ولدي مايتكلم زين هل هذا طبيعي

السلام عليكم ورحمة الله
كيفكم خوا تي بنات حواء اظن مشكلة ولدي واضحه من العنوان
ولدي عمره2و8شهور يعني باقيله 4شهور ويكمل ثلاث وهو مايقول غيركلمات بسيطه مثل
ماما- بابا -بحر-ابي مويه-ابي عشاء وإذا صار يبي الحمام(تكرمون)أبي حمام وبس 0
لكن مايسولف مايحب يجلس علشان يسمع قصه 0احسه يفهم علي أحيانا موب دايم لكن مايعرف يعبر - سؤالي هل هذا الشي طبيعي ؟أولا؟ومتى يبدأسن الكلام؟
ملاحظه :هذا اول ولد لي 0
كل اللي حواليني يقولون اش فيه مايتكلم؟
:29:بعض الأحيان يردد اي كلمه يسمعها مني او من ابوه من غير مايعرف معناهالمجرد الترديد0يحب يمسك ورقه وقلم وهات ياخربطه0وسلامتكم0ياليت اللي عندها خبرة تفيدني0الله يجزاكم خير0
االعبير الزاكي:confused:

5 تعليق 1,908 مشاهدة

شاركي في النقاش

سجلي الدخول لإضافة تعليق.

التعليقات

5
  1. @am_shymaaa_1

    السلام عليكم أختي العبير الزاكي

    أختي كل طفل يختلف عن الثاني ولد أختي نفس الشي عمره سنتين وكم شهر وبعده ما يعرف ينطق كل الكلمات ومثل ما عرفت ان ابوه يوم كان صغير كان نفس الشي يعني بعد ما كمل ثلاث سنين بدأ النطق يتحسن عنده لذلك لا تخافي ما فيه الا العافية اختي

    وهذا موقع فيه معلومات ممكن تطمنك عن حاة ولدك أكثر :27:

    هل أنت قـلق بسبب النطـق عند طفلك ؟
  2. @shtha_alorod_1

    ليش مستعجله عليه لاحقه على بربرته هههههههههههههههه ان شاء الله :13:
    أنا واحد من عيالي تأخر في الكلام وكان أبوه يقول ياليته يتكلم ويوم تكلم ابتلشنا
    بطلباته عاد أبوه يمزح ويقول ليته ماتكلم ههههههههههههه
    بس عاد أنت حاولي تسولفين معه كثير .....
    الله يخليه لك قولي اااامين يارب
  3. @alaabyr_alzaky

    صاحبة الموضوع
    الله يجزاكم خير ويطمنكم زي ماطمنتوني (ام شيماء-زوارق)0وهذي لكم:26: :26: :26:
    انا ما خلاني قلقانه الا الانتقاد الدائم من اللي حواليني0
    الله يجزاكم خير :27:
  4. @am_lyan_5

    اختي العزيزه لو لسه خايفه عليه الافضل تراجعي دكتور انف واذن وتفحصي سمعه
    وان شاء الله يكون سليم

    تحياتي
  5. السلام عليكم اختي العبير الزاكي انااعاني نفس المشكله بنتي عمرها ثلاث سنوات ونص تتحكلم كلمات غير معروفه بس كلمات بسيطه بس اطمني انشاء الله مافيهم شيء اهم حاجه يكون يسمع والكلام يختلف من طفل لاخر مع الوقت يتكلم شوي شوي








    الماااااسه

تابعي تجارب أخرى من هذا القسم.