انتبهوا يابنات من ركوب الليموزين

السلام عليكم

كيفكم يابناااااااات ان شاء الله بافضل حال

رحت من فتره للرياض واضطريت اني استخدم الليموزين لعدم وجود من يتكفل بمشاويري ومعي اخواتي واطفالي يعني مو لحالي

لاحظت الكثير من المضايقااااااااااااااات مو من اصحاب الليموزين نفسهم لا
من الشباب اللي يمرون من عندنا تخيلو اشوفهم ياشرون له يعني اتبعنا ويقول السواق باكستاني هذا نفر مافي كويس!!!!!!!!
تكرررت مرتين وبعدها حرمت اركب ليموزين علما باني انا واخواتي اللهم لك الحمد متسترات لاكشنا نقابات وعلينا شراب يدين ورجلين بس ماني فاهمه الى الان ولاني مستوعبه معقوله اللي يصير تخيلو المره الثانيه كنا طالبين محل في العليا رفض السواق ينزلنا يقول شوفو السيارات الي ورا اكبر غلط تجون هنا بالليل !!!!!!!!!
عطوني اجيب لكم الغرض بدون ماتنزلون والله دعيت له من كل قلبي الله يستر عليه بالدنيا والاخره

سالت وحده من سكان الرياض قالت صار لها موقف مشابه
حسبي الله ونعم الوكيل على كل من طالنا شره :44:
طيب اذا الوحده مضطره والدين سمح داخل المدينه نركب مع السواق ومع حريم يجون هالمجانين يضيقون علينا :icon33:


ياليت اللي حصل لها موقف تذكره للعظه الله لايورينا وايكم مكروه

27 تعليق 2,621 مشاهدة

شاركي في النقاش

سجلي الدخول لإضافة تعليق.

التعليقات

26
  1. الله المعين

    انا ما جربت اركب ليموزينات الا مرة مع واحدة وكنا مضطرين له ومع ان الحمد لله ما حصلنا اي مضايقات بس انا كنت مرعوبة وخايفة جدا وما صدقت وصلت

    ماانقول الا الله يهدي هالشباب اللي مو مخلين احد في حاله
  2. @saraobs

    الله لايوفقهم اعرف وحده ركبت ليموزين مع اخوها عمره 17 واختها 20 والسواق الظاهر باكستاني الحيوان دخل فيهم بحوش عماره مهجوره فجاه ولما انتبهو صرخو بوجهه ونزلو بسرعه وهو يقول الطريق من هنا مختصر وهو يكذب جعله للمرض
  3. حسبي الله ونعم الوكيل والله دايم كذا خاصة عندنا بالرياض
    كانو بنات عمي يبون يجون عندنا وقالو خلاص مافي الا لوموزين وبالفعل وهم في الطريق والا هذولي الشباب الي وراهم وهم مانتبهو ولمن وصلو البيت قال السواق انا مانزلكم لأنو في شباب من اول وهم ورانا يعني لو ماتكلم هم مادرو والله يجزاه خير الرجال والله تقول بعدها بشوي حوسبهم وبعدين وصلوا بالسلامة
    والله المستعان
  4. @alshbly_1

    انا يابنات كنت اركبة والمصيبة لوحدي مدري كيف ماكنت اخاف بس كنت مظطرة علشان الكلية احيان مايجي السواق واحيانا انام ماقوم الامتأخر على العموم انا ولله الحمد انا من النوع الجلف جدا مع الرجال واساسا صوتي خشن وانا اخشنه زيادة اذا جيت اكلم رجال
    المهم صارلي موقف مع باكستاني مدري افغاني الله لايوفقه لادنيا ولااخرة الى يومكم اسمع طاري ليموزين تجيني حاله نفسية وللحين اتمنى من الله اني اشوفه على اساس انتقم منه بيدي

تابعي تجارب أخرى من هذا القسم.