المرافقات مع ازواجهم في بريطانيا ..تعالوا شوي؟

السلام عليكم ورحمة الله وبركاته


اسعد الله صباحكم وممساكم بكل خير


عندي سؤال <<<اي سؤال قصدي>>>> اسئله

وهي بخصوص الدراسه... لان زوجي عسكري مبتعث للدراسه بعد 5 شهوور

وانا ودي كمان التحق بالبعثه معاه مابي تضيع هالسنوات بقعدة البيت فانا شايله هالهم

فأي وحده مع ((زوجها.. وعندها اطفال.. وتدرس)) تعطيني نموذج عن كيفية الوضع معها

يعني هل استطعتي التوفيق بين ((البيت.. والاطفال.. والدراسه))

حاسه في وقت لهم كلهم ولى فيه نوع من الصعوبه وعدم التكيف..... لاني اخاف تواجهني مشاكل من هالنوعيه تضطرني لترك الدراسه وانا ماأبي لأن الظاهر من القهر ممكن يصير لي زي كذا:angry:


هل تحسنت لغتك ام لازالت في تطور ..تخشين التحدث مع الاخرين او عادي بكل ثقه


ماهو المستوى الدراسي لك بكالوريس او ماستر..


وماهو التخصص الملتحق به بعد دراسة اللغه والمرغوب العمل فيه بعد الرجوع من البعثه


كمان ابي اسأل عن كيفية الدراسه من حيث السهوله والصعوبه .... وجو الدراسه مريح او مزعج .... والاجواء المحيطه من الاشخاص المتواجدين حولك حصلتي اصدقاء ام لا حاسه بخوف وربكه ولى الوضع عادي





انا بالنسبه لي عندي ولد وبنت الله يحفظهم ودي اوديهم للحضانه وانا اكمل دراستي بس محتاره اخاف مايتكيفون واضطر اجلس معهم وهذا مالا أتمناه


تكفون ساعدوني بالاجابه على هذي الاسئله اللي تغث من كثرها بس تدرون هاذا اللي يدور فييي ذهن كل وحده :confused:تبي تدرس كمبتعثه :3_3_103:

الله يفرج عليكم الموضوع هاذا مقلقني بالرغم اني كنت احلم فيه:29:

ربنا يحفظكم من كل سوء ومكروه .. ويرجعكم لاهاليكم سالمين:42: غانمين ومنتفخين من العافيه:hahaha:

وهذي لكل وحده بترد او بتمر علي :26::26::26:

12 تعليق 2,412 مشاهدة

شاركي في النقاش

سجلي الدخول لإضافة تعليق.

التعليقات

12
  1. @frh_42

    هلا حبيبتي وحياك الله..
    والله انا ناويه ادرس مابعد درست يعني مااقدر افيدك بس تعالي تجمع البنات ببريطانيا ومايقصرون معك ان شاء الله بس نصيحتي اذا بتطولون ادرسي حسافه تضيعين سنين فاضيه وربي يسهل كل شيء عليك وتيسر امورك موفقه اختي..
  2. @sham_aal_alkhdod

    والله اختي شوفي انا ادرس لغة الان بس مرة مضغوطة يعني تعب مرة خصوصا الطبخ والبزران
    بس يعتمد على زوجك اذا كان من النوع اللي متعاون فهو راح يسهل عليك كثيييييييييييير
    وان شاء الله مع الاصرار الواحد يقدر يسوي اللي يببية
    بنت عمي درست وهي عندها 2 وولدت الثالث في الغربة ومشاء الله عليها جابت الدكتوراة
    جارتي درست البكالوريوس وهي عندها 2 وجابت الثالث بعد ومشاء الله عليها الحين خلصت البكالوريوس

    بالتوفيق اختي
  3. @dowain

    :)I am not alone..do not worry you are not alone

    ان شاء الله تقدرين تدرسين..و معاكي بيت، و اطفال و زوج
    كثير سوها قبلك و الحمد الله...بس بالتاكيد تعب و ضغط:09:

    حطي في بالك ان ما تقدرين تصيرين كامله في كل شي..يعني لازم البيت يكون محيوس شوي..الوقت لنفسك..انسيه شوي
    الدراسه يمكن ما تقدمين كل جهدك..يعني لازم تتغاضين عن اشياء

    اطفالك...ان شاء الله يتاقلمون في الحضانه..بالتاكيد بياخذ وقت حسب عمرهم..يعني اسبوع لاسبوعين

    الدراسه..حسب التخصص و المرحله...الماجستير بوجه عام ضغط لانه سنه وحده فقط..بس تقدرين تمددين

    التكيف صعب بالبدايه...بس بعدين تتاقلمين اهم شي كوني متفائله و الله يسهلها..و ان شاء الله تحصلين اصحاب و تعاملهم هنا رسميين و مؤدبين بوجه عام و كلن في حاله
    و بالتاكيد التعاون من الزوج مهم جدا..علشان يخف الضغط شوي
    اعتبروها مغامره و الله يوفقك
  4. @soso_2_2

    اذا كانت فترة جلوسكم في بريطانيا طويله
    لاتضيعين الفرصه عليك وادرسي
    وبالنسبه لاولادك اذا دخلتيهم الحضانه بالعكس كم يوم ويتاقلمون
    وفي النهايه بيصيرون يرفضون يطلعون منها<<<<<<<خخخخخ
    وبالنسبه كيف توفقين بين الدراسه والاولاد والبيت ..,و....,وو.....و
    صحيح انها تعب وارهاق
    بس عاد هذا انتي وشطارتك...



    الله يوفقك
  5. @iamnotalone

    صاحبة الموضوع
    ياهلا بكم والله

    فرحتو قلبي بردودكم وشجعتوني اكثر

    مشكوره اخت فرح ويارب تتوفقي كمان وتحصلي اللي تبيه وفعلا هي 4 سنوات ومابي اضيعهم وربك يعين ويسهل

    شامه على الخدود .. ربنا يكون في عونك وتخلصي لغه ..ويعينك على البيت والدراسه.. وفعلا زي ماقلتي يعتمد على الزوج اذا متفهم

    ويارب يكون كذا .. وان شاء الله انا عندي اصرار بس اخاف ابنشر من نص الطريق

    يامرحبا اخت دوواين ...مشكوره على ردك من جد حسيت بحماس منكم من بعد ماكنت محبطه ومتردده

    ويارب يسهلها علينا وعليك يارب

    مرحبا ياختي سوسو 2 تسلمين على الرد والله يسمع منك يارب يكونوا متأقلمين فيها وخصوصا انهم متعلقين فيني فشايله همهم
    تسلمي ياقلبي على تشجيعك وربي يوفقك

    ويارب كمان يحالفني الحظ وتكونوا انتو اللي بتدرسوا معااااااااااااي .. بنقلبها بسطه وهاتك ياقهوه <<<<<<<<< تحب الجمعات والوناسه


    يالله يابنات بريطانيا افيدونا بوضعكم لاحرمتوا الاجر والمساعده ؟؟ ابي يكون الموضوع اعم واشمل تكفون

تابعي تجارب أخرى من هذا القسم.