مشكله صعبه جداً

السلام عليكم
اخواتي بنات حواء حبيت اطرح مشكله عليكم لصديقه لا مو صديقه اخت عزيزه جداً علي
قالتلي مشكلته وطلبت منها اني اطرح مشكلته في عالم حواء عسى تلاقي حل وياليت كل الاخوات مايتعجلن بالرد ياليت الي عندها خبره او زوج فاهم تستشيره او اي احد صاحب تجربه مو قصدي شي بس تدرون الحرمه اغلب الاحيان تحكم بعوطفها مو بقلبها طولت عليكم بس ابيكم تسمعون مني المشكله من اولها وابيكم تحكمون براي سديد .

صديقتي هذي عاشت بعائله الوالد سكير وراعي حريم وام مهضوم حقه بمعنى الكلمه ،الاب ف يصرف عليهم واي مشكله تواجهه بناته من ازواجهم اللهم عافه تقولون اذاعة لندن مايترك احد ماعلمه بالمشكله ويزود وينقص على كيفه لحد ان بناته كرهن ان ابوهن يعرف اي مشكله كبيره اوصغيره عنهن اخوان صديقتي اسئل الله العافيه مابين شارب للخمر ومتعاطي للحشيش يعني بمعنى اصح ماله الا الله وهو نعم المعين.
اتزوجت صديقتي من واحد كانت سمعته على حد ماسمعو وسئلو عنه زي المسك الى ان جاء اليوم الي اكتشفت فيه ان زوجه يشرب ويحشش وهذا كان بيته اثناء غيابه او حتى لمنه راحت تنام عند اهله غير هذا الاشرطه الاباحيه الي اكتشفته في بيته هي عرفت هالشي عن زوجه بعد مرور سنتين من زواجهم بعد مروره بضائقه ماليه والتفاف اصدقاء السوء عليه حاولت انه توسع الصدر مره عليه تنصحه تهدده تروح لبيت اهله كل شي سوته حتى اتصلت على مشايخ خاصين بالمشاكل الاجتماعيه وعملت بحلهم وكل مره يبدي الاسف والندم وينعت نفسه بالحقير وانه وانه..................الخ السب لنفسه طعا صديقتي لها اربع سنوات ماحملت وشاء الكريم انه تحمل وكانت قبل متخانقه مع زوجه بسبب هالاشياء ونسيت اقولكم زوجه يقعد باليومين والاربع براء البيت ينام علشان الكيف وزي ماقلتلكم كانت مصممه على الطلاق ولاتفكر ولا ربع بالميه انه ترجعلوه وشاء الكريم وتتفاجئ بانه حامل طبعا اختلطت دموعه مابين الفرح والحزن الفرح بمنة الله عليه والحزن على حال زوجه المهم لانه تخاف الله اتصلت وعلمته الفرحه ماكان احد يتخيلها ووعده انه راح يكون شخص ثاني وفعلاً راح للتاهيل النفسي عرفو ان نسبة الحشيش والخمر مو مره معه على حسب ادعائه وقال لزوجته كلمي الدكتور فلان بالتاهيل واسئله اذا كنت مو مصدقه وبعد مرور شهر على جلوسه بيت اهله زوجه طلب منها وبالحاح انه ترجع للبيت لانه اتحول لشخص ثاني مجرد مر اسبوع على رجعته رجع الزوج للسهر براء البيت واكيد للحشيش.

حبيت اقولكم في النهايه انه مرت اربع سنوات واهله مايدرون عن اي شي حتى لمنه راحت لم اهله تقول انا مالي خلقه ولانفسيتي تعبانه او من هالكلام
الشي الثاني زوجه يحب الناس الي فيهم خير ويحب الصلاة وقراءة القران ويبكي كثير لمجرد انه يتذكر الاشياء الي يسويه وانسان حنون ويحبه بالمره وتقول انا متاكده من حبه لي

صديقتي تطلب مشورتكم تطلب الطلاق ولا شتسوي بالضبط
انا طولت عليكم صح بس حبيت انكم تحيطون بجميع جوانب المشكله

وابي منكم طلب صغير ادعوله بثبات حمله وان الله يهدي زوجه لطريق الحق


والله يجزاكم كل خير
انا بانتظار الردود

7 تعليق 1,129 مشاهدة

شاركي في النقاش

سجلي الدخول لإضافة تعليق.

التعليقات

7
  1. @am_alghaly_6

    السلام عليكم
    اختي العزيزة
    نصيحتي لصديقتك انها تصبر عليه
    وتساعده عالهدايه ولها الاجر الكبير
    وان شاء الله يبدل حاله الى الاحسن
    ويمكن لما تولد بالسلامه ويشوف البيبي
    ينصلح حاله
    والله اعلم

    والله يثبت حملها ويسعدها
    ويوفقك ان شاء الله يا اخت
    reem al fla
    على مساعدتك لصديقتك

    وشكرا
    :26: :26:
  2. @reem_alfla_1

    صاحبة الموضوع
    الله يعطيك الف عافيه ياخت دلوعه
    واسئل الله العظيم رب العرش العظيم ان يستجيب لدعائك
  3. @dmoaa_alashar

    بالنسبه لصديقتك هذي المفروض أنها طلبت الطلاق
    من أول ماعرفت عنه كل شي قبل حتى ماتحمل لأن
    غالباً الي متعود على هالأمور صعب أنه يتركها إلا
    إذا هداه الله وهذا شي ما يعلم به الا الله وبعدين وش فايدت
    الحب إذا كانت هذي طريقته لكن الآن صعبه
    انها تطلب الطلاق وهي حامل يعني مالها الا انها تكثر
    من الدعاء أن الله يهديه
  4. @mshaaal_alryad

    صديقتك بعد صبر اربع سنوات وحمل تفكر بالطلاق لوانها من أول ماشافت هذي الأشياء وقبل تحمل فكرت بهالشيء اصلح لها
    لكن الآن صبرت على الرجال واختارت الصبر عليه لهالمده حتى حملت والحمل يوثق علاقتها فيها يعني اذا كان يصلي تستخير وتحاول تكمل مشوار الصبر وتدعي له وخصوصا انه يظهر من كلامها انه فيه موده بينهم ولا كرهته رغم اللي شافت عليه
    واقترح عليها تدخل أحد من اهلها او من أهله يكون على قدر كبير من التدين واهل للثقه في أمورها معه ويكون معين لها على زوجها ويساعدها على نصحه واصلاحه

    والله يعينها ويكتب لها مافيه خير

تابعي تجارب أخرى من هذا القسم.