عندك طفل او اكثر بس الحين متاخرة في الانجاب>> عفوا يوجد ملف للمتأخرات في الحمل

السلام عليكم عزيزتي..
انا عندي طفل واحد
وعمره 3 سنوات و3شهور
وقررت الحمل من شهر اغسطس (اوقست)
ماسويت اي تجربة شعبية
والسبب لعدم استخدامي اي تجربة شعبية اني رحت لأول دكتورة وقالت لي ان عندي تكيس
وأخذت قلوكوفاج لمدة شهرين لكن آخذ حبة يوميا ونادر ما آخذ حبتين باليوم..
الشهر هذا ياحبيبتي ..بما اني مر علي تأخري ثمان شهور قلت لازم اشوف الطب الشعبي لأني رحت لآخر دكتورة وقالت لي انت سليمة ومافيك اي شي ..
مع ان الدكتورة اللي قبلها قالت تكيس وقالت خذي قلوكوفاج وأخذت كمان منشط كلوميد..
بعد مارحت هالشهر للمراخة وتراها جدا شاطره وانا اعرفها (يعني من معارفي)
ومشهورة بشطارتها..<---- اللي تبغى رقمها تقول لي ترى بآخذ فيكم الاجر وهي ساكنة في السويدي
المهم اني رحت لها في اليوم الثاني من الدورة (مع انه مفروض يكون المرخ في الايام الاخيرة)
لكن ربي مااراد اصلا اني اكمل معها ..تقطعت بي السبل.
لكن اللي حصل اني متمسكة فيها جدا جدا جدا واحس اني بحمل بعد مرخها (بعد الله سبحانه).
وان شالله الشهر الجاي راح اروح لها بس متى تجي الدورة عشان ارووووح..واكمل معها لأنها هي مرختني يوم واحد بس.وباقي الثاني والثالث.
اما موقف زوجي كالتالي:
انه اي شي تبغينه سويه لكن اهم شي تستخيرين رب العالمين قبل كل شي والحمدلله اهم شي انه مايوقف لي بأي شي انا ابغى اسويه .. لأنه حاس اني محتاجة يد تساندني مو توقف بوجهي وهذا هو الواجب من اي رجل امام زوجته وامام ربه قبل اي شي.
واللهم ياكريم ترزقني أنا وأخواتي في هالمنتدى الغالي وترزق كل محرومة يااارب..

سلااااااااااام
(إن شالله بعد شهر ونص راح انزل موضوع ابشركم فيه اني حامل)<----- ياااااارب

انا عندي ولد عمره سنتين و8شهور ودي احمل اكلت حبوب منع الحمل 6شهور بعدين استخدمت العزل ومن شهرين جماع طبيعي بس ماراد الله يمكن عندي لخبطةهرمونات ياراب احمل بتوئم بنات سليم ومعافى يشبهون لولي

حتى انا عندي ولد عمره سنتين وشعرين ربي يخليه لعيوني وماستخدمت منع حمل لانه حملت فيه متاخر بعد سنه من الزواج الحمدالله
وماستخدمت منع حمل الحمدالله بس كان كله شغل برى ولا عازل ولي 3شهور جماع طبيعي وماحملت وشكلي بروح اعيد الكره والله المستعان مع ان زوووجي رافض الحمل الان واهلي واقاربي يقول لسى بدري يابنت بس انا فكرت احمل بدري لاني خفت اتاخر زي حملي الاول... ودي اربيهم قريبين من بعض

حبايبي انتم ماشالله مالكم الا شهرين و3 شهور بس وماشالله تبارك الله..
يعني شوي شوي على حالكم ولاتضيقوا صدوركم ابدا ولاتشيلوا هم الا اذا مر 6 شهور أقل شي..
ابدأي في العلاج والا اللي قبلها عااادي جدا ..
بس نصيحتي لكم تقرأون عن متى تكونين خصبة للعضوة الرائعه دلفينا لأنها كاتبة هالموضوع مترجم عن وقت نزول البويضة وانا بالنسبة لي وضح لي شي كبييير كنت اعاني منه في حياتي ..
لأنه كان عندي افراز تقريبا 5 او 6ايام يكون كثير وكانوا يقولون لي اذا كان الافراز كثير فمعناته انه يكون يوم اباضتك وانا ما اقتنعت الا بعد قراءة موضوع دلفينا الله ينور عليها مثل مانورت علي.

وانا كنت ما استخدم حبوب منع حمل ولا شي لأني حالفة ما آخذها ابدا..
وبعدين ياحبيبتي أم لولي ترى الحبوب تمنع 3 شهور طبيعي بعدما توقفينها وممكن تستمر 4 او 5 شهور فلا تشيلين هممم.

وموفقين يااارب

أنا الحمدلله عندي ولد عمره ثلاث سنوات وسبعه شهور وبعدين استخدمت ياسمينا لمدة شهرين وبعدين كان طريقة العزل والى صار عمر ولدي سنتين ونص حملت لكن سقطت اللهم أجرني في مصيبتي واخلف لي خيرا منها
وفي شهر يناير العام استعملت خلطة عيون وليد وحملت في المرة الثانيه بفضل الله
لكن الحمل ماكمل وسقطت في الشهر الثاني وتقريبا لي تسعه شهور ولسه ماحملت الله يكتبلك ويكتبلنا جميعا يارب
وبالنسبه لزوجي الحمدلله جدا متفهم ويقول أكيد ان شاءالله ربنا بيعطينا دامنا ندعيه
وبس يالغالية وتسلمي عالموضوع الرائع