السلام عليكم
اتمنى احد يفيدني بالحاله الطارئه اللي عندي .. يا جماعه عندي احد من الاهل عندها حاله نفسيه ..و اتظهر انه انفصام شخصيه و اكتئاب .. بصراحة الشخص سابقا كان في فتره كبوت و عزله اجتماعيه تامه .. و الشخص هذا عنده ذاكره ممتازه يعني انا ماشفته من 10 سنوات و اول ما شافني سلمت عليه و قالتلي هلا فلانه .. و كمثال ثاني يعرف كم عدد اولاده و شهادته التعليميه و ترتيبه بين اخوانه و اشياء كثيره .. بس بصراحه احيانا يقول ابيكم تذبحوني و تريحوني من العذاب اللي انا فيه :( و احيانا يقول انا حاسديني اليهود اللي بالتلفزيون و كثير يكرر هالشيئ .. وديناه الطب النفسي بالكويت و تم زياده جرعه الدواء اللي ياخذه و لما ذكر مسأله الانتحار الدكتور قال لازم نحجزها عندنا .. وديته الجناح بصراحه بينه و بين الاشخاص اللي هناك فرق كبير .. بإختصار اللي هناك مجانين بشكل كامل اما الشخص هذا كل شيئ فيه اوكي الا مسأله حسد اليهود و مسأله الانتحار .. و بصراحه اتمنى تفيدوني ان كان في دكتور نفساني زين بالكويت ينفع للحالات هذي و يعطيني رقمه او مثلا بكم الجلسه الوحده و اتمنى تفيدوني ان مرت عليكم مثل هالحاله و حبيت اسأل الادويه اللي ياخذونها يا ترى تتلف الاعصاب ولالأ و الاهم من هذا و دعواتكم لها بالشفاء :(
شاركي في النقاش
سجلي الدخول لإضافة تعليق.
التعليقات
11مواضيع مشابهة
تابعي تجارب أخرى من هذا القسم.