شاركي في النقاش

سجلي الدخول لإضافة تعليق.

التعليقات

111
  1. صاحبة الموضوع
    من الأشياء اللي كانت تضايقني ...
    لما أثثنا بيتنا .. صار ينام على الكنبه قدام التلفزيون وهذا انا حامل ..وقلتله ليه تنام هنا؟؟ نام على سريرنا..يقول يغطني النوم وماأحس بعمري ...
    وصار على طول ينام هناك..((على اني مهتمه بنفسي وملابسي وريحتي ..عكسه هو))

    غير كذا مايعطيني خرجيتي كل شهر ... يقول ****لله ... ويطنش
    ولما أصر عليه...يقول: أنتي اول شهر زواجنا لما سولفتلك عن الشبكه ...تقولين عني بخيل وهذا وأنا حاجزلك في فنادق فخمه .. وتقولين هالكلام..وصار مثل المطرقه اللي يطرقها على راسي ...
    وهو من النوع اللي يشيل في قلبه ويحقد ... وعند أي مناقشه يجيب الأول والتالي...

    وعن الشغل يقول في مشاكل بينه وبين أبوه في العمل بسبب الشركاء...طبعاَ مايقول هالكلام الا بعد ماأجي وأكلمه عن
    - نومه في غرفة الجلوس على الأرض او الكنبه .. ابيه ينام عندي..
    - الصلاوات اللي يجمعها لما يقوم من النوم..
    - قعدته بالبيت مالها مبرر لازم يشتغل الصراحه زهقت منه (( هذا غير الريحه الخايسه منه من طول النوم وريحة الغرفه اللي تلوع الكبد كنه جيفة طايحه..مع انه يحب النظافه والترويش كل يوم اذا صحصح..))..
    طبعاَ انا اتكلم واتكلم معه كأني أكلم الجدار اللي وراه مايرد علي,,

    ردات الفعل::
    -أمشي وأخليه واسوي نفسي زعلانه ((وماعمره جا يراضيني ويكلمني لو بطريقه أخرى للحكي دائما))..
    - او اقعد احكي لين ينفجر ويصارخ ويقول الموال يجيب الأول والتالي والأكو والماكو واللي له دخل واللي ماله دخل والعراق وفلسطين ((والله ماأتريق اتكلم صدق)) ويقول لا هو عاجبك ولا عاجب أبوي (( واحيانا والله يبكي من القهر يمكن)) ويطلع من البيت..

    اذا جيت اكلمه في الصباح يقول جايتني من صباح الله خير تتكلمين
    واذا جيت اكلمه في الليل يقول جايتني والناس تبي تنام وترتاح وانت تبين تتكلمين
    واذا طلعنا أي مكان يقول انت جايتني اللحين وحنا طالعين وتتكلمين((مع انه هذا اقتراحه اول زواجنا نطلع نتناقش امورنا خارج المنزل))
    وطبعا تتبعها موال وصراخ.....

    آآآآآآآآآآآآآآآه وش أقول وش أحكي

    ... صار ينزلني عند أهلي بالأسبوع والأسبوعين ,, ويلا يجي ياخذني حتى احيانا يجيني عند أهلي وياكل ويقول بعدين أخذك...
    وأهلي حاسين فيني .. بس انا اطمنهم على نفسي واقول يشتغل وما عليه...(( تصدقون أهله خلوني أشك في نفسي يقولون ماكان كذا يحسسوني اني انا اللي غيرته)) وصرت كأني أخبي على أهلي حاجه فظيعه مسويتها.. مع ان زوجة أخوه تقول هو كذا من قبل لا ياخذك راعي نوم.. وأحيانا تقول كيف مستحمله الوضع اللي انتي فيه.. لأنه لما نروح عند أهله يجلس شوي ويروح ينام على طول.. واقعد اصحي فيه عشان نروح بيتنا.. يالله يقوم خلاص لما الكل بينام وانا جالسه عندهم....
    آآآآآآآآآآه بس آآآآآآآآآه
    من المواقف اللي صارت ...
    مره انا عند أهلي كالعاده... الطفل تعب ورحت فيه للأسعاف بالليل.. وأكلمه على الثابت والموبايل ومايرد علي.. عشان اسولف معه واخذ أخباره والطفل الحمد لله بخير.. واقعد اربع ايام اتصل ومايرد..خفت مو معقوله اربع ايام بالعاده يوم يومين مو مشكله لكن اربع ايام واقوم واتصل بأمه واسألها عنه شوفوه عسى ماصار له شي وتقول شفته امس مافيه شي ... المهم اكيد اتصلت عشان تتأكد... وآخذ شوي وأتصل ويرد علي واكلمه ونفسه شينه واقوله ليه مارديت علي الا يوم كلمتك امك... ويقعد يهاوش وش تبين قلتله: واعلمه بسالفة المستشفى ويقعد يقول: انتي مو قادره تربينه هاتيه وانا اربيه...وانت ماتتصلين الا بالليل او قريب الفجر..
    واقوله ماافضى الا هالوقت من الصغير مايخليني انام يالله ينام..(( مع العلم انه ماوراه شغل ولا شي بس لعانه..)) والله يابنات تذكرون لما قلتلكم اول يجيني المستشفى وأنا تعبانه ونايمه بعد الأبرة المهدئه ويفتح اللمبات ويزعجني .. ماكنت اقول شي..
    ويقوم يسكر التلفون بوجهي... وانا مصدومه وش دعوى..

    ملاحظه...
    كان فيه حبوب ياكلها اول الزواج وسألته وش ذي الحبوب وقال انا ماانام من كثر التفكير وهذا الحبوب زينه... وانا عروس صدقت كني هبله...
    ولما شفت العصبيه والنوم اللي هو فيه والحبوب اللي ياخذه على طول ومخبيها في ملابسه...
    اخذت اسمها وسالت الصيدليه عنها وقال : مهدئه للأعصاب ..
    بعدها سكت ماادري كيف ولكن عدت الأيام... والسنه ورا السنه ومن ضيقة الصدر الهموم ملايييييييييييين ...
    وحملت مره ثانيه بعد إلحاح منه وخبال مني انا الغبيه المفروض ماأحمل مره ثانيه الا لما يتعدل...لكن انا طيبه وربي ****الله بيعطيني على قد نيتي...

    والحمل زاد علي والرجل ماعنده أي احساس بالمسؤوليه مايقضي للبيت إلا بمزاجه وعلى كيفه الأغراض...واحيانا يالله يالله يقوم يجيب شغله للمطبخ او للبيت بعد مشادات بيني وبينه
    ......
    من المواقف اللي صارت لي معه...
    في احد الأعياد نشتري للعيد .. اصحيه من النوم ابيه يوديني للسوق نتسوق للعيد..طبعا متعود ينزلني عند اهلي واتسوق معاهم... ذاك العيد كنت عنده.. وأصحي فيه .. وقام واتصل على اهله واللي يوديهم للسوق يمروني واروح معهم..طيب ماعندي مشكله... رحت للسوق مع اهله وهو كمل نومه...
    وشريت اغراض وباقي جزمه حق ولدنا مالقيت الشي المناسب (( او السعر المناسب))... ورجعت للبيت .. وبعد بكره العيد.. لما صحى اليوم الثاني .. قلت باقي جزمه ماشريت وعصب وقال ليه ماخلصتي ووووو.. ورحنا عند اهله وانا اذكره بكره عيد وباقي هالشغله بسيطه من أي محل على أي شارع نشتريه .. وبعد تغيرات الوجه والحاله حاله.. قال:: يالله قومي ويقعد يفر في الشوارع معصب مني ومن زحمة السوق... واشوف ذاك المحل على الشارع العام واقوله هذا هذا محل ... تخيلوا ايش سوا ....


    وقفني على الشارع الثاني وقال روحي اقطعي الشارعين السريعات وارجعي على ان الشارع هذاك مافيه زحمه....
    تخيلوا نزلت وانا دموعي ماسكتها... واشتري وارجع وقعدت ابكي في السياره... وجينا عند اهله ماخلاني انزل تجيب ولدي نزل هو جابه من عندهم عشان مايشوفوني ابكي...
    فكرت خلاص اروح لأهلي.. وتعوذت من ابليس وقلت عيد وفرحه ماراح اخرب العيد...


    المشاكل معاه..( النوم... عدم المسؤوليه بالأسره...البطاله اللي هو فيها)

    احيانا يكسر خاطري وارحمه واقول يكفي القهر والحبوب هذي مادري وش قصتها ...
    واحيانا اتوسم فيه الخير.. هو من النوع اللي عنده مكتبه كبيره فيها كتب من اللي يحبها عن الأداره والنجاح والطموح والذكاء العاطفي .. ويقول عن نفسه راح يصنع مجد ماأحد صنعه قبله...
    لكن حالته تقول غير كذا تماما...
    ...............
    للحديث بقيه الجزء الثالث والأخير من القصه ..انتظروني
  2. ااااااااه ياقلبى والله والله والله كانك تتكلمى عنى وقلت لايكون زوجها زوجى؟؟؟؟؟؟؟؟؟؟؟؟؟؟

    من جد تزوجت واحد قالولى يشتغل مع ابوه مرت شهور وسنين مايداوم طلع عاااااااااااااااااااطل مايحب الشغل واول زواجى بس نااااااااااااااااايم يومين ويصحى يومين وياكل حبوب واقوله ايش هاذى يقول حبوب للبلغم واصدقه!!!!!!!!!!

    المشاكل معاه..( النوم... عدم المسؤوليه بالأسره...البطاله اللي هو فيها)
    نفسسسسسسسسسسسسسس الحــــــــــــــــــــــاله بس الحمدلله ربى ماكتب لنا اجيب اطفال الحمدلله

    ونفس الحركه فى الاعياد بس تكون الطلبات ليه والله اكتب لك وانا مومصدقه اوووووووووول مرا اشوف مشكله كانى انا بطلتها

    بس الله يعينك الله يعينك الله يعينك ويصبرك على تربيت اولادك
  3. @ahb_soso

    الله يكون في عونك خبيبتي لكن انا اشوف انك تكلمين ابوه في الموضوع
    يمكن يقدر يسوي له شي ...
    الله يسخره لك
  4. صاحبة الموضوع
    مره صارت مشكله بيني وبينه والله العظيم قاعده اسولف معه عادي توني جايه من عند اهلي واقول وش فيك كنك متضايق طفشان عسى ماشر.. إلا ويقوم ينطلق على ويصارخ ...
    وذكرني بموقف صار في نفاستي الأولى اللي قلتلكم عنها..مشكلة المستشفى..


    بجانب المشكله الأولى...قلتله تعال عشان نطعم البيبي تطعيمة الشهرين وكنت استناه ودق الباب ولبست وطلعت بالشارع مالقيته دورته بسم الله وينه... واتصل عليه ويرد علي ويقول: خلاص انا رحت.. قلتله :ليش؟؟
    قال أسالي اخوك فلان ويسكر ...لا حول ولا قوة الا بالله .. وارجع البيت واكلم اخوي وشفيكم اخوي المسكين مايدري وش السالفه.. وقال كنت امزح معه واقول ::لالا ماراح تطلع اختي ولا البيبي لك يقول والله امزح مااقصد شي وزعل ... امي هاوشته...وكلمت زوجي وقالت ماعليك منه يمزح معك... تصدقون لو متزوج بدري كان ولده كبر اخوي اللي زعل منه...
    .. بين هالمشاكل ...مره امي عصبت عليه وقالت له: لا تقعد تسوي في بنتي كذا بهذلتها وهي نفاس مايصير كذا...
    طبعا شالها في نفسه المريضه...

    المهم يوم ذكرني ..وقال امك تقول لي ذا الكلام وانا محترمها وانا وش سويت لك وانا وانا.............((كل اللي صار وماسوا شي))..
    قعد يقول ماعاد لها احترام عندي خلاص..وووو... ويصارخ علي وانا ارضع ولدي...
    ومااستحملت كلامه.. وصرخت عليه وقلت خلاص وانا ابكي هذي امي لا تقول فيها شي وعصبت هو سكت...وانا قمت على غرفة النوم ابكي ...وش سويت؟؟؟
    جمعت ملابسي على السرير عشان اخليه ماعاد ابيه... شوي الا هو جاي وجايب كاس مويه لي انصدم لما شاف ملابسي...وقال :وين
    قلت: خلاص بروح
    سكت وقال: فلان ولدنا وين يروح
    قلت: معي والشرع يحدد بعدين..............ايش سوا تتوقعون؟؟؟
    جاب لي الشنطه.. عشان احط ملابسي...
    انا مذهوله ومقهوره هذا مجنون ولا صاحي..
    واحط ملابسي... وهو دخل مكتبته وبعدين صلى الفجر والولد تعب علينا ووديناه المستشفى... وتعوذت من ابليس... وجلست مارحت عند أهلي...
    وبعدين بين لي انه كان متضايق ومو مصدق اللي يصير....

    المواقف كثيره وتقهرررررر ...

    لكن الموقف اللي على قولة المثل ((الشعره اللي قصمت ظهر البعير))...
    لما نروح عند اهله كالعاده ينام .. والناس تبي تنام واحنا قاعدين..حتى اخوه فرق السما عن الأرض.. يشتغل في وظيفه ونشيط ولا مره خلا زوجته وراح للعمل.. واحنا نوصلها.. إلا يمكن مره وحده كانت تبي تستانس معنا عند اهله وماراحت بيتهم.. وزوجها عنده عمل...ووصلناه حنا...
    المهم زوجي احيانا يروح للبيت ويقولي مرات ومرات يقول حق امه او يرسل احد الصغار علي وارجع مع اخوه... وحجته عنده شغله بيخلصها.. واكثر المرات يبي خلوه مع نفسه لحاله...
    وانقهر واسكت .. والله مابي اوقف عند هالأمور ....
    وفي احد الأيام التي كانت فاصلة في حياتي ...رحنا عند اهله,, وكان له كم يوم معاه زكام وخف عنه... ولا يحب المستشفى يعالج يبي المناعه تشتغل...
    رجع للبيت وانا ماادري عنه.. بعد السهره ارسل اخوه على زوجته وعياله بيمشون بيتهم واسال امه وينه تقول ماتدري عنه طلع وماقال شي.. واسال..ياربي الجوال مايرسل يستقبل فقط.. كيف حتى لو عطيته (مس كول) كالعاده ماراح يرد علي...
    وانا اوقف اخوه واروح معهم يوصلوني بيتي...
    لما وصلت البيت الا هذي سيارته عند البيت... وانا افوح واطبخ من الغضب...
    وانزل.. بعيالي.. وادخل البيت واحصله مستلقي على الكنبه قدام التلفزيون...
    واكتم غيظي وماكلمته.. وادخل غرفة النوم واغير لعيالي وانومهم... الصغير مانام..يمكن اخذت ساعة ونص وبعدين رحت له...
    وجلست اكلمه ليه تمشي ماعطيتني خبر او أي احد ((على انه ماكنت ارضى يوصي غيري ولا يكلمني)) والله يابنات لو الجدار يتكلم كان الجدار رد علي وهو مايرد علي...

    واصريت .. انه يكلمني وكنت معصبه وماسكه روحي عشان مااغلط عليه..
    وقام يصرخ علي ويتلفظ علي باألفاظ وقحه سيئة جدا..ويقول عاجبك ولا روحي بيت اهلك مرتين وهو يكررها ...
    وقلت والله الوضع مو عاجبني من زمان وشنطتي جاهزه كالمعتاد .. وقام يمشي قدامي زي المجنون.. ويقول روحي والعيال ماتاخذينهم.. يوم شفته صحى الكبير من النوم يبي ياخذه وراح يلبس ثوبه... قفلت غرفة النوم علي انا وعيالي.. وقام يضرب الباب برجوله عطيت اخوي (مس كول) .. شفت الباب راح ينكسر..فتحت الباب الا واخوي يدق علي.. وارد عليه وسمع صراخنا ... وخذا الجوال مني ورماه...وشال عيالي في سرير واحد وقام يسحبهم في البيت.. وانا اقول حرام عليك لا تخوفهم وقام تفل على وجهي ودخلت في عيني ويقول اللحين تترجين...والجوال ماعرفتيه الا يوم دقيتي على اخوك... ويسب ويلعن فيني وانا مصدومه ومجروحه... ودخل المطبخ.. وانا اشيل عيالي وادخل غرفة ثانيه واقفلها...
    والله يابنات قام يرجف الباب لين طلعت مساميره.. واطلع على الدريشه وانادي اخوه وزوجته..وهو انجن زيادة وكسر الباب... وشال العيال .. واركض والبس عباتي والبيجاما علي وحلقي ناشف مره مره مره من الخرعه والخوف...
    وادور مفاتيحي مالقيتها اتوقع خذاها... واركض للسياره عشان مايروح بالعيال .. وخليت الأبواب وراي مفتوحه.. ويقول :ماتسكرينه بعد...
    ويسرع ويفحط بالشارع وانا ميته خوف لا نصدم..وهو قاعد يسب فيني ...
    ماوداني عند اهلي وداني عند اهله...
    لما دخلت عند اهله يقول: خذو العيال وخلها تروح بيت أهلها...
    امه هاوشته واهله...
    وجو اهلي خذوني من عندهم ...وانا مكسورة الجناح....

    وبعد اربع ايام تطعيمة ولدي الصغير وكل الأغراض بالبيت.. اتصلنا على اخوه عشان يقوله يطلع من البيت باخذ لي شغلات...
    ويكلمه اخوه وقال ماراح يطلع من البيت...
    لما وصلت بيتي طبع فاتح الباب ويقول ارجع بالسياره على ورا الأغراض واجد...
    لما نزلت لقيته جامع كل أغراضي في شناط ومتوجها بثوب عرسي فوقها... ومجمعها عند باب المدخل .. ويقول مايحتاج تدخلون البيت...ودخلت وجبت دفتر التطعيمات...واخذت اغراضي
    وصارت مشاده كلاميه بيننا وبينه...
    واحسه يتهاوش مره مع اخوي ومره يقول كنت راح اجيكم بكره واتغدى عندكم...
    وساألته عن كمبيوتري .. وقال يجيك مع ورقتك...


    مع العلم ...دائما احس انه يحدث نفسه بغضب..
    المهم..
    حاول يجي وقالوله اهلي جيب ابوك معك...
    وجا مرتين ..جايب المصروف عشان يغطي عبى عيوبه واطلع كذابه عند اهلي
    والمره الثانيه جا يشوف عياله...
    وتكلمو معه اخواني وصار في مشاده كلاميه..
    وقال : ماجيت اتفاهم ولا اراضي احد...
    طردوه ....وقال السنه فيها عيدين وطلاقها ثالث الأعياد...

    ولي الآن حوالي ستة أشهر.. عند اهلي
    ماجا ولا كلم
    واخوي كلم على ابوه وقال تعالوا صلحوا اموركم...

    لكن اخته كلمتني وقالت هو بنفسه .. اللي معطل السالفه.. ومايبي ابوه يجي معاه...

    ادعوا لي عسى ان تجد دعوة إحداكن استجابه..

تابعي تجارب أخرى من هذا القسم.