عندي نصيحة للي حايتزوجو
انصتي لزوجك و لا تجادليه ابدا و لا تعاندي في اي موضوع لانه دا الشئ يقلل من الحب و خليكي منصته و لما يخلص كلامه كله ( لا تقاطعيه ) قولي وجهة نظرك و حاولو تتفقو عليها (انا و زوجي كنا دايما نتجادل يعني ممكن ل6 ساعات متواصلة على موضوع بس الحمدلله عرفتله والحمدلله عايشين مبسوطين )
غير كده نصيحة لا تقولي لاهلك اللي بينك وبين زوجك لو في اي مشاكل حاولي تحلوها بنفسكم لانه من هنا تبدأي تتحملي المسؤولية غير كده اهلنا ما زوجنا عشان يتحملو مشاكلنا و مشاكل رجالنا زوجونا عشان يرتاحو
حتى لو ضربك اعرفي ايشش عنده امكن عنده مشاكل في شغله او مشاكل مادية لانه الرجال مايعيبهم غير جيبهم و حاولي تكوني بعدها حنونة معاه و تعرفي ايش عنده من مشاكل عشان بعدها يحطك على الراس و لا عاد يقدر يمد يده بالعكس دا يبوس يدك و راسك كمان و دا عن تجربة
و نصيحة اول سنتين استحملو كل شئ لانها فترة تعارف و بعدها خلاص يهون كل شئ
اقسم بالله لو كلكم تتبعوها تعيشو عيشة عسل باذن الله
و انا باكتب لكم لاني مريت بتجارب تستغربو منها و الحمدلله زوجي يموت عليا داحين ولا يسمع فيا و شايلني على راسو و كلكم تبغو كده
نسيت شئ تاني لا تحكو صحباتكم باللي يصير في بيوتكم ...
معليش طولت عليكم....
يامتزوجات تعالوا نتناقش عن تفاصيل اشياء في بال كل بنت مقبله على زواج !!!!!!!!!!!
متابعة النقاش، صفحة 325