شاركي في النقاش

سجلي الدخول لإضافة تعليق.

التعليقات

34
  1. @quotaabyr_alnrgsquot

    اختي

    انتي ماتحتاجين لطبيب نفسي!!

    تحتاجين لـ

    تكييف نفسك مع اوضاعك الحاليه

    تحتاجين لـ

    التقرب من الله اكثر


    اما الاطباء النفسيانين اغلبهم ان لم يكن كلهم راح يصرفون لك ادوية نفسيه مهدئه تغيبك عن الواقع !!

    وتصيرين كأنك نايمه بالرغم انك مفتحه عيونك!!

    انتبهي يااختي....والله نصيحه من معرفه وعلم بالاطباء النفسانيين


    اما عن مسألة التكيسات.....فـ اكثري من قراءة وسماع سورة البقره والرقية الشرعيه

    واكثري من الاستغفار عشان لو كان السبب عين راح تنتهي بإذن الله

    اما بعدك عن زوجك ووجودك مع امك


    فـ والله انك بنعمه كبيــــــــــــــــــــــــــره

    سمعت من ثقه -تقرب لي - قصص محزنه ومؤثــــــــــــره ابطالها بنات لقيطات بلا ام ولا اب!!

    ووالله لو تزورين الملجأ يوم.. انك تحمدين الله على هالنعمه كثيــــــــــــــــــر

    امك وزوجك ماقصدوا يزعجونك بكلامهم....هم متأثرين مثلك واكثر

    لكنهم مااحسنوا التعبير!!

    تعوذي من الشيطان لأنه هو للي جالس يزعجك بهالوسواس!!

    اما الناس وكلامهم ونظراتهم....فـ والله انهم مايتركون احد بحاله!!

    اذا كنتي بنت...قالوا مسكينــــــــه ماتزوجت!!

    ولو تزوجتي...قالوا صغيـــــــــــره حرام ماتقدر ع الزواج والحمل!!<<حتى لو كانت كبيره

    ولو حملتي...قالوا مسكينـــــــــــه اكيد تتوحم ومغثوثه نفسها!!

    ولو ولدتي....قالوا الله يعينها ع التربيــــــــــه...ومسكينه جابت بنت...ولو جبتي ولد قالوا الله يعينها عليه!!!!

    ويستمر كلامهم في كل حدث!!!!!!!


    مايتركون احد بحاله

    وارضائهم شيء مستحيــــــــــــــــــــــــــــــــــــــــــــــــل!!


    عشان كذا دائما تذكري:

    ان رزقك حاصل حاصل ومااحد يقدر يمنعه الا ارادة الله وحده!!

    ورزقك مكتوب لك من قبل خلق ادم عليه السلام بأكثر من خمسين الف سنه!!

    <<<يعني ابكي والا اجلسي....رزقك مكتوب وحاصل!!

    تذكري النعم اللي ربي اعطاك هي:

    اهل وغيرك يتمنى نص اهل...مثل الايتام واللقطاء!!

    زوج محب وعاقل...وغيرك عايشه تحت ظلم الزوج!!

    صحه وعافيه في جميع بدنك وغيرك يغسل كليته او يتعالج بالكيماوي او مشلول او عنده التهاب كبدي اواو او!!!

    <<<<<تبارك الله

    ومرضك سهل بإذن الله....لأنه من ابرز اسباب التكيسات هو العين!!

    واذكر اني قرأت لأخت بالمنتدى هنا انها عالجت التكيس بالحجامه!!

    يعني مافيه مشكله اساسيه تتعبين نفسيا منها!!!


    لكن تعوذي من ابليس....ولاتجلسين بالبيت لأن الفراغ لو مااستغلتيه بالطاعه يذبحك بالتفكيـــــــــــــر

    ضعي لك جدول فيه اعمال راح تقومين بها خلال اليوم

    وقسمي ساعات اليوم بالثلث

    ثلث لربك وثلث لنفسك....وثلث لأهلك (امك وزوجك واخوانك)

    خصصي لنفسك عبادات وسنن تقربك من الله....لأنه القريب من الله تحصل له الدنيا بمافيها

    تعلمي طبخات وحلويات فرحي بها اهلك واخوانك ...وادخال الفرحه في قلب مسلم شيء عظيم!!

    خصصي عدد معين من صفحات القران تقرأينه يوميا....اذكر مره سمعت طبيبه نفسبه في محاضره تقول اثبتوا علميا ان قرءاة صفحتين من القران يوميا يخفف الاكتئاب بشكل مذهـــــــــــــــل!!

    استغفري كثير....لأنه كثير من المصايب بسبب ذنوبنا!!

    ولأن الاستغفار يهدي النفس بشكل فضيـــــــــــــــــع

    احضري محاضرات دينيه....او اسمعي لها بالنت....وسجلي بدورات في اي مجال تحبينه

    او التحقي بتحفيظ القران

    والله ان هالامور لها وقع شديد بالنفس!!

    وهالكلام من تجربه


    ارجع واكرر....انسي الطبيبه النفسيه وعالجي نفسك بنفسك...باللجوء للطبيب الشافي سبحانه

    واكثري من التصدق....لأني اعرف مريضه نفسيه تحسنت صحتها تبارك الله بفضل الله ثم الصدقـــــــــــــه!!



    والله يفرج همك يارب
  2. @thbhny_altfkyr

    صاحبة الموضوع
    اخت عبائر واخت عبير النرجس اولا جزاك الله خيرا على النصائح المفيدة وصح اختي انا فكرت الطبيبة النفسية متل ما قلتي عشان كده ما بروح لها ,
    لكن اختي عبائر اهل زوجي كلهم عارفين واطفاله بعد ويعرفوني واكلمهم ويجون عندي والحمد الله
    ولو كان عنده مشاكل انه يواجههم فيني ما تزوجني وهو عارف ان اهلي ان صبروا علي فبيتهم شهر او تنين ما رح يصبروا العمر وخاصة ان اهلي منفصلين والوضع صعب مرة :o وهو اول ما انخطبنا قال بالكتير 6 اشهر والاوراق تجهز وبالنسبة لزوجته اولا اطفالها يا قلبي عليهم مرة اطفالللل ما يعرفوا قال وقيل اعمارهم صغيرة ربي يطول بعمرهم ويشوفهم ابوهم احلى العرايس ويرزقهم زوج حنون يعوضهم عن قساوة الام ,وتانيا الحمد الله زوجي ما يدين من احد عشان لو دروه يسجنوه لقدر الله او غيره يعني ما هو حق مشاريع وديون ومدري ايش موظف والحمد الله ممشي اموره

    وبالنسبة للاهل شكلك بعد زيي هههه يالله الله يعين بس والايام تمر لاني احس بضيق كبير خاصة لما احد منهم يقول متى زوجك بياخدك ولا ما هو مشتاق ومن هالكلام اللي يزيد الهم

    والدراسة يا قلبي ما عاد يفيد الندم لان تقديم الامتحانات باقي له شهر واحد , وكان مفروض احضر الدروس من 7 اشهر لكني ما رحت لان كنت اقول ان كلها شهر او اتنين واسافر خليني اهتم بحالي واكون مركزة بزواجي لانه قريب والله لو ادري ان السالفة بتروح لها 10 اشهر كده كنت رحت ودرست وقدمت وعلى الاقل فرحت بنجاحي احس ان السنة ما راحت كده خاصة اني الحمد الله شاطرة
    بس الناس كلها فاهمة اني بسوي امتحاناتي عشان كده ما سافرت للحين ما احد يدري غير امي واخواني اللي ما وراهم غير كلمة راحت السنة وانتي كل شهر تقولين كلها اسابيع وبسافر يعني يتشمتوا وانا كل هالكلام ما اقدر اجلس احكيه لزوجي يوميا رغم اني يوميا اعاني معهم بس ايش اسوي الغلط من اول انهم كلهم مقدرين انها مسالة اشهر ما احد تخيل انها قريب السنة وللان ما في جديد
    جدتي كل ما شاقتني تسالني هاه ايش سوى اقول والله جالس يشتغل فيها وبعد عنده مشاكل له خاصة فيه مو بس انا يعني تقول يا سلام الحين انتي عروسته ومفروض يهتم لامرك قبل كل شئ والا ليه يطلبك ولا تجلسي كده ما احد عارف بتروحين متى وطبعا هالكلام ياثر ويخوف امي اكتر وحدة وتبتدي تقول ابه جدتك معها حق لو ظروفه صعبة كان خبرنا من اول وقال والله المسالة يبيلها سنة او سنين كنا اقلها غصبنا عليكي تكملي الدراسة وما ضاعت سنة كده ياخدك عنده ومشاكله التانية يحلها واني موجودة ولا ما ينفع وجودك بيخرب الحلول ومن كلام لكلام والله يرفع الضغط وانا ادافع واهاجمهم انه هو مو بيده شئ وانه هو يتمنى اسافر اصلا عشان اطفاله اولا اقول لهم بالعقل هو ليه تزوج يبي يسوي اسرة لو هو ما يحبني يب ما رح نتجادل بالموضوع بس هو يبي زوجة وام لعياله والا ما ورط حاله وتزوج يعني واجلس اشد على الي وانا من داخلي اقول يا رب افرججججها علي ولا تشمت فيني بشر:06:

    وانا احاول اساله ايش صار على التاشيرة لاني غير اني اي استقر وارتاح +ابي اخلص من شماتة اهلي فيني وبعد انا مرة راسمتله صورة حلوة قي بالي وما ابي تتخرب لاني خليت الناس كلها وكلامهم والرغي حق الحريم ان ليش تاخدين احد مطلق عمرك 22 سنة صغيرة والكلام اللي ما ينتهي والله تحديت الناس وقلت ان شاء الله احساسي بهالادمي ما يخيب وان شاء الله باذن الله بيطلع انسان جيد والناس كلها رح تعرف انهم غلطانين , وانا من داخلي اعرف انه انسان كويس عشان كده متمسكة فيه وما ابس الناس تشمت واولهم اخوي الكبير الي كان مراهن من البداية ان زوجي ما هو مندفع لي وما يحبني كتير وكان يقول لي عشان طلق وترك قرف الحريم وانتي بعد بيمل منك بسرعة ودايم اقول له كلامك ان شاء الله كله غلط بغلط وبكرا تشوف رغم ان اخوي والله يحبه بس يقول انا ازعل لانك تحبيه اكتر ما هو يحبك اقول وش دراك قال يبان انتي عادية زي كل بنت اتخطبت وحبت عريسها بس هو رغم انه انسان كويس ومحترم وانا ما اكرهه ابدا وابيكي تفهمي هذا الشئ بس الزواج ما يعنيله زي اول يعني اول زواج غير تماما عن تاني زواج
    يا رب كلام اخوي يكون كله خرابيط ياااا رب واشوف زوجي احسن الرجال وزينتهم ولا يشمت فيني احد ,انا ما ابي غير اني اعيش وانستر ببيت زوجي واربي اطفاله واحسبهم كانهم اطفالي عشان لا افكر بالحمل حتى واعيش زيي زي كل البنات زوجة وام حياة بسيطة بس احس بالامان والاستقرار لاني مرة فاقدتهم والله
    واحس نفسيتي وصلت لمرحلة اني ما عاد اقدر حتى اتكلم مع اللي حولي يعني ادخل اكلمك احس اني مرتاحة لاني الاقيكم زي اخواتي تنصحوني وتكلموني رغم اني ما اعرفكم ولا تعرفوني بينما لي هم اهلي من لحمي ودمي جالسين ما يرحموني والله احس قلبي بيوقف دموعي احبسها امامهم واشد على حالي والله اشد يدي على بعضها واقول لهم اصلا انا قلت له ما احنا مستعجلين خليها كم شهر وبعدين اسافر ابي اشبع منن اهلي شوي............. (هييييين مرة مينة اكون معكم وتحرقوني ليل نهار ) وانا لو انسانة ضعيفة كنت انهرت من اول ما تكلموا لكن امامهم فووووية تقولوا قلبي تلج لكن من الداخل ما احد يعلم بضعفي وانكساري غير اللي خلقني

    اااااه والله الحياة غريبة ما احد مرتاح بس الحمد الله على كل حال واحس انها ان شاء الله من كتر ما ضاقت قربت تفرج والله كريم
    وانا ادخل اسولف هنا عشان ارتاح لاني لقيتها انسب طريقة بدل ما اجلس كل ما كلمني تضيق الدنيا وابكي واصدعه هنا احسن انتم اخواتي دعواتكم لي ولزوجي الله ييسر امره وامري ويجمعنا قريبا
  3. @mkboth

    يااختي عليكي بي قيام الليل وقراءة سورة البقره وشرب ماء زمزم بي نيت الشفاء وانا الله يرزقك ذريه نصيحه من مجرب والله يشافيكي ويرزقك الذريه

تابعي تجارب أخرى من هذا القسم.