عصير او قهوة..او ولاشي؟؟

السلام عليكم

السموحة على عنوان الموضوع ولكن..
لو تقدم لك شاب او لاختك او بنتك او اي احد..
وجاء بيشوفها..

في يوم الشوفه..
كيف تدخل البنت..؟؟

لازم تشيل عصير او تشيل القهوة..او تدخل بدون شي..؟؟

بصراحة انا افكر بالموضوع واقلبه براسي من سنين..
العصير لما تشيله يمكن ترتبك وتهتز الكاسات اوينكب..والقهوة يمكن نفس الشي..

وبعدين كيف تدخل وكم تجلس وش تقول وش تلبس؟؟

كل هذي امور كثير نختلف فيها من بيت لبيت ومن مجتمع لمجتمع..

مثلا امي تقول تدخل الوحدة متحجبه..
وصديقتي تقول ادخلي والبسي اللبس الي متعودة تلبسينه وحطي مكياج وصلحي شعرك واكشخي بس مو بقوة على خفيف كل شي وبيني على طبيعتك اكثر..
بنت عمي تقول تنورة طويلة وبلوزة اكمامها طويله ولاتحطين ولا شي بوجهك الخ..
وقريت قبل فترة ان الوحدة تدخل وتسلم على كل الموجودين خخخ بس بعدين اكتشفت انه من دولة اخرى صاحب الراي يعني اللي عادي حريمهم يسلمون على رجالهم ويجلسون جميع..

كل هذي ارااء !!

ياليت كل وحدة تدلي بدلوها ونستفيد من بعض...

47 تعليق 3,400 مشاهدة

شاركي في النقاش

سجلي الدخول لإضافة تعليق.

التعليقات

46
  1. @aasoool

    لاتدخل لابعصير ولا بغيره
    شكلك متأثره بالافلام المصرية خخخ
    خليها تدخل مع احد من محارمها
    وتدخل محتشمه وبس:)
  2. @aum_dooode

    انا عني

    دخلت بدون اي شي والله فاضيه تصير احراجات ..

    دخلت وقعدت تقريبا 3 دقايق كنت لابسه بلوزه حمراء وفيها خطوط حلزونيه اسود

    وتنوره سوداء شيقه من فووق ومن تحت كسرات ..

    وكنت حاطه روج السحري هههههه وبلاشر وردي وكحله وماسكره بسسسسسسسسسسسسس
  3. @bnt_aboha_82

    صاحبة الموضوع
    خخخ انا اقول لامي ماراح اشيل شي

    بس تعرفون البنات عقدوني كل وحدة تقول شي
    وامي تقول البسي الطرحة

    بس انا جهزت الان تنورة جينز عادية وبلوزة برتقالية ماعندي غيرها كم طويل بس حلوة ماعليها..

    وبطبعي ماحط مكياج غير قلوز وماسكرا ويمكن احط كحل خخخخ

    مشكووورات دعواتكم تكفووون ترا على غفلة دقوا وقالوا بنجي خخخ

    الله يسهل يارب
  4. @allh_ykhlyly_zogy

    شوفي حبيبتي ادخلي ومامعك شي لاعصير ولاغيره
    والبسي لبس ناعم وبسيط والمكياج حطي مثل ماقلتي كحل خفيف مع شوي قلوس مع بلاشر بسيط
    والله يوفقك ويسهل امورك
  5. @dyary_sa

    تلبس لبس طويل واكمام طويلة وتفك شعرها وماتحط مكياج
    هذا اللي حنى نسوي وحتى في الشريعة
    ماله داعي المكياج
    اصلا الشوفة مهب على الكشخة
    على الراحة النفسية
    سبحان الله

تابعي تجارب أخرى من هذا القسم.