انا وشغالتي

شغالة اهل زوجي كنت اروح الدوام واخلي بنتي عندهم وهي تقوم بها مع عمتي
والحمدلله كانت طيوبه وتحب بنتي وصورتها بالكاميرا كذا مره من دون علمها
حطيت الكاميرا بين التحف في مكتبة التلفزيون بالصاله والحمدلله كانت تلاعبها بس

لكني للاسف اكتشفت بعدها انها زنت مع اخو زوجي والعياذ بالله..رغم انه متزوج
حسبي الله ونعم الوكيل...

سافرت من دون ردة رغم اني كنت اعزها ..

بعدها جبت اندونيسيه ماتمت شهرين ونص سفرتها من كثر الهم اللي جاني بسببها
ثقيلة دم لسانها طول سور الصين، حتى بنتي كرهتها كره العمى

بعدها جتني اثيوبية والحمدلله على نعمه فتشتها ماشفت شي في اغراضها
وتعاملي معها باحسان وما اصرخ فيها وان غلطت افهمها كيف الصح من دون ما أهينها

لها عندي شهرين وربي يوفق ،،، بنتي احيانا تحبها احيانا تكرهها خبركم اطفال
بس انا ما اخليها عندها بحالها.. وفي شغل البيت ما اعتمد عليها كليا الا باشرافي

علمتها غسل الحمامات الله يكرمكم وغسل الفرن والثلاجة وكي الملابس والكنس

وما اعتمد عليها في طبخ ابدا استكره لهالشي... الا سلامتنا

ومع بنتي وظيفتها الحمام احيانا او لبس الملابس وبس ...

والله يكرمنا وماننصدم فيها يوم ... ويكفينا واياكم شرورهم يارب العالمين..