا لي افضفض لكم

وان طال كلامي فانا اختكم .. وابي أسولف معاكم

مشكلتي مع اهل زوجي (امه واخته الكبيرة مو متزوجه)


باقول لكم مواقف مختصرة عن حياتي معاهم

اذا دخلت وسلمت مايردون السلام

ما ودي اقول لكم عن سلفاتي لكن اللي يخليني اقول عشان تعرفون فرق المعامله ... والا انا وياهن مابيننا الا كل خير..

حنا اربع سلفات

الاولى كبيرة وفي بيت بروحها >>>مالها دخل بالموضوع


والثانية ( س) يحبونها لأن امها صديقة ( اخت زوجي)

والثالثة انا وياها بالهوا سوا >>> كلنا نعاني



مواقفهم معاي كثيرة ومتعددة


عطيتهم وبريتهم وهاديتهم .. لكنهم مثل السبخة ... مهما نسقيها .. ما ترتوي ولا تنبت:06:



باوضح لكم الصورة ولابد اعطيكم كم مثال

وهي مجرد أمثلة وقيسوا عليها حياتي اللي عشتها معاهم سنوات..


= الشاي الشاي اذا سووه ... يعدون بالعدد ... يقولون للخدامه جيبي الشاي لامه واخته و(س) ... وبس!!! >>> وقيسوا على ذلك الاكل والخبز والقهوه وكل شي..




= اذا (س) عطتهم اي شي سنه كاملة يمدحونها


وانا لا.. لدرجة بالعيد عطيت ام زوجي عيدية ..فلوس.. ولما سألوها


عن هديتي تقول مدري قراطيس!!! الفلوس صارت قراطيس!!!!


=اذا دخلوا المستشفى قبل ولادتهم يكونون عندها بالمستشفى والأكل والعشى معاهم

حتى ادوية النفاس ام زوجي تشتريلهم .. وانا لااااا.... لما ولدت جوني بعدها بيوم وانا لما ولدت .. استصعبت ولادتي ودخلوني العناية..


=في المناسبات .. يروحون ويخلوني

كم مرة ينزلوني من السيارة .. اخته توقف عند باب السيارة وتصيح سيارتنا ماتكفي!!

وانزل ...


وزوجي يوديني..


= اقارب زوجي .. بعد الحج ..كل اللي زاروني قالولهم منال عند اهلها !!!! وانا فوق !!




وكل مناسبات اقارب زوجي تصير مشاكل.. او يروحون ويخلوني


’’’ زوجي ,,,,,,,,,,,,,,,,,,,,,,,,, قال لي

خلاص اقاربي مالك شغل فيهم .. عندك اهل واقارب ... المكان اللي تبي تروحين له انا اوديك ...


ولاتضيقين عيشتنا بسببهم..

القعده معاهم .. شي مو طبيعي توتر وكله نغزات ,, واستهزاء..


كل شي يكتمونه عني .. زواج .. حمل .. ولاده ...


الناس تعلمني ... واسمع من الناس...


اذا ... باركت لهم يقولون من علمك؟؟؟ اقولهم الناس ...


يحلفوني ألف مرة .. من الناس الي علموني؟؟ وأعلمهم >>> خصوصا حمل حوات زوجي او زواجهن .. اسمعه من اهل الزوجّّّّّ!!!







..



السالفة وما فيها..


انا طاب خاطري منهم .. ومليت


سبع سنوات وانا اداريهم .. واراعيهم..








الحين خلاص




ماتت مشاعري تجاههم .. ما ازعل منهم .. ولا اتأثر بكلامهم.. صرتا اعتبر نفسي جارة لهم ...


صرت انزل ربع ساعه ...


وما انزل كل يوم ...

..


وزادت نارهم وهجومهم علي أكثر...



زادت معاملتهم سوء ...............




وكل ما مريت او قعدت تحت..


يقطون نغزات .. الحريم ما يقعدون بالبيت .. والحريم يصعدون وينزلون محد يدري عنهم!!!




















شرايكم



سولفوا معاي ..


تراني حدي متضايقة وزهقانه.......









...

54 تعليق 7,342 مشاهدة

شاركي في النقاش

سجلي الدخول لإضافة تعليق.

التعليقات

54
  1. @rthathalaml

    الله يكون عونك

    بس خلاص زوجك قال لاتنكدين عيشتنا شوفي شاري العيشه زوجك

    يعني طنشيهم وحطي زوجك بعيونك وبس

    والله لواجتمعو هم وامة محمد صلى الله عليه وسلم ان ينفعونك اويضرونك ماراح

    يصير الا ماكتب الله لك

    اهم شي زوجك وهم انسيهم بالمناسبات فقط وجبي

    وتفرغي لنفسك وزوجك وحياتك الخاصه ولاتشغلين نفسك فيهم تدمري حياتك

    دعواتي لك بالتوفيق في حياتك يارب العالمين
  2. الله يفرج همك ويعينك عليهم والله مدري وش اقولك بس الطيب في هالدنيا مايعيش :) الله يكون بعونك حبيبتي

    دعواتي لك بالتوفيق:27:
  3. @zoyn_obs

    الله يعينك و الله مدري وش أقول لك لكن الله يهديهم و يسخرهم لك ,,

    و الحمدلله انو زوجك متفهم الوضع ,,

    طيب ماحاولتي مع زوجك تطلعون من البيت يمكن تخف المشاكل ..
  4. @nona_35

    الله يكون في عونك

    حبيبتي طنشيهم ولو انا منك مانزلهم الا مره بالاسبوع ولو تلكمو ولا بدئو بالنغزات ورمي الكلام طنشي وسوي نفسك ماسمعتي بكذا راح تقهرينهم يقولك الحقران يقطع المصران
    اهم شي زوجك لا تجلسين تشكيله ولا شي لانو بكذا راح يطفش منك

    ومره ثانيه الله يكون في عونك
  5. رذاذالأمل
    الله يكون عونك بس خلاص زوجك قال لاتنكدين عيشتنا شوفي شاري العيشه زوجك يعني طنشيهم وحطي زوجك بعيونك وبس والله لواجتمعو هم وامة محمد صلى الله عليه وسلم ان ينفعونك اويضرونك ماراح يصير الا ماكتب الله لك اهم شي زوجك وهم انسيهم بالمنا…

تابعي تجارب أخرى من هذا القسم.