الســلام عليكـــم ورحمة الله ..
أخواتي الحبيبات يسعد صباحكم وكل أوقاتكم يارب
بعتذر منكم لاني ما خبرتكم باللي صار امبارح لأن الكهربا كانت قاطعة وهي قطعت من لما كانوا الضيوف عنا
ممم لو بدكم أحكي بالتفصيل فنبدا على بركة الله ..
لبست متل ما قالولي اهلي طقم بس حلو ومع الحجاب ولما طلبوا مني أطلع عديت من الواحد للعشرة واخدت نفس عميق ودعيت بسري ان ربي يوفقني ويجعل بوجهي القبول
وطلعت >> وقلت السلام عليكم وعيوني لفت على الموجودين ويااا الله شو صار بقلبي أول ما نزلت عيوني عليه
ما شاء الله وسيم جدا ومبين انه شخصية كان لابس بدلة شيك جدااااا وبعتقد اني صرت متل البندورة من كتر خجلي قعدت جنب بابا وضليت ساكتة وبعدها ما تجرات أرفع عيوني عليه تاني بس حاسة انه عم يطلع فيا
خواته طلبوا منه انه يكلمني ومايضل ساكت فقلهم واحدة واحدة بس يجي الاحساس وأشر ع قلبه أنقذوني بانهم طلبوا مني أعمل القهوة ...
وبعد فترة راحة بالمطبخ والعد لحد المية ( طبعا في أيدي مساعدة هي الي عملت القهوة .. انا مو قادرة ألتم ع بعضي )
طلعت قدمت القهوة ولما وصلت لعنده أخد القهوة من غير صحن انا مشيت قالولي ارجعيله خليه ياخد الصحن ورجعت اعطى الفنجان الاول لأخوية وأخد كمان فنجان ومن غير صحن وهو بيطلع في وانا خلاااااااااااااااص ماضل في دم .. وصار يضحك
دورت ع كرسي فاضي ما لقيت غير واحد جنبه طبعا هادي خطة عملوها عشان أقعد جنبه وبالفعل ما قعدت من هنا الا هو بدا يكلمني
وأعطاني فنجان القهوة وقلي بتوديه ع الصينية وبترجعي لمكانك بسرعة ولما رجعت قطعت الكهرباااا :( ففتح كشاف موبايله وحطه ع وجهي لحد ما ضووا اضاءات تانية
بعدها طلب من بابا انه نقعد انا وهو مع بعض واخته معانا بمكان بعيد شوي وبابا وافق وقعدنا شوي واخته تركتنا وراحت
قلي انه علاقتنا مستقبلا لازم تكون مبنية ع التفاهم وسألني عن دراستي وان كان حابة اشتغل او لا وكتير شغلات تكلمنا فيها .. حسيت انه انا محتاجة أعرف منه شغلات قبل مايصير أي شي رسمي
وباخر كلامنا قلي شو رأيك نقول أوك ؟ فبعد ما حسيت بالارتياح أعطيته موافقتي ورجعنا تاني للصالة عند الاهل وقال لوالده خلاص توكل على الله
كلهم انبسطوا وقالوا طيب نقرأ الفاتحة وبعد ما قراوا الفاتحة سلم عليا
واتفقوا ان فصل الحق والتقبيضة تكون بكرة ( الجمعة ) وبعدها العقد ان شاء الله
عقبااااااااااال عند كل الاخوات الآنسات طبعا وربنا يسعدنا ويسعدكم أجمعين ياااارب
وتسلموو حبيباتي ع كل كلمة حلوة وطيبة قلتوهالي ورفعت من معنوياتي
وان شاء الله حضل مستمرة معااااكم اتابع أخباركم وتتباعوا أخباري
أختكم المحبة في الله
أحتاج لدعمكم .. سيأتي ليراني اليوم
متابعة النقاش، صفحة 4