
بسم الله الرحمن الرحيم
السلام عليكم أخواتي، أمهاتي، وصديقاتي
اسمحولي أول شيء اني اقدم لكم شكر وأقولكم بارك الله فيكم صاحبة المنتدى، المشرفات والعضوات...
هذا المنتدى جعلني أنثى خلاني، علمني اشياء ما تعلمتها من أحد من قبل...انا لين ما صار عمري تقريبا 17 كنت مثل الطفلة.. الاستحمام مثلا عبارة عن شامبو صانسيلك وصابون لوكس فقط لاغير...ولا كريمات ولا ترطيب...ولا شيء..أما منتدى حواء خلاني أفهم في الماركات والمنتجات وطرق وأسرار...
وهذا الكلام صار له خمس سنين تقريبا... والحين صرت خبيرة بفضلكم...وحبيت أني أفيدكم...
هذا الموضوع اعتبروه عرض لتجاربي الشخصية...
أولا التجارب الناجحة::)
1-التقشير بزيت زيتون وسكر للوجه واليدين (روعة)
بصراحة انا ضبط معاي واعتمدته فترة طويلة... ينظف الوجه وينعم اليدين. وهو يفيد للقدمين بس انا ما ادري ليش احس ان القدمين موب مني،، ونادرا ما اهتم فيهم..:(، وهذا المقشر يصلح للجسم كله روعة فعال وطبيعي..
2-لإزالة الحبوب: جبت ماء حار دافيء وحطيت فيه كمية كبيرة ملح الاكل.. وجبت فوطة اغمسها في الماء المالح واحطها على الوجه، امسح بهالوجه، او احطها اماكن الحبوب فترة واضغط خفيف..، وارجع اغمسها بالماء المالح واعيد ...هذي مرررررة فعالة اذا كانت حبوب الوجه ملتهبة حمراء..وفي حالة ظهور مواد سائلة من البثور.. انا فترة ما اهتميت بوجهي وطلعت لي حبوب مقززة واستخدمت هالطريقة وماشاء الله بعد ثلاث مرات من الاستعمال بانت نتيجة حلوة..
3-ولإزالة الحبوب استعملت شيء ثاني اللي هو الليمون، عصرته في فنجان، وجبت كلنكس (يفضل قطن أو قطعة قماش) ودهنت الوجه بالليمون.. واخليه لين ما ينشف، وارجع ادهنه مرة ثانية بالليمون، وبعد ما ينشف ادهنه مرة ثالثة...وهكذا ...وهذي عناية مكثفة...وفعلا نتيجته حلوة.. أنا انصح بنات البشرة الدهنية وبالاخص اللي فيهم حبوب يختارو احد الطريقتين الليمون او الملح.. ويسووها كل اسبوع على الاقل ويشوفون النتايج كيف..
4-جربت امسح الوجه بالحليب الطبيعي وكان روووعة... كان في تحسن في بشرتي حتى امي لاحظت!
5-جربت اكسر بيضة واحطها في غرشة الشامبو.. وفعلا لا ريحة ولا شيء...بس الشعر تحسن ويتغذى.. حلوة الحركة اعتمدتها.
6-سويت سنفرة مكونة من فكس وفازلين ومبشور صابون دوووف والله يا حلوات انها صنفرة روووووووعة ... احس رفرش بعدها..كنت مسوية كمية استعملتها لين ما خلصت..والحين محتارة اسويها ولا لا..لان في بنات ما يمدحون الفكس !
7-جربت الصابون الكركم روووووووووووعة ... للجسم والوجه..حبيتها بس انا صارلي استعملها من اسبوعين فقط..الحين افكر اني ابشرها واحطها في كمية ضءيلة من ماء ونقط ماء ورد..واستعملها مثل السنفرة.. لان عجبتني سالفة الصابون المبشور..اسهل في الاستعمال.
8-جربت اشد بطني للداخل بين فترة وفترة وكل مرة اسويها اعد للخمسين (خلاص تعودت عليها).. وبنفس الوقت تخلصني مناي غازات المسسببة في نفخ البطن.. ويصير مشدود..اسويها يوميا تقريبا 5-7 مرات وكل مرة اعد للخميسن..
9-جربت كريم للجسم مكون من بودرة جونسون، كمية ماء ورد، نقطتين زيت زيتون، ومسك..رووووعة بعد الاستحمام تحطيها بالجسم، أو بعض المناطق في الجسم,,حلوة تفتح النفس.
10-استعملت عصير البرتقال والعسل للوجه كان حلو بس ما استمريت..
ثانيا: التجارب الفاشلة::09:
1-جربت استعمل معجون اسنان لتخفيف الألم قبل الازالة الشعر في منطقة الابط لان في بنات وايد مدحوا هالحركة وقالوا ايضا تنحط على المنطقة الحساسة، انا بس جربت على الابط، أولا صعب تغسلين المعجون من هالمنطقة، وبعد ما تغسلينه يروح تأثير المعجون ونفس الالم.. أو يمكن لأني أشيل بالآلة. بس قررت اني ماعاد استعمل المعجون عشان الالم!
2-جربت النشا مع ماء ورد، بصراحة انا اصدق البنات انها زينة، لكني فشلت في تطبيقها، وما عرفت كيف احطها في وجهي، اذا استعملت قطعة قماش، القطعة تمتص الخلطة، وما اقدر امسكها بايدي>> مااعرف كيف اشرح بس المهم ماقدرت اطبقها حاولت مرتين.
3-سمعت عن النشا لحف المنطقة الحساسة... استعملته فترة تقريبا اسبوعين او اكثر، هو صح سهل، بس من الخشونة تطلع جروح اثناء الحف...ونفس الشعر نفس الكثافة..بس عمليه الحلق تكون اسهل..
4-جربت خلطة للشعر فيها مايونيز...انا ابدا ما تحملتهاابدا...ما تحملت ريحة المايونيز..مع البيض..مادري كيف صارت>>تذكرت الريحة ولاعت كبدي الصراحة...جربتها مرة وحدة واتضايقت حيييييل...ياليت في حلول ثانية لتغذية الشعر بدل المايونيز!
5-مرات كثيرة استعمل خلطات بس لانها لازم تنحفظ في الثلاجة، استعملها مرة وبعدين انساها لين ما تتعفن...مثلا حطيت ليمون وماء ورد عشان ابيض الابط..في علبة مزيل عرق اللي فيها كورة...بس استعملتها مرة..وما قدرت اكمل..ممكن فكرة حلوة لو الحدة تشتري لها ثلاجة صغيرة تنحط في غرفتها او جنب غرفتها >> نحن بيتنا طابقين..وانا بالثاني وارجع من دوامي 5 العصر اتعايز انزل واركب..>>عشان ما تقول مررررة عجازة
6-الرتن أي: ما اعرف ما عطاني نتيجة قوية.. بسيطة جدا! يعني الملح واليمون كانوا افضل
7-في اخت قالت للشعر اللي تحت الجلد نستعمل ابرة صغيرة ونطلعه وبعدها نحط زيت زيتون >> سويتها ومكان كل حبة انتفخ وصار احمر!!!
وبإذن الله هنا بحط لكم باقي التجارب بعدين، وبحط تجاربي القادمة بإذن الله..واللي عندها استفسار، سؤال أو تعليق ...يشرفني ...
وولكم جزيل الشكر...
دمتم سالميـــــــــــــن...
