الأماكن السياحية في أبوظبي بس

السلام عليكم ورحمة الله وبركاته

خواتي أنا بسافر لأبوظبي وأبي أعرف الأماكن السياحية فيها مثل الحدائق والمنتزهات الأماكن الترفيهية اللي فيها

لو سمحتوا الموضوع هام ومستعجل

3 تعليق 675 مشاهدة

شاركي في النقاش

سجلي الدخول لإضافة تعليق.

التعليقات

3
  1. @am_ahmd_02

    السلام عليكم حياج الله اختي أروى .. ياريت لو اقدر اساعدج .. بس في هذا الوقت ما تقدرين اتسيريين للحدائق وايد حر .. اما عن المراكز في ابوظبي . انصحج بالمارينا مول .. وابوظبي مول .. ومركز المينا .. اللي يميز مركز المينا بصراحه مكتبة جرير و محل 2XL مال الأثاث.

    وانصحج تسيرين دبي .. فيها امكان سياحيه احلى واكثر من ابوظبي,,,

    هاي وجهة نظري..
  2. @aro_alhloh_1

    صاحبة الموضوع
    هلا والله أم أحمد
    مشكوره اختي على الرد انا من قبل رايحه لدبي سياحه لكن أبوظبي بروح لها لأن عندي كورس ( دورة تدريبية) ومدة هالدورة 5 أيام وزوجي يبي يسافر معاي فقلت منها تكون دورة تدريبية ومنها سياحية

    اذا ما عليج أمر ممكن أعرف اماكن المنتزهات والحدائق حتى لو حر ( ههههههه شدعوه الكويت بارده هم حر نفسكم بس شنسوي لازم نتحمل )
  3. @am_ahmd_02

    اختي انا من دبي وساكنه في ابوظبي من 3 سنين وفايها حدائق مثل دبي .. يعني فيها حدائق بس ما تشجع انك تدخلينها من شكل البوابه بس تقدرين تسرين الكورنيش اللي عند المارينا مول مكان حلو و هناك في مطاعم وبعد تقدرين تسيرين مطعم الظفره وتأجرين مركب يعني تتعشون مثلا في المركب وهو يتجول بكم .. نفس اللي في دبي مطعم البوم .. هذا نفس مطعم البوم اللي في دبي بس الإسم غير.. ومطعم قصر الهند بعد حلو
    وسمعت عن شاطئ الراحه بس بصراحه مارحت لانه شوي بعيد عن المنظقه اللي ساكنينها.

تابعي تجارب أخرى من هذا القسم.