ماذا تفعلين اذا تقدم لك احدهم ثم ذهب ولم يرد

وعسي ان تكرهوا شيئا وهو خيرا لكم
وان شاء الله ربنا يعوضك بخير منه

***** الله مايحصلش تاني واللي جيه يكون هو ده الزوج الصالح ان شاء الله
وشكرا علي المشاركه

الموقف الثاني

برضه ده حصل لواحده صحبتي قريبه ليا جدا

انها اتخطبت لواحد وخلاص كانوا متفقين علي كل حاجه وحددوا ميعاد الفرح وجابوا العفش وحجزوا القاعه وجابت الفستان وكل كل حاجه يعني وكان باقي علي الفرح 15 يوم بس
تخيلوا ايه اللي حصل
راح متصل بيها وقال لها ان كل شئ قسمه ونصيب
بعد كل التجهيزات دي
وطبعا طبعا صحبتي انهارت تماما وكانت تجيلي تقعد تعيط ومش مصدقه
روحت افتكرت الدعاء
اللهم اجرني في مصيبتي واخلفني خيرا منها
وخلته تقولوا
تخيلوا ايه اللي حصل
والله ثم والله اخر الشهر اتقدم لها عريس وماشاء الله عليه بجد بيحبها جدا وبعد خطوه لمده 5 شهور كتبوا الكتاب
فشوفوا بجد الدعاء ده سحري اد ايه سبحان الله بجد
وربنا يرزق كل بنات المسلمين الزوج الصالح عاجلا غير اجل

حكايه اللهم اجرني في مصيبتي واخلفني خيرا منها


اللهم اجرني في مصيبتي واخلفني خيرا منها
دي الحكايه الاصليه للدعاء
انا هكتبهالكم عشان تصدقوني فعلا لما اقول انه دعاء معجزه

كان في واحده ايام الرسول اسمها ام سلمي كانت امراه من الذين اسلموا وحسن اسلامهم وكانت متزوجه من ابو سلمي وهو ايضا من المسلمين الذين حسن اسلامهم وكانت ام سلمي تعز وتحب ابو سلمي جدا(علي فكره هما يعتبروا من الصحابه ) وتوفي ابو سلمي وكانت ام سلمه حزينه علي فراقه جدا فلما بلغ الرسول عن وفاه ام سلمي بعث لها وقال ان تقول هذا الدعاء فقالت وهل يوجد خير من ابو سلمي فاكد عليه رسول الله ان تقول هذا الدعاء فقالته ثم بعد فتره تقدم لها احدهم
عارفين من هو
الرسول بنفسه واصبحت ام سلمي امنا وزوجه الرسول عليه افضل الصلاه والسلام
عرفتوا ليه بقي انا بقول ان الدعاء ده فيه سحر عجيب
وطبعا الدعاء ده مش مقصور علي الزواج فقط وانما علي اي مصيبه تحدث للشخص

انا طبعا كتباها بالعاميه لكن اللي عايز يقراها يدوس علي الرابط

قصه امنا ام سلمي رضي الله عنها
http://www.ouarsenis.net/sera/albayt.php?albayt=page08

القصة الثانية أحلى من الأولى<<<<<<<<<<<<تحب النهايات السعيدة

والله يرزق صاحبتك اللي في الموقف الأول وكل مسلم ومسلمة